Taubat

Khutbah Sepisan

إِنَّ الْحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، وَأَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُـحَمَّداً عَبْدُهُ وَرَسُولُه. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ،

أَمَّا بَعْدُ : فَيَا أَيُّهَا الْحَاضِرُوْنَ، اِتَّقُوْا الله حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ، قَالَ اللهُ تَعَالَى وَإِنِّي لَغَفَّارٞ لِّمَن تَابَ وَءَامَنَ وَعَمِلَ صَٰلِحٗا ثُمَّ ٱهۡتَدَىٰ 

Ma’asyiral muslimin rahimakumullah,

Alhamdulillahi Rabbil ‘Aalamiin, Puji syukur kita kunjukaken dumateng Allah SWT awit paringipun rahmat lan hidayahipun, langkung-langkung hidayah Iman, Islam lan kesehatan kita. Shalawat lan salam  mugi tansah kaparingaken dumateng Nabi Muhammad SAW, keluarga, shahabat, Tabi’it, tabi’in  lan mugi lumeber dumateng kita sami, Aamiin.

Ingkang saklajengipun mangga kita tansah netepi iman saha taqwa, dumateng Allah SWT.  Inggih kanthi nindak-aken sedaya dhawuh saha nebihi sedaya awisan.

Setunggal panyaruwe menapa wonten saweneh saking kita ingkang mboten kagungan lepat, awon saha dosa?  temtu kemawon mboten wonten, sedaya tiyang sami kasinungan lepat,awon saha dosa. Sedinten kemawon kita mboten uwal saking dosa,  kadosdene Malaikat. Malaikat menika makhluq Allah SWT ingkang tansah tunduk, patuh, taat, nglampahi menapa dhawuh saking Allah SWT. Malaikat menika makhluq Allah SWT ingkang tebih saking tumindak maksiyat saha nyebal saking dhawuh saha paugeran.

Ma’asyiral muslimin rahimakumullah,

Bab menika mbenten kalih manungsa, bilih manungsa menika apes saha kathah damel awon saha dosa. Ewa semanten kawula ingkang sholih kemawon mesthi nate nglamahi awon saha dosa.  Kepara Ibnu Mas’ud nate ngendika:

“Yenta seliramu kabeh ngerteni kabeh dosa-dosaku, temtu sira bakal mbandhemi aku nganggo watu”.

Kepara ugi wonten ingkang ngaturaken, umpama dosa niku ngganda bacin, temtu mboten badhe wonten tiyang ingkang purun celak celak.

Adedasar kasunyatan kasunyatan kasebat sampun terwaca bilih kita dipun dhawuhi supados tansah mertobat, saha ngathah-ngathahi istighfar dhumateng Allah SWT. Ing perkawis mekaten kanjeng Nabi Muhammad SAW sampun paring tuladha mekaten, kados kasebat ing hadits menika :

يَآايُّهَا النَّاسُ تُوْبُوْا إِلَى اللهِ وَاسْتَغْفِرُوْهُ فَإِنِّي أَتُوْبُ فِي الْيَوْمِ مِائَةَ مَرَّةٍ.

Jawinipun : ‘“Wahai kabeh manusia, mertobat-o sira kabeh marang Allah lan padha nyuwune pangapura marang Allah, amarga setuhune aku hiyo mertobat marang Allah lan nyuwun ngapura marang Allah saben saben dina cacah kaping satus ambalan.’”

Ma’asyiral muslimin rahimakumullah,

Tobat menika minangka saperangan awal saking kawula ingkang kagungan niyat tumuju dhumateng kesaenan. Jalaran kautamen kangge tiyang tiyang ingkang sami tobat menika dipun serat kanthi terwaca ing pustaka suci Al quran surat Thaha ayat 82 :

وَإِنِّي لَغَفَّارٞ لِّمَن تَابَ وَءَامَنَ وَعَمِلَ صَٰلِحٗا ثُمَّ ٱهۡتَدَىٰ 

Jawinipun: “lan setuhune Ingsun Allah iku maha Paring ngapura kanggo wong kang tobat, wong kang iman, lan wong kang agawe amal kebecikan, tumuli tetep ing sak jroning pituduh.” (QS Thaha: 82).

Ing ayat menika kanthi gamblang, bilih Allah SWT badhe paring pangapura dhumateng muslimin muslimat ingkang purun tobat.  Pangertosan harfiyah saking tobat  inggih menika الرُّجُوْع (wangsul).  Wondene makna miderek  syara’ inggih menika :“ Tobat yaiku bali saka penggawe kang ala, tumuju  marang penggawe kang becik. Rasulullah SAW ngendika :

كُلُّ بَنِيْ آدَمَ خَطَاءٌ. وَ خَيْرُ الْخَطَّائِيْنَ التَّوَّابُوْنَ

Jawinipun “(Saperangan ageng) anak putu Adam iku tumindak salah/dosa, lan sak  apik apike wong kang tumindak salah/dosa iku enggal gage-gage mertobat ” (HR at-Tirmidzi)

Ma’asyiral muslimin rahimakumullah,

Ing lebeting kitab-ipun Kifayatul Atqiya panjenengan-ipun Sayyid Bakri al-Makki  paring tuntunan saha syarat syarat kangge tobat mekaten :

         Sepisan, Gela/ keduwung saking sedaya tumindak dosa ingkang nate dipun lampahi.              Kaping kalih Babar blas mboten badhe mangsuli tumindak dosa.

Kaping Tiga, Sigeg saking tumindak dosa.

         Kaping Sekawan, Sedaya perkawis hak-hak adamiy (perkawis kadonyan dumateng ngasanes  sampun paripurna).

Pramila saking menika tobat mboten namung cekap niat saha pangucap, ananging kedah ugi maujud ing tumindak. Sak sampun-ipun keduwung saking tumindak awon  saha dosa, kedah lajeng nyuwun pangapunten  dhumateng Allah, lajeng tuwuh tekad saha niat mboten badhe nglampahi malih lelampahan awon saha dosa kasebat.

Ma’asyiral muslimin rahimakumullah,

Mekaten khutbah ingkang cekak aos menika kita aturaken, mugi mugi manfaat. Saha mugi mugi kita kalebet ewonipun tiyang ingkang sami tobat dumateng Allah SWT. Aamiin..

أَقُوْلُ قَوْلِي هَذَا َوَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah kaping Kalih

اَلْحَمْدُ لِلَّهِ الَّذِيْ أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ .اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ.

رَبَّنَا اغْفِرْ لَنَا وَلِوَالِدِيْنَا وَاْرحَمْهُمَا كَمَا رَبَّيَانَا صِغَارًا.  رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

Naskah Lengkap bisa di download disini

Silakan gabung Group WhatsApp