Ngabekti Dhumateng Rama Saha Ibu

Khutbah ingkang sepisan,

اَلْحَمْدُ للهِ الَّذِي اَمَرَنَا أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا. أَشْهَدُ أَنْ لا إِلَهَ إِلا الله وَحْدَهُ لا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لا نَبِيَّ بَعْدَهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ.

أَمَّا بَعْدُ, فَيَا عِبَادَ اللهِ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَالْمُتَّقُوْنَ. قَالَ الله تَعَالَى أَعُوْذُ بِاللهِ مِنَ الشَّيْطَانِ الرَّجِيْمِ.  وَقَضٰى رَبُّكَ اَلَّا تَعْبُدُوْٓا اِلَّآ اِيَّاهُ وَبِالْوَالِدَيْنِ اِحْسٰنًاۗ اِمَّا يَبْلُغَنَّ عِنْدَكَ الْكِبَرَ اَحَدُهُمَآ اَوْ كِلٰهُمَا فَلَا تَقُلْ لَّهُمَآ اُفٍّ وَّلَا تَنْهَرْهُمَا وَقُلْ لَّهُمَا قَوْلًا كَرِيْمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَّبِّ ارْحَمْهُمَا كَمَا رَبَّيٰنِيْ صَغِيْرًاۗ

Jama’ah Jumat rahimakumullah

Puji saha syukur tansah konjuk dhumateng Allah SWT, ingkang sampun maringi nikmat linangkung kathah.

Shalawat saha salam mugi tansah katur dhumateng uswatun hasanah Nabi Muhammad SAW, sedaya keluarga, shahabat, tabiin, tabiit tabiin, saha penjenengan lan kula minangka umatipun, ingkang tansah miderek saha gegesang sunnah-sunnahipun. Minangka khatib  mangga sareng sareng tansah ngupadi amrih mindakipun raos taqwa dhumateng Allah SWT, kanthi nglampahi sedaya dawuh saha nilar sedaya awisanipun.      

Jama’ah Jumat rahimakumullah

Sedaya kaum muslimin mesthi kemawon kagungan pepen ginan saged gesang kanthi sae ing donya ngantos akhirat. Pramila wonten saweneh amalan ingkang linangkung luhur, inggih menika birrul walidain/ngabekti dhumateng rama saha ibu, utawi tiyang sepuh. Putra putri ingkang purun ngabekti dhumateng rama saha ibu/tiyang sepuh menika, gesang lan panggesanganipun estu pinuji saha angsal barakah saking ngrasa dalem Allah SWT, ing ngalam donya ngantos ing akhirat.

Rama saha Ibu inggih sampun linangkung kathah jasa jasanipun, rama saha ibu ugi ingkang ngraos bingah saha rena ing penggalih rikala putra putrinipun lahir ing ngalam donya. Inggih rama saha ibu/tiyang sepuh  ingkang tansah maringi menapa kemawon kanthi tulus ikhlas. Tansah weweh mboten ngajeng ngajeng piwales. Taksih enget lagu menika : “Kasih ibu kepada beta tak terhingga sepanjang masa hanya memberi tak harap kembali, bagai sang surya menyinari dunia”. Saking menika kula lan penjenengan dados menapa kemawon, kagungan pangkat, jabatan, skill saha talenta, estu menika jerih payah saha panjurung pandonga saking rama lan ibu.  Raos sayah kula lan penjenengan sedaya kangge ngimbangi raos sayah saking rama saha ibu rikala nggulawentah wiwit timur ngantos dewasa, estu mboten saged dipun imbangi.

Pramila  estu sampun sak leresipun menawi lajeng gusti Allah paring dhawuh supados ngabekti dhumateng rama saha ibu. Allah SWT sampun paring dhawuh ingkang kaserat ing al quran surat Luqman ayat 14 (sekawan welas) mekaten :    

وَوَصَّيۡنَا ٱلۡإِنسَٰنَ بِوَٰلِدَيۡهِ حَمَلَتۡهُ أُمُّهُۥ وَهۡنًا عَلَىٰ وَهۡنٖ وَفِصَٰلُهُۥ فِي عَامَيۡنِ أَنِ ٱشۡكُرۡ لِي وَلِوَٰلِدَيۡكَ إِلَيَّ ٱلۡمَصِيرُ 

Jawinipun : “Lan Ingsun Allah paring dhawuh marang kabeh menungsa supaya padha ngabekti marang bapa biyunge. Ibune wus kanthi kahanan kang rekasa, uga tambah rekasa, lan nyapih anake rikala wes umur rong tahun. Mula padha syukur sira kabeh ing Ingsun, lan marang wong tua sak kloron, hamung marang Ingsun sira kabeh padha bali.” (QS. Luqman :14)

Selengkapnya klik disini