Shiyam Ramadhan

Khutbah Sepisan

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ  وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.  اَللَّهُمَّ صَلِّ وَسَلِّمْ عَلَى نَبِيِّنَا وَرَسُوْلِنَا مُحَمَّدٍ r وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن. أَمَّا بَعْدُ  يَآ أَيُّهَا ٱلَّذِينَ ءَامَنُواْ ٱتَّقُواْ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسۡلِمُونَ. وَقَالَ اللهُ تَعَالَى : يَآ أَيُّهَا ٱلَّذِينَ ءَامَنُوا كُتِبَ عَلَيْكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبْلِكُمْ لَعَلَّكُمْ تَتَّقُونَ

Hadirin Jamaah Jum’at Rahimakumullah

Mangga sedaya sami ngaturaken raos puja puji pangalembana dhumateng Allah I, ingkang sampun maringi nikmat iman saha islam, minangka sih nugraha ingkang linangkung edi peni. Shalawat saha salam mugi tansah katur dhumateng Nabi Muhammad r. Saha mboten kesupen mangga tansah mbudidaya amrih mindakipun raos taqwa dhumateng Allah I.

Shiyam Ramadhan inggih saweneh saking jejibahan syar’i ing agami islam. Pramila kagem ingkang sampun nyekapi syarat saha rukunipun, wajib kagem piyambakipun supados nglampahi shiyam. Inggih namung seklimah kagem pangemut malih, dipun aturaken tata rakit lampahing shiyam, inggih menika,

Ingkang sepisan miderek dawuh dalem Allah I mekaten.

يَآ أَيُّهَا ٱلَّذِينَ ءَامَنُوا كُتِبَ عَلَيْكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبْلِكُمْ لَعَلَّكُمْ تَتَّقُونَ

Hai wong wong kang padha iman, diwajibake ing ngatase sira padha pasa, semana uga wus diwajibake pasa marang wong wong sak durunge sira, muga muga sira dadi wong kang taqwa., (QS. Al-Baqarah : 183)

Hadirin Jamaah Jum’at Rahimakumullah

Kanthi ayat menika dipun jelas malih bilih ,

1. Shiyam inggih jejibahan kagem tiyang tiyang ingkang iman dhumateng Allah I.
2. Mliginipun kagem pyantun ingkang sampun nyekapi ing syarat rukunipun, mila piyambakipun sampun wajib shiyam.
3. Shiyam ugi dipun wajibaken dhateng tiyang tiyang sak derengipun umat Nabi Muhammad r.
4. Kanthi nglampahi jejibahan shiyam kasebat dipun gadhang supados raos taqwa menika saged mindak saha ngrembaka.

Lajeng ingkang angka kalih, Allah paring dhawuh mekaten,

أَيَّامٗا مَّعۡدُودَٰتٖۚ فَمَن كَانَ مِنكُم مَّرِيضًا أَوۡ عَلَىٰ سَفَرٖ فَعِدَّةٞ مِّنۡ أَيَّامٍ أُخَرَۚ وَعَلَى ٱلَّذِينَ يُطِيقُونَهُۥ فِدۡيَةٞ طَعَامُ مِسۡكِينٖۖ فَمَن تَطَوَّعَ خَيۡرٗا فَهُوَ خَيۡرٞ لَّهُۥۚ وَأَن تَصُومُواْ خَيۡرٞ لَّكُمۡ إِن كُنتُمۡ تَعۡلَمُونَ 

Jawinipun : “(yaiku) ing sak jeroning dina kang wus ditetepake, mula sak sapa wae kang nandang lara utawa ing wektu lelungan (mbanjur deweke mukah), mula (wajib kanggo deweke pasa)minangka ganti dina dina kang deweke ninggal pasa  ing dina liyane. Lan wajib kanggo wong wong kang ngrasa abot nglakoni pasa (yenta deweke ora pasa) mula mbayar fidyah, (yoiku) pangan marang wong miskin. Sak sapa wae kang nglakoni kanthi ati kang lila legawa nglakoni kebecikan, ya mengkono iku luwih apik kanggo sira. Lan pasa iku luwih becik yentha sliramu mangerteni”. (QS. Al-Baqarah : 184) 

Saking ayat menika saged dipun pndhet piwucal bilih,

1. Wekdal shiyam menika sampun wonten wanci ingkang mirunggan, inggih ing wekdal siang  ing wulan Ramadhan, jangkep sewulan. Setunggal wulan menika saged 29 (sanga likur) dinten saged ugi 30 (tigang dasa) dinten.
2. Mekaten ugi jalran wonten sebab sebab syar’i, pramila wonten rukhsah utawi pengentheng-entheng kagem tiyang ingkang nembe nandang sakit, musafir.
3. Ugi wonten rukhsah kagem tiyang ingkang estu estu jalaran panandang awrat nglampahi shiyam (inggih kanthi alasan alasan syar’i), ing satemah lajeng nggantos mawi mbayar fidyah  fidyah.

Hadirin Jamaah Jum’at Rahimakumullah

Ingkang Kaping tiga,  Allah paring dhawuh mekaten,

شَهۡرُ رَمَضَانَ ٱلَّذِيٓ أُنزِلَ فِيهِ ٱلۡقُرۡءَانُ هُدٗى لِّلنَّاسِ وَبَيِّنَٰتٖ مِّنَ ٱلۡهُدَىٰ وَٱلۡفُرۡقَانِۚ فَمَن شَهِدَ مِنكُمُ ٱلشَّهۡرَ فَلۡيَصُمۡهُۖ وَمَن كَانَ مَرِيضًا أَوۡ عَلَىٰ سَفَرٖ فَعِدَّةٞ مِّنۡ أَيَّامٍ أُخَرَۗ يُرِيدُ ٱللَّهُ بِكُمُ ٱلۡيُسۡرَ وَلَا يُرِيدُ بِكُمُ ٱلۡعُسۡرَ وَلِتُكۡمِلُواْ ٱلۡعِدَّةَ وَلِتُكَبِّرُواْ ٱللَّهَ عَلَىٰ مَا هَدَىٰكُمۡ وَلَعَلَّكُمۡ تَشۡكُرُونَ 

Jaewinipun: (dina dina kang wus tertemtu yaiku) wulan Ramadhan, wulan kang ana sak njerone ana wahyu kang tumurun (sepisanan) hiya Al Quran minangka pituduh kanggo menungsa lan jlentrehe ngenani pituduh iku, uga minangka dinggombedak-ake(antarane kang haq lan kang bathil). mula saka iku sak sapa wae kang meruhi (ing wilayah dumunungunge) ing sasi iku, deweke nglakoni pasa ing sasi iku, lan sapa wae kang nandang sakit utawa lelungan (nuli deweke mukah), temen(kanggo deweke nyaur pasa), padha karo dina dina kang deweke wes ora pasa ing dina liyane. Allah murih gampang kanggone sira, ora murih angel kanggone sira. Lan prayoga sira genepi wilangane lan tansah ngagung-ake asmane Allah awit kabeh pituduh-E kang diparingake marang sira, supaya sira ngaturke syukur. (QS. Al-Baqarah : 185)

Hadirin Jamaah Jum’at Rahimakumullah

Saking ayat ing nginggil saged kula lan penjenengan pendhet piwucal mekaten, 

1. Wulan Ramadhan inggih wulan ing sak lebeting wulan kasebat tumurun wahyu Al-Quran, minangka dados pitedah sedaya umat manungsa, saha kangge paring pitedah pundi ingkang haq saha pundi ingkang bathil.
2. Mliginipun kagem musafir saha tiyang ingkang nembe nandang gerah, angsal mboten nindak-aken shiyam ananging kedah nyaur ing dinten sanes, kathahipun sepinten dinten ingkang ingkang pyambak-ipun mboyen nindak-aken shiyam.
3. Hukum hukum Allah I tansah damel gampil dipun tindak-aken, saha mboten kliwat wates sakin kekiyatanipun manungsa.  Allah I paring dhawuh : ….لَا يُكَلِّفُ ٱللَّهُ نَفْسًا إِلَّا وُسْعَهَا  Allah ora maringi sesanggan kejaba sak emper karo kesanggupane (QS. Al-Baqarah 286)
4. Sedaya umat manungsa dipun dhawuhi supados tansah ngagung-aken asma dalem Allah I, saha ngathah-ngathahi anggenipun syukur.

Kaping sekawan,bilih wekdal nglampahi jejibahan shiyam inggih menika

1. Wekdal shiyam inggih menika wiwit wekdal manjing shubuh ngantos wekdal maghrib,
2. Wekdal nembe nindak-aken shiyam menika kalebet wekdal ingkang mustajab kangge doa saha nyenyuwun dhumateng  Allah I.
3. Supados doa saha pinyuwunan saged kasembadan inggih ugi dipun ikhtiyari.
4. Ikhtiyar ingkang tansah adedasar  taat, patuh, ikhlas, iman saha amal shalih.

Hadirin Jamaah Jum’at Rahimakumullah

Pramila Allah sampun paring dhawuh ing QS Al-Baqarah ayat 186 mekaten,

وَإِذَا سَأَلَكَ عِبَادِي عَنِّي فَإِنِّي قَرِيبٌۖ أُجِيبُ دَعۡوَةَ ٱلدَّاعِ إِذَا دَعَانِۖ فَلۡيَسۡتَجِيبُواْ لِي وَلۡيُؤۡمِنُواْ بِي لَعَلَّهُمۡ يَرۡشُدُونَ 

Jawinipun : “ lan yentha kawula kawula ingsun padha takon marang sira ngenani ingsun, mula (jawaben) setuhune ingsun iku banget pareke, ingsun bakal ngabulake pinyuwunan kawula kang donga marang ingsun, mula prayoga wong wong akeh iku padha nglakoni dhawuh dhawuh ingsun, lan padha iman marang ingsun, supaya wong wong akeh iku tetep ing dedalan kang bener”. (QS. Al-Baqarah : 186)

Lajeng ingkang Kaping gangsal Allah paring dhawuh mekaten,

أُحِلَّ لَكُمۡ لَيۡلَةَ ٱلصِّيَامِ ٱلرَّفَثُ إِلَىٰ نِسَآئِكُمۡۚ هُنَّ لِبَاسٞ لَّكُمۡ وَأَنتُمۡ لِبَاسٞ لَّهُنَّۗ عَلِمَ ٱللَّهُ أَنَّكُمۡ كُنتُمۡ تَخۡتَانُونَ أَنفُسَكُمۡ فَتَابَ عَلَيۡكُمۡ وَعَفَا عَنكُمۡۖ فَٱلۡـَٰٔنَ بَٰشِرُوهُنَّ وَٱبۡتَغُواْ مَا كَتَبَ ٱللَّهُ لَكُمۡۚ وَكُلُواْ وَٱشۡرَبُواْ حَتَّىٰ يَتَبَيَّنَ لَكُمُ ٱلۡخَيۡطُ ٱلۡأَبۡيَضُ مِنَ ٱلۡخَيۡطِ ٱلۡأَسۡوَدِ مِنَ ٱلۡفَجۡرِۖ ثُمَّ أَتِمُّواْ ٱلصِّيَامَ إِلَى ٱلَّيۡلِۚ وَلَا تُبَٰشِرُوهُنَّ وَأَنتُمۡ عَٰكِفُونَ فِي ٱلۡمَسَٰجِدِۗ تِلۡكَ حُدُودُ ٱللَّهِ فَلَا تَقۡرَبُوهَاۗ كَذَٰلِكَ يُبَيِّنُ ٱللَّهُ ءَايَٰتِهِۦ لِلنَّاسِ لَعَلَّهُمۡ يَتَّقُونَ 

Jawinipun : “Dihalalkekanggo sira ing wengine sasi Ramadhan sira padha ngumpuli bojo-bojo-nira, deweke iku minangka sandangan-ira, semana uga sira iku sandangan kanggo deweke. Allah pirsa yentha sira ngrasa abot nahan nafsu-nira, mula saka iku Allah nampa tobat-ira lan paring ngapura marang sira. Mula saiki padha kumpul-a marang (bojo bojo-nira) lan padha manut-a marang apa-apa kang wes ditetetpake Allah mrang sira. Lan mangan ngombe (sahur) sira kabeh tekan wektu cetha antara lawe putihkaro lawe ireng yaiku fajar. Nuli pasa sira kang sampurna nganti tekan wengi, lan aja pisan pisan sira ngumuli bojo-nira rikala sira i’tikaf ing masjid. iku kabeh awisanipun Allah, mula aja pisan pisan nyedak-i. Hiya mengkono mengkono iku Allah wes njelasake ayat ayate Allah  ing kabeh manungsa, supaya padha dadi wong kang taqwa”. (QS. Al-Baqarah : 187)

Bilih Allah menika maha sempurna, maha wicaksana, sedaya mukawis ingkang gegayutan kalih kebetahan asasi manungsa sedaya sampun dipun taker kanthi pas. Wonten hal hal ingkang kedah dipun maklumi inggih menika,

1. Ing sak lebeting wulan Ramadhan, linangkung ing sedasa dinten ingkang akhir, inggih minangka wekdal ingkang estu estu sae kangge nindak-aken  i’tikaf.
2. Kanthi maha rahman saha maha rahim saking Allah I, wonten rukhsah utawi pengentheng-entheng  kagem suami istri dipun keparengaken kempal.
3. Allah I tansah paring pangapura saha maghfirah-ipun, kagem sedaya umat manungsa sauger kawula kasebat purun parek saha nyenyuwun dhumateng Allah.
4. Wekdal kangge shiyam inggih menika wiwit wekdal miyos fajar shidiq/ subuh ngantos wekdal maghrib.
5. Wonten awisan bilih mboten dipun keparengaken kempal suami istri rikala nembe nindak-aken  i‘tikaf.
6. Bilih sedaya paugeran saha pranatan menika inggih supados pengibadahan dhumateng Allah  I saged kelampah kanthi sae, kanthi pangajab mindakipun raos taqwa dhumateng Allah I.

Hadirin Jamaah Jum’at Rahimakumullah

Mekaten ingkang saged dipun aturaken, sedaya khilaf nyuwun pangapunten, mugi tansah manfaat.

أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ.

Khutbah kaping kalih

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللهُ, أَشْهَدُ أنْ لَا إلَهَ إلا اللهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عبْدُه ورَسُولُه. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ وقال الله تعالى :  إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ. اللَّهُمَّ اغْفِرْ لَنَا وَلِوَالِدِيْنَا وَارْحَمْهُمَ كَمَا رَبَّيَانَا صِغَارًا. اللَّهُمَّ أَعِنَّا عَلَى ذِكْرِكَ وَشُكْرِكَ وَحُسْنِ عِبَادَتِكَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِيْنَ إِمَامًا. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُوْنَا بِاْلإِيْمَانِ وَلاَتَجْعَلْ فِيْ قُلُوْبِنَا غِلاًّ لِّلَّذِيْنَ ءَامَنُوْا رَبَّنَا إِنَّكَ رَءُوْفٌ رَّحِيْمٌ. رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ. سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ، وَسَلاَمٌ عَلَى الْمُرْسَلِيْنَ، وَاْلحَمْدُ ِللهِ رَبِّ اْلعَالَمِيْن

Dening : Ustadz M Humam, S.Ag

Naskah Lengkap bisa di download disini

Silakan gabung Group WhatsApp