“Valentine’s Day : Mergi Damel Risakipun Islam, Sanes dinten Kasih Sayang”
Khutbah Sepisan
الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللهُ لَقَدْ جَاءَتْ رُسُلُ رَبِّنَا بِالْحَقِّ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ. أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
اَمَّا بَعْدُ، فَيَااَيُّهَا الْمُسْلِمُوْنَ، اِتَّقُوْا اللهَ حَقَّ تُقَاتِه وَلاَتَمُوْتُنَّ إِلاَّوَأَنـْتُمْ مُسْلِمُوْنَ قَالَ اللهُ تَعَالىَ فِي كِتَابِهِ الْكَرِيْمِ: وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا
Ma’asyiral Muslimin Rahimakumullah,
Alhamdulillah, sedaya puji kagunganipun Allah c ingkang sampun paring sih nugraha nikmat saha rahmat ingkang linangkung kathah,saweneh inggih taksih dipun paringi saged nindak-aken ibadah jumat. Shalawat saha salam mugi tansah katur dhumateng Rasulullah g beserta lumeber sedaya keluarga, para sahabat, sumrambah sedaya umat Islam.
Kangge ngawiti khutbah Jum’at wekdal sakniki, minangka khatib, mangga sareng sareng tansah mbudidaya amrih mindakipun raos iman saha taqwa dhumateng Allah c, kanthi nindak-aken sedaya dhawuh saha nebihi sedaya awisanipun.
Takwa minangka saweneh perkawis ingkang kedah dipun upadi kanthi estu estu, sampun ngantos kendel. Supados takwa, menika saged kajiwa kasarira, kados dene coin arta, menika kedah jangkep. Pramila takwa menika setunggal proses ingkang kedah dipun upadi ngantos puputing yuswa, Allah c paring dhawuh mekaten :
وَاعْبُدْ رَبَّكَ حَتَّى يَأْتِيَكَ الْيَقِينُ
Jawinipun: “Lan padha nyembah-a marang pengeranmu, nganti tumeka marang sira pepesthen / (ajal)” (QS. al-Hijr: 99)
Ma’asyiral Muslimin Rahimakumullah,
Ing wulan Februari, wonten saweneh tiyang ingkang sami mengeti dinten ingkang dipun sebat “valentine’s day” utawi dinten kasih sayang. Dinten kasebat dipun pengeti kanthi maneka warna model saha tatapiranti. Jamak limrah dipun sengkuyung para wiranem. Nanging emanipun, menawi mboten ngatos-atos, saged keplantrang ing madyaning “pergaulan bebas”.
Kepripun miderek paugeran agami Islam mengeti perayaan kasebat? bilih perayaan kasebat sanes saking piwucal agami Islam. Ing agami Islam mboten wonten piwucal supados ngaturaken raos kasih sayang khusus ing wulan februari, ananging sak dengah wekdal saha papan supados tansah ngaturaken raos kasih sayang dhateng sesami. kepara Lafaz basmallah inggih, bismillahirahmanirrahim, lafaz menika ngemu suraos: kanthi nyebut asmanipun Allah ingkang maha welas saha maha asih. Umat Islam dipun dhawuhi supados tansah paring raos tresna asih saha welas dhateng sesami gesang, mboten model ungsum ungsuman. Saha kedah dipun mangertosi bilih Majelis Ulama Indonesia (MUI) ing fatwanipun no. 3 tahun 2017 sampun paring paugeran kanthi tegas, bilih haram hukumipun kangge umat Islam miderek pengetan/merayakan dinten “valentine”.
Ma’asyiral Muslimin Rahimakumullah,
Fatwa ingkang jelas saha tegas menika, jalaran wonten hal hal ingkang sampun nalisir saking paugeran. Pramila mangga dipun gatosaken info ing ngandap menika :
Sepisan, mengeti saha peraya-an valentine’s day menika saweneh saking tradisi tiyang-tiyang kafir. Ningali saking sejarah valentine’s day, ketingal estu bilih pengetan menika minangka setunggaling upacara peribadatan tiyang-tiyang kafir, ingkang dipun sengkuyung dening Paus Glassium I. Ing sak lebeting piwucal Islam, dipun dhawuhi sampun ngantos, gampil saha nggegampil miderek tradisi tiyang kafir. Allah c ngendika mekaten :
لاَ يَغُرَّنَّكَ تَقَلُّبُ الَّذِينَ كَفَرُواْ فِي الْبِلاَدِ ﴿١٩٦﴾ مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَادُ ﴿١٩٧﴾
Jawinipun:“Aja pisan pisan sira padha kepelut marang polahe wong-wong kafir, kang sarwa bebas (tingkah-e) ana sak njerone negeri. Hiya kaya mengkana iku rasa seneng kang mung sak wetara. Nuli kanggone wong wong kafir iku neraka Jahannam; lan Jahannam iku sak elek-elek-e panggonan.” (Qs. Ali Imran: 196-197).
Kanjeng Nabi g estu ngraos was sumelang awit generasi ingkang nilar atribut saha identitas keislaman-ipun, kanthi miderek tradisi saha budaya ingkang cengkah kalih piwucal agami Islam. Kanjeng Nabi g, nate dhawuh mekaten :
لَا تَقُومُ السَّاعَةُ حَتَّى تَأْخُذَ أُمَّتِي بِأَخْذِ الْقُرُونِ قَبْلَهَا شِبْرًا بِشِبْرٍ وَذِرَاعًا بِذِرَاعٍ فَقِيلَ يَا رَسُولَ اللَّهِ كَفَارِسَ وَالرُّومِ فَقَالَ وَمَنْ النَّاسُ إِلَّا أُولَئِكَ
Jawinipun: “Kiamat ora bakal kedadian (kejaba)yenta umat ingsun wus padha melu dedalane para leluhur sekilan mbaka sekilan, sak dhepa mbka sak dhepa,” nuli ana kang takon marang Rasulullah g, “ menapa wong wong niku miderek kados dene Persia saha Romawi?” Panjenengane paring pengendikan :“ kejaba wong wong iku, lha sapa meneh?“ (HR. Bukhari)
Kanjeng Nabi Muhammad g kanthi tegas sampun paring awisan, supados umat islam sampun ngantos (tasyabbuh) utawi melu anut grubyuk tradisine wong kafir. Panjenengane ngendika mekaten :
مَنْ تَشَبَّهَ بِقَوْمٍ فَهُوَ مِنْهُمْ.
Jawinipun :“sak sapa wae kang padha nyerupani marang sewiji kaum, mula deweke wes klebu anggota kaum iku..” (HR. Ahmad dan Abu Daud)
Kaping kalih, Pengetan dinten valentine asring wonten pengendikan “kasih sayang” ingkang keplantrang antawisipun jaler dhateng estri, satemah kathah kasus, tuwuhipun lampah sedeng saha zina ing madyaning mengeti dinten valentine kasebat.
Gusti Allah c sampun paring dhawuh, supados sedaya margi utawi tatalampah ingkang ing tembe namung tumuju dhateng tumindak utawi parek parek ing sedeng saha zina., kalebet sedaya “ucapan kasih sayang” dhateng lawan jenis ingkang sanes pasangan sah, nggepok senggol jaler kelawan estri sanes mahram, lampah kholwat (sesepen antawisipun jaler kalih estri). Pramila nembe parek parek kemawon mboten dipun kepareng-aken. Allah c paring dhawuh mekaten :
وَلَا تَقۡرَبُواْٱلزِّنَىٰٓۖ إِنَّهُۥ كَانَ فَٰحِشَةٗوَسَآءَسَبِيلٗا
Jawinipun: lan aja (pisan pisan) sira kabeh padha nyedak-i zina; (zina) iku temen temen sewiji tumindak keji, lan sewiji dalan kang elek (anget). (Q.S. Al-Isra’ : 32)
Ing agami Islam sampun wonten piwucal, arupi pranatan pranatan kangge ngatur sesrawungan antawisipun kakung kalih wanita, kanthi pranatan ingkang sampun jelas saha humanis inggih menika : bilih ing pranatan agami Islam, nikah menika halal, zina menika haram. Allah c sampun paring dhawuh mekaten :
وَأَنكِحُواْ ٱلۡأَيَٰمَىٰ مِنكُمۡ وَٱلصَّٰلِحِينَ مِنۡ عِبَادِكُمۡ وَإِمَآئِكُمۡۚ إِن يَكُونُواْ فُقَرَآءَ يُغۡنِهِمُ ٱللَّهُ مِن فَضۡلِهِۦۗ وَٱللَّهُ وَٰسِعٌ عَلِيمٞ ٣٢
Jawinipun :“lan padha nikah-a wong wong kang iseh ijen(bujangan) ing angtarane sira kabeh lan wong wong shalih ing antarane hamba sahayamu kang lanang lan wadon. Yen kahanane wong wong iku iseh miskin, Allah kang bakal ndadek-ake sugih kanthi sih nugraha-Ne.” (QS. An-Nur: 32)
Ma’asyiral Muslimin Rahimakumullah,
Kaping tiga, miderek pengetan dinten valentine, ateges sampun miderek ngumbar kemaksiatan utawi nyengkuyung kedadosan kemaksiatan, dangu dangu dados perkawis limrah. Ringkesing rembag bilih umat Islam kedah cawe cawe sampun ngantos lampah lampah awon, utawi kemaksiatan menika, tambah ngrembaka. Kalebet pengetan utawi perayaan, ingkang asalipun saking tiyang kafir, sampon ngantos miderek pengetan kasebat. Sak kamat kamat inggih nderek cawe cawe, brastho tumindak munkar. Rasulullah g paring dhawuh :
مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ
Jawinipun: “sak sapa wae saka sira kabeh weruh tumindak munkar, mula padha owah-ana nganggo tanganmu, yentha ora bisa, mula owah-ana nganggo lisanmu, yentha ora kuwawa, mula nganggo atimu, lan mengkono mengkono iku sak apes apes-e iman”. (HR. Muslim)
Ma’asyiral Muslimin Rahimakumullah,
Pramila mangga umat Islam kedah golong gilig, kanthi ihtiar saha semangat, mugi mugi generasi islam tansah saged nyepengi agami kanthi kiat, mboten gampil kepelut, wonten margi ingkang damel risak. Aamiin
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah kaping kalih
اَلْحَمْدُ لِلَّهِ حَمْدًا كَثِيْرًا كَمَا أَمَرَ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ،
إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي العَالَمِيْنَ إِنَّكَ حَمِيْدٌ مَجِيْدٌ،
اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ.
اللَّهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ، وَأَرِنَا الْبَاطِلَ بَاطِلًا وَارْزُقْنَا اجْتِنَابَهُ. رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ. وَالْحَمْدُ لِلَّهِ رَبِّ الْعَالَمِينَ
Dening : Ust Joko Winarno
Naskah Lengkap bisa di download disini
Silakan gabung Group WhatsApp
