Mekonah Sampah, Gesang Barakah
Jamaah Jum’at Rahimakumullah
Kalebet saweneh tumindak tiyang ingkang Taqwa inggih menika nderek miara amrih lestantun-ipun “lingkungan hidup”, wabil khusus tuwuh kesadaran ing madyaning masyarakat miderek cawe cawe ngemonah sampah. Kengeng menapa khutbah wekdal menika mendet tema niki? inggih kita aturaken bilih agami islam menika addin ingkang sampun paripurna, sampun “Syamiil“ (cakupan ingkang wiyar),” Kamiil “(sampurna), saha “Mutakammil” (damel sempurna), pramila estu tansah migatosaken babagan nglestantunaken “lingkungan”. Semanten ugi agami Islam nyengkuyung amrih gumregah-ipun umat Islam supados tuwuh raos tresna ing lingkungan gesang-ipun, inggih sedaya mukawis ing sak lebeting kanan kereng ing madyaning gesang, sae makhluq gesang utawi makhluk mboten gesang sanesipun. Kepara kanjeng Rasulullah SAW dhawuh mekaten:
ارْحَمُوا مَنْ فِي الْأَرْضِ يَرْحَمُكُمْ مَنْ فِي السَّمَاءِ.
Jawinipun: “tresnani apa wae kang ana ndhuwur bumi, mangka kang ana sak nduwure langit bakal nresnani sira”
Jamaah Jum’at Rahimakumullah
Tlatah keprajan Bantul kanthi “semboyan” PROJOTAMANSARI ingkang ngemu suraos: “Produktif, Profesional, Ijo Royo-royo, Tertib, Aman, Sehat, dan Asri, ing wekdalakhir-akhir menika, estu prihatos awit mindak-ipun limbah sampah ingkang maneka warni kalebet sampah – sampah “domestik”. Kasunyatan ing saweneh tlatah sampah menika mboten dipun kemonah kanthi sae, sahingga nuwuhaken pandulu ingkang mboten ngresep-aken.
Naskah selengkapnya Klik disini
