Keluarga Minangka Wahana Penanaman saha Pengamalan Pranatan Agami Islam
Khutbah sepisan
الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ, اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن .
أَمَّا بَعْدُ؛ فَيَا عِبَادَ اللهِ اُوْصِي بِنَفْسِي وَاِيَّا كُمْ بِتَقْوَى اللهِ اِتَّقُوْااللهَ لَعَلَّكُمْ تُفْلِحُوْنَ, قَالَ اللهُ تَعَالَى, يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ
Jama’ah Jum’at Rahimakumullah
Sedaya puji kagungan dalem Allah I, ingkang sampun maringi dhumateng kula lan penjenengan, tumuju ing margi taqwa. Sinten tiyang ingkang taqwa, estu Allah I badhe paring sesuluh saha margi medal saking kahanan gesang ingkang mboten sekeca. Sinten ingkang taqwa, insyaalah dipun damel gampil sedaya urusanipun. Kalebet tansah ngaturaken raos syukur menika ugi saweneh saking raos taqwa. Saking menika menawi kula lan penjenengan menika tansah ngaturaken raos syukur, estu Allah I badhe tambah nikmat sih nugrahanipun, kanthi pengendikan “Alhamdulilahilladzii bini’matihii tatimus shalihaat.
Shalawat saha salam tansah katur dhumateng uswatun hasanah nabi akhir zaman, Nabi agung Muhammad r Rasul ingkang syariat-ipun sampun paripurna , Rasul ingkang sampun paring piwucal agung ing babagan akidah, ibadah, akhlak saha mu’amalah, kalebet saged gesang bale somah kanthi ayom ayem tata titi tentrem. Aamiin.
Keluarga-keluarga muslim, estu kedah saged miderek kanthi aktif, ing paring pambiwara, saha paring sosialisasi, nilai-nilai pranatan agami Islam, kalebet ugi ngiras ngirus nglampahi fungsi kaderisasi, ing satemah badhe tuwuh lare lare wiranem generasi muslim, ingkang ing tembe badhe dados tetungguling gerakan dakwah, saha saged ngemban amanah, amrih lestantun saha grembaka-nipun organisasi dakwah Islam.
Jama’ah Jum’at Rahimakumullah
Bilih para kakung, ing samangke badhe dados minangka pengajeng bale somah, pramila kedah kagungan ngilmu kangge ngemban tugas minulya menika. Minangka pengajeng kagungan tugas kewajiban, inggih mulang muruk ing sedaya anggota bale somah kasebat, ing babagan pranatan agami islam, kanthi pangajab mugi mugi sedaya dzuriyah, sami wilujeng slamet saking paseksan neraka. Allah I. Sampun paring dhawuh mekaten :
يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ
Jawinipun : Hai wong wong kang padha iman, jaganen awakmu lan anggota keluargamu, seko paseksan neraka, kang urup urupe seka manungsa lan watu;den jaga malaikat malaikat kang wibawa,lan tegas, kang ora mblenjani dhawuhe Allah marang deweke, lan tansah nglakoni apa wae kang wes di printahke.. (QS. At Tahrim ayat 6)
Ayat ing nginggil menika paring piwucal, kados ingkang sampun dipun aturaken dening imam Adh-Dhahak saha Maqatil mekaten :
حَقُّ عَلَى المسْلِمِ أَنْ يُعَلِّمَ أَهْلَهُ، مِنْ قُرَابَتِهِ وَإِمَائِهِ وَعَبِيْدِهِ، مَا فَرَضَ اللهُ عَلَيْهِمْ، وَمَا نَهَاهُمُ اللهُ عَنْهُ
Jawinipun : “dadi kewajibane wong muslim kanggo mulang muruk ing keluargane, kalebu sanak kerabat, budak sahaya lanang utawa wado. Supaya mulang muruk ing perkara wajib kang wus Allah paring perintah saha paring awisan-ipun (HR. Ath-Thabari)
Jama’ah Jum’at Rahimakumullah
Ngupadi supados saged konjem-ipun nilai- nilai pranatan agami Islam ing madyaning bale somah, dados tanggeljawab tiyang sepuh nun injih rama kalih ibu, kadosta perkawis supados lare purun shalat, siyam, saha lintu lintunipun. Ing babagan mulang muruk supados lare purun shalat menika, wonten setunggal hadits mekaten
مُرُوا أَوْلاَدَكُمْ بِالصَّلاَةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرِ سِنِينَ
Jawinipun : “Padha gatekna ing anak-anak sira kabeh kanggo nglakoni shalat rikala umure wes ngancik 7 tahun. Yentha wes ngancik umur 10 tahun, ananging padha wegah nglakoni shalat, mula (minangka kanggo mulang wuruk kang luweh tegas) thuthuk-en bocah iku (HR. Abu Daud lan Ahmad)
Sak lebeting mulang wuruk ing madyaning keluarga, kula lan penjenengan sampun wonten piwucal agung saking ngarsa dalem Allah I, ingkang kaserat ing surat an-Nisa ayat 9 mekaten :
وَلۡيَخۡشَ ٱلَّذِينَ لَوۡ تَرَكُواْ مِنۡ خَلۡفِهِمۡ ذُرِّيَّةٗ ضِعَٰفًا خَافُواْ عَلَيۡهِمۡ فَلۡيَتَّقُواْ ٱللَّهَ وَلۡيَقُولُواْ قَوۡلٗا سَدِيدًا
Jawinipun : lan padha ngarsa wedi sira, marang Allah, yentha ana sak pemburimu padha ninggalake anak turun kang apes,mula deweke padha kawatir ing panguripane. Mula saka iku prayoga deweke padha taqwa marang Allah lan ngucap nganggo pangucap kang bener.
Jama’ah Jum’at Rahimakumullah
Saking ayat ing nginggil kasebat, saged kula lan penjenengan mendhet piwucal, kangge nggulawentah lare, sampun ngantos dados lare ingkang apes saha sekeng, ananging supados dados lare ingkang kiyat saha sentosa, lajeng ingkang kedah kiat saha sentosa menapanipun? inggih menika :
Sepisan, Kiat iman saha taqwanipun, Anak keturunan utawi dzuriyah, kedah kiat iman utawi akidah-ipun. Kanthi kapitadosan ingkang sae, inggih kapitadosan bilih namung mligi Allah WT, ingkang haq dipun sembah saha dipun suwuni pitulungan, kalebet kapitadosan bila kawula menika tansah dipun pirsani Allah I, pramila samangke badhe tansah tumindak amal kesaenan ing pundi mawon saha wekdal menapa kemawon.
Kaping kalih : Kiat ibadah-ipun, sadar posisi bilih gesang ing ngalam donya menika ingkang baken inggih namung nyembah manembah dhumateng Allah I. Kados Allah sampun paring dhawuh mekaten :
وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ
Jawinipun : lan ingsun ora nitahke jin lan manungsa kejaba supaya deweke padha nyembah manembah marang Ingsun. (QS. Adz-Dzariyat : 56)
Kaping tiga: Kiat ilmunipun, kanthi linambaran iman saha ilmu ingkang mumpuni, estu Alhe damel inggil pangkat drajatipun. Kados ingkang kaserat ing QS. Al Mujadilah 11.
Kaping sekawan : tiyang sepuh kedah taqwa dhumateng AllahI, estu kanthi raos taqwa menika, mila Allah I badhe paring pepadhang saged miyos saking sedaya masalah, lan ugi paring rizki ingkang mboten kanyana-nyana. Kalebet badhe dipun paringi kacekap samudayanipun, dhumateng tiyang ingkang tansah tawakkal dumateng Allah I. Kaserat ing (QS. At Thalaq ayat 2-3 )
Kaping gangsal : tiyang sepuh kedah tansah kagungan sifat leres saha jujur.Pengendikan saha tumindak-ipun tansah leres, miderek pranatan saha paugeran gesang ingkang islami, satemah kesaenan kasebat saged dados margi mlebet ing suwarga. Mekaten ugi putra wayah utawi dzuriyah saged mendhet tepa palupi supados dados tiyang ingkang sae.
Keluarga minangka papan pawiyatan ingkang linangkung, estu saged dados kawah candra dimuka, kangge nuwuhaken kader, kangge nglestantun-aken gesangipun dakwah Islam.
Khutbah kaping kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ مُحَمَّدٍ وَعَلَى آلِهِ وَصَحْبِهِ أَجْمَعِيْنَ. اَمَّا بَعْدُ, فَيَااَ يُّهَاالنَّاسُ!! اِتَّقُوااللهَ تَعَالىَ. وَذَرُوالْفَوَاحِشَ مَاظَهَرَوَمَابَطَنْ. وَحَافِظُوْاعَلىَ الطَّاعَةِ وَحُضُوْرِ الْجُمْعَةِ وَالْجَمَاعَةِ.
Jama’ah Jum’at Rahimakumullah,
Ing khutbah menika saged dipun ringkes bilih fungsi keluarga miderek ingkang kaserat ing buku, Pedoman Hidup Islam Islam inggih menika :
Sepisan, dados jejibahan saking tiyang sepuh kangge migunak-aken keluarga minangka papan pambiwara saha nanem saha nuwuhaken piwucal piwucal agami Islam.
Kaping kalih, tiyang sepuh kedah mulang wuruk dhateng sedaya keluarga supados miderek dhawuh saha nebihi sedaya awisanipun Allah I, satemah badhe maujudipun keluarga ingkang sakinah mawaddah warohmah .
Mangga sami nyenyuwun dhumateng Allah, mugi mugi keluarga kula saha penjenengan sedaya, minangka keluarga ingkang Islami.
إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. اللَّهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ. اَللَّهُمَّ أَصْلِحْ وُلَاةَ أُمُوْرِنَا، اَللَّهُمَّ وَفِّقْهُمْ لِمَا فِيْهِ صَلَاحُهُمْ وَصَلَاحُ اْلإِسْلَامِ وَالْمُسْلِمِيْنَ اَللَّهُمَّ أَبْعِدْ عَنْهُمْ بِطَانَةَ السُّوْءِ وَالْمُفْسِدِيْنَ وَقَرِّبْ إِلَيْهِمْ أَهْلَ الْخَيْرِ وَالنَّاصِحِيْنَ يَا رَبَّ الْعَالَمِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن وَآخِرُ دَعْوَانَا أَنِ الْحَمْدُ لِلَّهِ رَبِّ الْعَالَمِينَ
Oleh : Pimpinan Daerah Aisyiyah Kabupaten Bantul
Naskah Lengkap bisa di download disini
Silakan gabung Group WhatsApp
