TARUNA LAN MISUWURIPUN ISLAM

Khutbah Sepisan

اَلْحَمْدُ ِللهِ وَكَفٰى ، وَسَلاَمٌ عَلٰى عِبَادِهِ الَّذِيْنَ اصْطَفٰى. أَشْهَدُ أَنْ لاَ إِلهَ إِلَّااللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ, اَللهُمّ صَلّ وَسَلّمْ عَلٰى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

اَمَّا بَعْدُ. فَيَا عِبَادَ اللهِ, اُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. قَالَ اللهُ تَعَالَى, ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ 

Ma’asyiral muslimin rahimakumullah

Sedaya puji saha syukur tansah katur dhumateng Allah SWT, awit sedaya nikmat saha sih nugraha linangkung kathah,ingkang sampun kula lan penjenengan tampi.  Shalawat saha salam  mugi tansah katur dhumateng Rasulullah SAW,  Nabi saha Rasul pungkasan, Nabi saha Rasul pinilih ingkang mbekto dakwah Risalah. Paring sesuluh syariat Islam dhumateng sedaya umat manungsa ngantos dinten akhir.

Ingkang sak lajengipun khatib ngajak awak pribadi lumeber dhumateng sedaya jamaah, mangga kula lan penjenengan tansah mbudidaya amrih mindakipun raos iman saha taqwa dhumateng Allah SWT, inggih tansah istiqamah cecepengan kanthi estu estu ing syariat agami Islam, nglampahi sedaya dawuh saha nebihi sedaya awisanipun Allah SWT.

Ma’asyiral muslimin rahimakumullah

Adedasar prastawa prastawa ingkang kedadosan rikala Dakwah Risalah kangge sumebaripun agami Islam, setunggal wekdal Kanjeng Nabi Muhammad SAW, paring dhawuh saha hamisudha Sahabat Usamah bin Zaid minangka dados manggalayudha saha mimpin pasukan umat Islam aben ajeng kelawan pasukan Romawi Timur  utawi Byzantium, ing rikala yuswa Usamah bin Zaid nembe 18 (wolulas tahun). Pramila ing sak lebeting pasukan, linangkung para senior kaum Muhajirin saha Anshor, wonten ingkang cingak saha kagungan pengangen-angen, kenging menapa kanjeng Nabi Muhammad SAW paring dhumateng Usamah Bin Zaid, kok mboten dhumateng sahabat ingkang sampun pana ing pengalaman saha pamawas.

Rasulullah SAW paring pamrayogi saha dhawuh dhumateng saweneh tetunggule pasukan, awit dipun pilih-ipun sahabat taruna Usamah bin Zaid, kirang langkung mekaten:  “yen tho seliramu kabeh padha mamang lan ngasorke marang kepemimpinan Usamah bin Zaid, ateges sira kabeh padha uga mamang lan ngasorke kepemimpinan bapakne mbiyen. Demi Allah, jiwa kepemimpinan wus konjem ing pribadine. Demi Allah, dewek-e kalebu wong kang ingsun tresnani. Demi Allah, Usamah iku ingsun siapke minangka dadi pemimpin.”

Pramila Rasulullah SAW ndadosaken sahabat Usamah bin Zaid minangka dados manggalayudha, inggih jalaran Rasulullah SAW ugi sampun ngetang saha mirsani  “kapabilitas  saha potensi” ingkang linangkung, sinaosa yuswa taksih taruna, ananging ing  olah kanuragan saha tata rakit ing babagan peperangan  sampun  mumpuni.

Ma’asyiral muslimin rahimakumullah

Allah SWT paring sabda wonten ing QS. Ar-Ruum ayat 54  kados ingkang sampun kawaos ing nginggil,

ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ 

“Allah, panjenengane kang wus ngripta sira ing kahanan kang ringkih, tumuli panjenengane agawe sira saka kahanan ringkih tumuju kuat, nuli panjenengane agawe ringkih maneh sak wuse kuat lan tukul uwan. Penjenengane ngripta apa wae kang dikarepake lan penjenengane iku maha pirsa lan maha kuwasa” (QS. Ar Ruum: 54)

Ayat menika kaaturaken bilih kahanan manungsa menika badhe nemahi owah gingsir, miderek kalih wekdalipun. Rikala taksih taruna inggih dedek piyadek badan wadag menika sentosa saha kiat, ananging samangke badhe nemahi ringkih saha apes rikala yuswa sampun mlebet sepuh. Kahanan mekaten menika miderek Imam Ibnu Katsir  inggih ing sak lebeting yuswa antawis yuswa 30-50 (tigangdasa ngantos seket tahun), menika ingkang dipun wastani yuswa taruna.

Gegayutan kalih babagan taruna, Rasulullah SAW nate paring pengendikan bilih mbenjang ing dinten kiamat, Allah badhe paring pangayoman dateng 7 (pitu) golongan, saweneh saking golongan kasebat inggih golongan taruna ingkang tuwuh ing madyaning taat patuh ing margi ngibadah dhumateng Allah. Kados kasebat ing hadits menika :

سَبْعَةٌ يُظِلُّهُمُ اللهُ فِيْ ظِلِّهِ يَوْمَ لَا ظِلَّ إِلَّا ظِلُّهُ: اَلْإِمَامُ الْعَادِلُ، وَشَابٌّ نَشَأَ بِعِبَادَةِ اللهِ ….

Pitu golongan kang bakal oleh pengayoman-e Allah, ana ing sewiji dina kang ora ana pengayoman kejaba pengayoman saking ngersane Allah yaiku :  (1) Imam kang adil, (2) taruna kang tansah manembah ngabekti dhumateng Allâh…. (HR. Bukhari, no. 1423 lan Muslim, no. 1031)

Matan saking Hadits menika ingkang perangan kaping kalih, paring pitedah dateng kula lan penjenengan sedaya bilih taruna ingkang gesangipun  tansah njungkung ngibadah wonten ngarsa dalem Allah menika, ingkang samangke badhe angsal kautamen saha pangayoman saking Allah SWT. Saking menika menawi ing sak kiwo tengan tlatah kula lan penjenengan sedaya wonten taruna ingkang saged ngabekti aktif teng masjid, aktif ing kegiatan dakwah, aktif ing Pemuda Muhammadiyah, Nasyiatul Aisyiyah saha sosial kemasyarakatan saenesipun, taruna ingkang mekaten menika kedah dipun sengkuyung supados tambah majeng, saged nuwuhaken saha damel ngrembaka potensi  taruna kasebat.

Ma’asyiral muslimin rahimakumullah

Mangga kanthi momentum dinten “Sumpah Pemuda” menika  kula lan penjenengan saged napak tilas saha mendhet pasinaon, sampun dumugi pundi, bilih kadang taruna menika angsal papan saha wekdal kangge nuwuhaken jatidiri saha damel ngrembaka potensi taruna menika? Wonten perkawis perkawis ingkang saged kula lan penjenengan sedaya lampahi inggih menika :

Ingkang sepisan paring wekdal lan papan kangge ngetingalaken prestasi.

Ngantos ing wekdal sak menika taksih wonten seweneh pemanggih, bilih taruna niku dereng wekdale ngetingalaken prestasi saha potensi, dereng wekdale lan dereng pengalaman. Menawi kanthi pemanggih menika kados pundi kemawon taruna mboten badhe saged ngetingalaken prestasi saha potensinipun, inggih jalaran mboten dipun paring sarana kangge ngetingalaken prestasi saha potensi-nipun. Taruna kedah dipun paringi “panggung”.

Sampun ngantos taruna mboten saged tuwuh ngrembaka potensi-nipun, jalaran mboten dipun paring kawigatosan, papan wekdal saha sarana kangge ngetingalaken potensi. Saking menika sampun ngantos potensi ingkang wonten menika mboten saged dipun manfaataken, langkung damel miris malih menawi potensi menika lajeng namung ngrembaka ing madlarat, maksiyat saha memengsahan. Tuwuh hal hal ingkang analisir mekaten menika saged ugi amargi potensi potensi ing taruna taruna kasebat, mboten saged  saha mboten wonten sarana sarana kangge ngedalaken potensinipun. Pramila lajeng pados sarana lan papan piyambak kangge ngedalaken potensi menika, kanthi cara lan lampahipun piyambak-piyambak ugi. Ing mriki taruna mboten saged dipun hukumi salah 100 persen, jalaran menapa? jalaran kedahipun tiyang sepuh, masyarakat, kalebet pemerintah estu kedah paring “panggung” paring kalodangan kesempatan, kangge muda taruna kasebat, supados saged ngetilangaken potensi saha prestasi.

Pramila estu prayogi menawi sedaya program saha kegiatan ing madyaning masyarakat menika kedah dipun sengkuyung sedaya lapisan masyarakat, kalebet taruna, supados taruna menika pados pengalaman saha saged ngetingalaken prestasi saha potensi-nipun.

Ingkang angka kalih, kapitadosan mirunggan kangge potensi taruna

Mangga sesarengan paring pamawas ingkang linangkung, bilih kathah potensi taruna ing wekdal sak menika, kedah dipun manfaat-aken ingkang linangkung kangge pemberdayaan ing madyaning masyarakat. Linangkung ing era “Digitalisasi” wekdal sak menika. Kathah muda taruna menika kagungan potensi ingkang linangkung “melek” ing teknologi saha wawasan enggal. Kathah hal hal ingkang linangkung gampil dipun pungkasi mawi sarana teknologi, kathah produk teknologi kangge ngringkes saha damel gampil  ing babagan organisasi dakwah, ajak ajak, saha sosial kemasyarakatan sanesipun, satemah saged mlampah kanthi efektif efisien saha optimal.  Pramila taruna kedah dipun lebetaken supados saged nyengkuyung. Taruna saged ngetingalaken prestasi saha potensi-nipun.

Ingkang angka tiga, inggih tansah paring mulat dateng taruna

Ibarat kendaraan,taruna menika komponen gas, lajeng tiyang sepuh menika komponen rem saha spion. Wondene Taruna menika linangkung ing semangat saha energi-nipun, hal menika estu dipun betahaken kangge damel gesanginpun organisasi saha gesangipun kegiatan ing madyaning  masyarakat, sak temah saged mlampah kanthi “dinamis”. Sinaosa mekaten tiyang sepuh ugi kedah tansah paring panyaruwe saha pamulat dumateng kadang taruna kanthi pamawasipun. Tiyang sepuh badhe kados pundi kemawon sampun kathah pengalaman, sampun kathah dahar asam garam gesang, pramila panyaruwe saha pamulat tansah dipun antu antu, supados lampahing taruna menika tansah jejeg, tansah istiqomah ing margi ingkang leres. Pramila pamulat, sinergitas, makarya sesarengan antawisipun tiyang sepuh kalih taruna menika estu dipen betahaken.

Hadirin jamaah  Jumat ingkang kinurmatan,

Ing pungkasneng atur, bilih ing sak lebeting tembang wonten lirik mekaten : “Mumpung Padang Rembulane, Mumpung Jembar Kalangane”.  lirik saking tembang menika ngemu suaros ingkang adiluhung, inggih paring pitedah dhumateng umat, bilih sedaya perkawis menika wonten wekdalipun. Dipun damel manfaat menapa dipun damel muspra, sedaya wonten wekdalipun. Saha mboten saged kedadosan malih kados sewau ngajeng. Gegayutan kalih hal menika wonten setunggal hadits  ingkang ngemu pitutur luhur mekaten :

اِغْتَنِمْ خَمْسًا قَبْلَ خَمْسٍ : شَبَابَكَ قَبْلَ هَرَمِكَ وَ صِحَّتَكَ قَبْلَ سَقَمِكَ وَ غِنَاكَ قَبْلَ فَقْرِكَ وَ فَرَاغَكَ قَبْلَ شَغْلِكَ وَ حَيَاتَكَ قَبْلَ مَوْتِكَ

“Mundut-tha Manfaat lima perkara sak durunge katekan lima perkara (1) Wektu mudamu sak durunge tumeka  wektu tuamu, (2) Wektu sehatmu sak durunge tumeka wektu lara-mu, (3) mangsa sugihmu sadurunge ketekan  kefakiranmu, (4) Mangsa longgarmu sak durunge tumeka wektu rupegmu, (5) uripmu sak durunge  matimu.” (HR. Al-Hakim)

Mugi mugi kanthi pangajab saha pandonga kula lan penjenengan sedaya tansah saged migunak-aken wekdal kangge ngibadah saha damel ngamal kesaenan. Mekaten ugi mugi mugi tansah saged paring pamulat saha pambiyantu saha panyengkuyung dhumateng  taruna, amrih saged ngetingalaken prestasi saha potensi-nipun, kangge luhur saha moncreipun agami Islam. aamiin  

أَقُوْلُ قَوْلِي هَذَا َوَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah kaping Kalih

اَلْحَمْدُ لله حَمْدًا كَثِيْرًا كَمَا اَمَرَ. أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ. اَللَّهُمَّ صَلِّ وَ سَلِّمْ وَ بَارِكْ عَلَى مُحَمَّدٍ وَ عَلَى اَلِهِ وَ اَصْحَابِهِ وَ سَلَّمَ تَسْلِيْمًا كَثِيْرًا

فَياَ عِبَادَ الله، أُوْصِيْكُمْ وَنَفْسِي بِتَقْوَى الله فَقَدْ فَازَ الْمُتَّقُون،

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.

 اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ وَ الْمُسْلِمِيْنَ وَ الْمُسْلِمَاتِ اَلْأَحْيَاءِ مِنْهُمْ وَ الْأَمْوَاتِ اِنَّكَ سَمِيْعٌ قَرِيْبٌ مُجِيْبُ الدَّعْوَاتِ وَ قَاضِيَ الْحَاجَاتِ.

اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، اللهم انْصُرِ إِخْوَانَنَا الْمُسْلِمِيْنَ فِيْ فِلِسْطِيْنَ، اللهم أَنْجِ إِخْوَانَنَا الْمُسْلِمِيْنَ الْمُسْتَضْعَفِيْنَ فِيْ فِلِسْطِيْنَ، اللهم الْطُفْ بِهِمْ وَارْحَمْهُمْ وَأَخْرِجْهُمْ مِنَ الضِّيْقِ وَالْحِصَارِ،

 اَللَّهُمَّ رَبَّنَا لَا تُزِغْ قُلُوْبَنَا بَعْدَ اِذْهَدَيْتَنَا وَ هَبْلَنَا مِنْ لَدُنْكَ رَحْمَةً اِنَّكَ اَنْتَ الْوَهَّابُ. رَبَّنَا لَا تَجْعَلْ فِى قُلُوْبَنَا غِلًّا لِلَّذِيْنَ اَمَنُوْا رَبَّنَا اِنَّكَ رَؤُوْفٌ رَّحِيْمٌ. رَبَّنَا هَبْلَنَا مِنْ اَزْوَاجِنَا وَ ذُرِّيَّتِنَا قُرَّةَ اَعْيُنٍ وَ اجْعَلْنَا لِلْمُتَّقِيْنَ اِمَامًا. رَبَّنَا اَتِنَا فِى الدُّنْيَا حَسَنَةً وَ فِى الْآخِرَةِ حَسَنَةً وَ قِنَا عَذَابَ النَّارِ.

*Seratan : Ust. Arief Rachman Anzaruddin, S.Pd

Naskah Lengkap bisa di download disini

Silakan gabung Group WhatsApp