Tanda Yekti Tresna Dumateng Allah SWT

Jamaah Jum’at Ingkang Minulya

Mangga kula lan panjenengan sedaya, tansah mbudidaya amrih saged netepi iman saha taqwa wonten ngarsa dalem Allah SWT, ing sadengah wekdal lan papan. Inggih tansah cecepengan kalih Al-Qur’an. Allah sampun dawuh :

ذَلِكَ الْكِتَابُ لاَ رَيْبَ فِيْهِ هُدًى لِّلْمُتَّقِيْنَ

Al  Quran iku ora  ana mamang ing  jerone, pituduh kanggo wong wong padha taqwa. (QS. Al-Baqarah : 2)

Estu bilih Al Quran menika wahyu saking  Allah SWT. Mboten wonten ingkang analisir saking haq. Sedaya ingkang kamot ing lebeting Al Quran menika supados kangge sesuluh umat manungsa  ing ngalam donya menika. Pramila sak sinten kemawon ing tansah cecepengan kalih Al Quran, mesti badhe angsal kabegjan, kosok wangsulipun sinten kemawon ingkang mboten pitados kalih Al Quran, kepara malah  mbedal dawuh saha nebihi ing al Quran, estu badhe angsal bendu, kasengsaran, saha kapitunan gesang.

Piyantun  Taqwa inggih tiyang ingkang : nebihi kesyirikan lan nglampahi taat dumateng Allah. Utawi taqwa inggih tiyang ingkang nebihi sedaya perkawis ingkang  haram, lan nglampahi  sadaya dhawuhipun.

Jamaaah Jumah ingkang minulya

Allah SWT paring dawuh mekaten :

قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌرَحِيمٌ 31 قُلْ أَطِيعُوا اللَّهَ وَالرَّسُولَ فَإِنْ تَوَلَّوْا فَإِنَّ اللَّهَ لَا يُحِبُّ الْكَافِرِينَ32Padha matura : yenta seliramu kabeh (nyata nyata) tresna marang Allah, manuta sliramu marang ingsun. Gusti Allah maha paring pangapura lan maha welas asih. Matura : “taato marang Allah lan utusa-Ne, nanging yenta seliramu mlengos, ngertiya setuhune Allah babar blas ora demen marang wong wong kafir” QS Ali Imran 31-32.

Selengkapnya Klik disini