PRIBADI MANFAAT ING MADYANING MASYARAKAT

Khutbah Sepisan

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ   وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ عَلَى مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

 اَمَّا بَعْدُ : فَيَا عِبَادَ اللهِ اُوْصِي بِنَفْسِي وَاِيَّا كُمْ بِتَقْوَى اللهِ اِتَّقُوْا اللهَ لَعَلَّكُمْ تُفْلِحُوْنَ،  قال الله تعالى : وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ

Hadirin Jamaah Jum’at Rahimakumullah

Mangga kula lan penjenengan sedaya, tansah ngaturaken raos puja puji pangalembana, raos syukur dhumateng Allah c,  sampun maringi nikmat linangkung edi peni inggih iman saha islam, kanthi kalih nikmat menika, kula lan penjenengan sedaya, sami tambah kakiyatan saha semangat kangge ninadkaken dhawuh saha nebihi sedaya awisanipun Allah c. Saking menika mangga dipun syukuri, kanthi mbudidaya amrih nikmat kasebat, tansah saged tambah ngrembaka saha sentosa. Shalawat saha salam mugi tansah katur dhumateng Nabi Muhammad ﷺ, minangka  uswah hasanah ing madyaning  panggesangan ing ngalam praja menika.           Salajengipun mboten kesupen mangga tansah  mbudidaya amrih mindhak-ipun iman saha taqwa dhumateng Allah c kanthi nindakaken menapa ingkang dipun dhawuhaken, saha istiqomah nilar sedaya awisanipun. Amargi taqwa menika mujudaken sangu ingkang linangkung sae kangge sowan dhumateng Allah c.

Hadirin Jamaah Jum’at Rahimakumullah

Manungsa menika   inggih makhluk sosial, ingkang mboten badhe saged gesang piyambak.  Pramila sampun dados jamak limrahipun  menawi, setunggal saha sawenehe kedah bantu biyantu.  Ampun egois kados dene seged gesang piyambak. Pramila saking menika saben saben tiyang menika, kedah bantu biyantu setunggal dhateng sawenehe.  Rasulullah ﷺ sampun ngendika mekaten :

خَيْرُ النَّاسِ أَنْفَعُهُمْ لِلنَّاسِ

Jawinipun : “Sak apik apike manungsa yaiku kang paling manfaat kanggo wong liya..” (HR. ath-Thabrani)

Supados kemanfaatan menika saged labet, saha dipun reken pangibadahan, pramila kedah ngakeni kanthi tulus, bilih kula lan penjenengan menika ,namung titah sawantah, inggih namung kawula. Allah c paring dhawuh mekaten :

يَٰٓأَيُّهَا ٱلنَّاسُ ٱعۡبُدُواْ رَبَّكُمُ ٱلَّذِي خَلَقَكُمۡ وَٱلَّذِينَ مِن قَبۡلِكُمۡ لَعَلَّكُمۡ تَتَّقُونَ 

Jawinipun : : Hai manungsa, padha nyembah sira marang pengeranmu, kang wus nitahake sira lan wong wong kang sak durunge sira, mula padha taqwa-a (QS. Al-Baqarah 21).

Kepara ing ayat sanes dipun aturaken mekaten:

وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ 

Jawinipun : Lan Ingsun ora nitahake Jin lan manungsa, kejaba supaya padha nyembah marang Ingsun. (QS. Adz-Dzariyat 56)

Ngengeti bilih manembah dhumateng Allah c menika, setunggaling kewajiban ingkang kedah dipun tindak-aken, pramila tuwuh kesadaran saha semangat, satemah ngibadah menika saged dipun raos sekeca, mboten awrat, saha kathah manfaat. Sedaya sami dipuntindak-aken kanthi sae. Kalebet ngibadah ingkang sifatipun umum utawi sosial. Pramila ing madyaning kegiyatan masyarakat,  mapan ing posisi menapa kemawon mboten mamang, mboten jiguh pekewuh, tansah kagungan sikap saha tumindak ingkang aktif saha positif. Allah c paring dhawuh mekaten :

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا بَٰطِلٗاۚ

Jawinipun : : Lan Ingsun ora nitah-ake langit lan bumi lan apa wae kang ana ing antarane (bumi lan langit) tanpa ana paedahe/hikmahe. (QS. Shad 27)

Hadirin Jamaah Jum’at Rahimakumullah

Lafal “Hikmah” menawi miderek kamus besar bahasa Indoneisa, tegesipun  “manfaat”. Emanipun kathah tiyang ingkang kagungan pemanggih, saha ngreken sepele, guyub rukun gotong royong saha kegiyatan ing madyaning masyarakat, satemah mboten purun nyengkuyung, saha mboten aktif. Estu bilih pemanggih saha sifat mekaten menika klentu, saha mboten bijak. Jalaran menapa? estu sayektos bilih, kathah manfaat saking aktif saha nyengkuyung kegiatan sosial masyarakat menika. Kadosta :

        Sepisan, Nuwuhaken raos lung-tinulung.Mboten wonten piyantun ingkang sanggup gesang piyambak, sedaya estu badhe mbetahaken biyantu saking tiyang sanes. Umpami wonten piyantun ingkang gagah pideksa, sehat, kasinungan banda ingkang kathah, jabatan pilenggahan ingkang inggil, ananging namung jejer titah sawantah, inggih namung makhluq, estu taksih kasinungan apes saha sekeng. Pramila sedaya kedah sadar, bilih sewiji dhateng sewenehipun menika, kedah bantu biyantu.   Ing mriki wonten paugeran agami, supados bantu biyantu menika ing margi ingkang sae. Allah c paring dhawuh mekaten :

وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ

Jawinipun : padha lung-tinulung-a sira kabeh sak jerone nglakoni kebecikan lan taqwa, lan aja pisan pisan sira padha lung-tinulung ing atase gawe dosa lan memungsuhan “”. (QS. Al-Maidah : 2)

Kaping kalih, Nuwuhaken raos tansah paring hormat sewiji dhateng sewenehipun. Kemajemukan utawi maneka warna (agami, suku, ras, lansanes-sanesipun) ing madyaning masyarakat menika sampun jamak limrahipun. Benten benten kapitadosan, fikiran saha karakter/persifatan, sedaya menika purun mboten purun, ing tembe nuwuhaken raos ngajeni, setunggal dhateng sewenehipun. Pramila asas bhineka tunggal ika, kedah saged kajiwa saha kasarira, persatuan saha kesatuan ugi mindak sentosa. Gesang sah panggesangan ing madyaning masyarakat saged langkung ayom ayem, sekeca saha damai.  Wonten piwucal ageng saking kanjeng Nabi Muhammad ﷺ mekaten ;

وَاللهِ لَا يُؤْمِنُ وَاللهِ لَا يُؤْمِنُ وَاللهِ لَا يُؤْمِنُ قِيلَ وَمَنْ يَا رَسُولَ اللهِ؟ قَالَ الَّذِي لَا يَأْمَنُ جَارُهُ بَوَايِقَهُ

Jawinipun : “Demi Allah, ora sempurna imane, demi Allah ora sempurna imane, demi Allah  ora sempurna imane.” Ya Rasulullah ﷺ Sinten ingkang mboten sampurna imanipun menika?” Penjenengane  Rasulullah paring pengendikan mekaten : “sewiji wong kang tanggane ora ngrasa aman amarga tumindak awone?” (HR. Al-Bukhari).

Kaping tiga, Peduli saha nyengkuyung  kegiatan sosial kemasyarakatan. Kadosta kerja bakti reresik ing lingkungan kampung, aktif nderek keamanan lingkungan (Kamling), saha sanes sanenipun kegiatan ing  lingkungan kampung. Ing mriki kedah aktif saha nyengkuyung , satemah tuwuh raos patembayan saha ketingal guyub saha rukun, kalebet sampun mboten wonten jiguh pekewuh amargi jabatan, pangkat saha kalenggahan, sedaya sami hak saha kewajiban-ipun.

Hadirin Jamaah Jum’at Rahimakumullah

Pramila saking menika sampun ngantos kula lan penejengan, ngantos ngemohi saha nebihi, srawung saha kekancan saha pasederekan ing madyading masyarakat, kados Allah paring dhawuh ing QS. Al-Qashash ayat 77 mekaten :

وَٱبۡتَغِ فِيمَآ ءَاتَىٰكَ ٱللَّهُ ٱلدَّارَ ٱلۡأٓخِرَةَۖ وَلَا تَنسَ نَصِيبَكَ مِنَ ٱلدُّنۡيَاۖ وَأَحۡسِن كَمَآ أَحۡسَنَ ٱللَّهُ إِلَيۡكَۖ وَلَا تَبۡغِ ٱلۡفَسَادَ فِي ٱلۡأَرۡضِۖ إِنَّ ٱللَّهَ لَا يُحِبُّ ٱلۡمُفۡسِدِينَ 

Jawinipun :” lan padha golekana apa apa kang wes paringake Allah marang sira yaiku sih nugraha ing negeri akhirat, lan aja pisan pisan sira nglalek-ake kanugrahan ing ngalam donya, mula padha gawe-a becik sira marang wong  liya kaya dene Allah we gawe becik marang sira, lan aja pisan pisan sira gawe rusak ing lumahing bumi. Sak temene Allah babar blas ora seneng marang wong wong kang gawe rusak (QS. Al-Qashash 77)

Mekaten mugi mugi manfaat,

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ الله الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

Khutbah Kaping kalih

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ  أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عبْدُه ورَسُولُه. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ، إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا  اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ إِنَّكَ حَمِيْدٌ مَجِيْدٌ،  اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ, اللّهُمَّ اغْفِرْ لَنَا وَلِوَالِدِيْنَا وَارْحَمْهُمَا كَمَا رَبَّيَانَا صِغَارًا, اللّهُمَّ أَعِنَّا عَلَى ذِكْرِكَ وَشُكْرِكَ وَحُسْنِ عِبَادَتِكَ,    رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِيْنَ إِمَامًا,   رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ,رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ

عِبَادَ اللهِ :إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَاءِ ذِي القُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ

Dening : Ust Muhammad Adi Negara, S.H

Naskah Lengkap bisa di download disini

Silakan gabung Group WhatsApp