Damel Gampil Saha Remen Tetulung

Ma’asyiral muslimin rahimakumullah,

Manungsa menika minangka makhluq sawantah mboten badhe saged gesang piyambakan. Ing saben saben obah mosiking kahanan gesang, menungsa tansah sinambatan kalih tiyang sanes. Pramila saking menika, panggesangan ingkang ayom ayem tentrem, inggih kanthi bantu biyantu saha damel gampil bot repoting gesang lan panggesangan ing madyaning masyarakat. Menawi hal menika saget kajiwa kasarira estu Allah SWT, badhe paring piwales dateng tiyang kasebat, saged uwal saking bot repoting gesang ing ngalam donya kepara ngatos ing akhirat samangke. Inggih adedasar setunggal hadits riwayat saking Imam Muslim saking sahabat Abu Hurairah, kanjeng Nabi Muhammad SAW paring piwucal mekaten :

مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ وَمَنْ يَسَّرَ عَلَى مُعْسِرٍ يَسَّرَ اللَّهُ عَلَيْهِ فِى الدُّنْيَا وَالآخِرَةِ

Jawinipun: “  sak sapa wae wong mukmin kang ngrampungi bot repoting sedulure saka perkara perkara donya, mangka gusti Allah uga paring gampang kangga deweke, bot repoting perkara akhirat. Sak sapa wae kang agawe gampang bot repoting liyan, mangka gusti Allah bakal agawe gampang bot repoting donya lan akhirate “

Saking menika sederak sedaya, mangga kita tansah ajrih saha nebihi saking tumindak awon, kalebet  perkawis perkawis ingkang damel tiyang sanes angsal kapitunan lan nemahi cilaka. Lan lakung awon malih inggih kados bebasan“ bermain di air keruh”, mendet manfaat saha keuntungan  ing sak nginggiling apes saha ringkihipun tiyang sanes, hal menika temtu sampun nerak paugeran saha tebih saking raos perikemanusiaan saha pranatan negari lan agami/ syariat Islam.

Selengkapnya klik disini