PAMAWAS GESANG MIDEREK ISLAM

Khutbah Sepisan

الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَل لَّهُ عِوَجَا. أَشْهَدُ أَنْ لاَ إِلَهَ إِلااللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلَى مُحَمّدٍ وَعَلىَ آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن.

أَمَّا بَعْدُ: فَيَا عِبَادَ الله أُوْصِيْكُمْ وَنَفْسِيْ بِتَقْوَى الله فَقَدْ فَازَالْمُتَّقُوْنَ. فَقَالَ اللهُ تَعَالٰى فِيْ كِتَابِهِ الْكَرِيْمِ, أَعُوْذُ بِاللَّهِ مِنَ الشَّيْطَانِ الرَّجِيْمِ, وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ 

Ma’asyiral Muslimin, Rahimakumullah

Alhamdulillahirabbil ‘alamiin, sedaya puja saha puji kagungan dalem Allah SWT. Shalawat saha salam mugi tansah kaaturaken dhumateng Nabi Muhammad SAW lumeber garwa putra  shahabat, tabi’in, tabiit-tabi’in, saha sedaya para pennderek-ipun dumugi akhir zaman. Mboten kesupen mangga sareng sareng tansah ngupadi amrih mindakipun raos iman saha taqwa dhumateng Allah SWT. Inggih kanthi taqwa samangke badhe pikantuk kaluhuran, kamulyan ingkang linangkung.

Ma’asyiral Muslimin, Rahimakumullah

Gilir gumantosipun warsa menika estu paring piwucal bilih gesang wonten ing ngalam donya menika namung sekedhap. Prastawa prastawa ingkang damel sedih saha damel remen ugi sedaya sami pirsa. Pramila ingkang baken inggih menika kepripun gesang menika saged langkung sae, sampun ngantos gantos wekdal kwalitas gesang tambah asor. Saking menika wonten bab bab ingkang kedah kula lan penjenengan sedaya gatosaken, inggih menika :

“Kenging menapa kula lan penjenengan menika wonten ngalam donya?”, “kagem menapa gesang menika?”, utawi “menapa tho ancas tujuan gesang menika?” pitakenan mekaten menika inggih  kagem ngasah akal budi saha manah, wigatosipun gesang ingkang sayektos. Kaserat ing surat An-Nahl : 97, mekaten  :

مَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ

Jawinipun: “sak sapa wong kang ngamal kebecikan lanang utawa wadon kanthi iman, mesthi bakal ingsun wenehi kanggo dewek-e panggesangan kang apik lan ingsun bakal menehi piwales arupa ganjaran kang luwih apik tinimbang apa kang wes den lakone dewek-e”

Ayat menika paring piwucal bilih pranatan saha paugeran gesang ingkang sae (hayatan thoyyiba) saha paring cara kangge nggayuh-ipun. Miderek  M Quraish Shihab ing  tafsir Al-Mishbah ayat menika saged dipun pendhet piwucal mekaten : Sepisan iman menika syarat mutlak kangge nindak-aken amal sholih.  Kaping kalih, panggesangan ingkang sae menika mboten ateges gesang mewah uwal saking pacoben, ananging inggih gesang ingkang linambaran raos lega, lilo, sabar ing nampi pacoben saha tansah syukur awit sedaya nikmat saking Allah. Pramila tiyang kasebat mboten badhe ngraos ajrih, khawatir, sedih, inggih sedaya sampun pasrah dumateng Allah, kairing kapitadosan bilih Allah mesthi bakal paring margi ingkang linangkung sae. Kaping tiga, panggesangan ingkang linangkung sae ugi nggadhahi  makna inggih panggesangan ingkang enak kepenak ing surga benjang, utawi ing  alam barzakh, utawi gesang lan panggesangan ing ngalam donya kanthi linuber ing raos  qonaah saha kasinungan rezeki ingkang halal.

Ma’asyiral Muslimin, Rahimakumullah

Allah SWT ngendika ing  QS. Al-Mu’minuun ayat  115 mekaten :

اَفَحَسِبْتُمْ اَنَّمَا خَلَقْنٰكُمْ عَبَثًا وَّاَنَّكُمْ اِلَيْنَا لَا تُرْجَعُوْنَ

Jawinipun : Mula apa sira padha ngira yen ingsun nggawe sira iku kanthi dolanan ( mesthi wae ana maksud) lan yentho sira ora bakal di balek-ake kejaba marang ingsun ? (QS. AL-Mu’minuun : 115)

Saking ayat kasebat ing nginggil, wonten bab-bab ingkang saged dipun tindak-aken supados gesang menika linangkung sae saha minulya, kadosto  :

Sepisan, tansah mendet hikmah saha piwucal saking gesang menika

Bilih saben saben prastawa menapa kemawon ing ngalam donya menika, sae ingkang ngremenaken saha damel susah, estu sedaya wonten hikmahipun. Kawula dipun dhawuhi supados syukur awit sedaya rahmat sih nugraha, saha sabar awit sedaya pacoben. Perlu dipun mangertosi bilih  kadang Allah damel prastawa ingkang maneka warna menika, inggih cara kagem ndidik kawula supados tambah kiyat iman saha taqwanipun.  Rasulullah SAW bersabda :

عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلاَّ لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ

Jawinipun : “temen gawe mongkok kahanane wong mukmin iku, sekabehe urusan iku dadi apik, mengkene mengkene iki ora bakal tinemu kejaba ing wong mukmin.  Rikala mekoleh kang nyenengke dewek-e padha syukur, iku apik kanggo dewek-e, lan rikala mekolah bab kang nyusah-ke, mangka padha sabar iku kabeh apik uga kanggo dewek-e.” (HR. Muslim, no. 2999)

Kaping kalih, gesang kang mesthi mapan saha manfaat

Gesang ingkang mapan inggih gesang ingkang manfaat dhateng diri pribadi, keluarga, masyarakat saha sedaya lingkungan. Rasulullah SAW sampun ngendika:

خَيْرُ النَّاسِ أَنْفَعُهُمْ لِلنَّاسِ

Jawinipun :  “Sak apik apike manungsa yaiku kang paling manfaat kanggo menungsa liyane.” (HR Thabrani).

Kaping tiga, gesang kedah tumuju sukses teng akhirat.

Gesang ing ngalam donya menika badhe dipun sebat sukses menawi tlonjongipun kangge sukses ing akhirat. Dados gesang ing donya menika estu badhe pados sangu ingkang sak kathah-ipun, kangge gesang sak lajengipun wonten ing akhirat. Donya dipun luru menapa malih akhirat, linangkung dipun luru. Allah sampun ngendika ingkang kaserat ing QS Al- Qashshas ayat 77 :

وَابْتَغِ فِيْمَآ اٰتٰىكَ اللّٰهُ الدَّارَ الْاٰخِرَةَ وَلَا تَنْسَ نَصِيْبَكَ مِنَ الدُّنْيَا وَاَحْسِنْ كَمَآ اَحْسَنَ اللّٰهُ اِلَيْكَ وَلَا تَبْغِ الْفَسَادَ فِى الْاَرْضِ ۗاِنَّ اللّٰهَ لَا يُحِبُّ الْمُفْسِدِيْنَ

Jawinipun : padha golek-o ganjaran negeri akhirat, nganggo apa kang wes dianugrahke marang sira, neng ya aja nglalek-ake bagianmu ing urusan donya, gawe-o apik sliramu kabeh marang wong liya kaya dene Allah wes gawe apik marang sliramu, lan aja pisan pisan gawe rusak ing lumahing bumi. Temen Allah ora seneng marang wong wong kang agawe kerusakan

Kaping sekawan, gesang kanthi tujuan ingkang jelas saha leres

Ancas tujuan gesang  inggih namung manembah dhumateng Allah. Kaserat ing surat Adzdzariyat ayat 56 mekaten;

وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ 

Jawinipun “ lan Ingsun ora nggawe jin lan menungsa kejaba supaya padha manembah marang Ingsun.

Mila sampun sak mesthi-nipun bilih sedaya menapa kemawon, ingkang kula lan penjenengan sedaya tindak-aken menika, kedah tumuju ing  manembah dhumateng Allah SWT. Pangibadahan ingkang mahdloh dipun tindak-aken kanthi sae, ingkang ghairu mahdhah kadosdene pados pangupa jiwa, silaturahim, saha sanes-sanesipun ugi dipun tindakaken kanthi sae. Amargi sedaya sampun wonten pugeran saha pranatanipun piyambak piyambak. Mekaten khutbah menika mugi manfaat.

أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.

Khutbah Kaping kalih

الْحَمْدُ ِللهِ الَّذِيْ أَنْعَمَنَا بِنِعْمَةِ اْلإِيْمَانِ وَاْلإِسْلاَمِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ. أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ .اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ.

اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ. اَللَّهُمَ أَعِزَّ اْلإِسْلاَمَ وَالْمُسْلِمِيْنَ، وَأَلِّفْ بَيْنَ قُلُوْبِهِمْ وَأَصْلِحْ ذَاتَ بَيْنِهِمْ وَانْصُرْهُمْ عَلَى عَدُوِّكَ وَعَدُوِّهِمْ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاما. رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ. وَالْحَمْدُ للهِ رَبِّ العَالَمِيْنَ

Dening : Ustadz Arief Rachman Anzaruddin, S.Pd

Naskah Lengkap bisa di download disini

Silakan Gabung di Group WhatsApp