PAHLAWAN-NEGARAWAN
Khutbah Sepisan
ٱلۡحَمۡدُ لِلَّهِ رَبِّ ٱلۡعَٰلَمِينَ ٱلَّذِيٓ أَنزَلَ ٱلسَّكِينَةَ فِي قُلُوبِ ٱلۡمُؤۡمِنِينَ لِيَزۡدَادُوٓاْ إِيمَٰنٗا مَّعَ إِيمَٰنِهِمۡۗ وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن.
اَمَّا بَعْدُ : فَيَا عِبَادَ اللهِ اُوْصِي بِنَفْسِي وَاِيَّا كُمْ بِتَقْوَى اللهِ اِتَّقُوْااللهَ لَعَلَّكُمْ تُفْلِحُوْنَ قَالَ اللهُ تَعَالَى فِي الْقُرْاَنِ الْكَرِيْمِ : مُّحَمَّدٌ رَّسُولُ ٱللَّهِ ۚ وَٱلَّذِينَ مَعَهُۥٓ أَشِدَّآءُ عَلَى ٱلْكُفَّارِ رُحَمَآءُ بَيْنَهُمْ ۖ تَرَىٰهُمْ رُكَّعًا سُجَّدًا يَبْتَغُونَ فَضْلًا مِّنَ ٱللَّهِ وَرِضْوَٰنًا ۖ سِيمَاهُمْ فِى وُجُوهِهِم مِّنْ أَثَرِ ٱلسُّجُودِ ۚ ذَٰلِكَ مَثَلُهُمْ فِى ٱلتَّوْرَىٰةِ ۚ وَمَثَلُهُمْ فِى ٱلْإِنجِيلِ كَزَرْعٍ أَخْرَجَ شَطْـَٔهُۥ فَـَٔازَرَهُۥ فَٱسْتَغْلَظَ فَٱسْتَوَىٰ عَلَىٰ سُوقِهِۦ يُعْجِبُ ٱلزُّرَّاعَ لِيَغِيظَ بِهِمُ ٱلْكُفَّارَ ۗ وَعَدَ ٱللَّهُ ٱلَّذِينَ ءَامَنُوا وَعَمِلُوا ٱلصَّٰلِحَٰتِ مِنْهُم مَّغْفِرَةً وَأَجْرًا عَظِيمًۢا
Jamaah Jumat Rahimakumullah
Mboten kendat kendat kula lan panjengan tansah ngaturaken Tasyakur bi nikmah, awit sedaya peparing Allah SWT, inggih nikmat dhohir saha nikmat bathin. Saweneh saking nikmat kasebat inggih kula lan penjenengan taksih dipun paringi wekdal kangge ngraosaken nikmat gesang lan panggesangan. Minangka titah sak wantah kula lan penejengan dipun dhawuhi supados tansah syukur awit nikmat kasebat. Inggih kangge mindakipun raos iman saha taqwa dhumateng Allah SWT, menika ingkang dipun wastani Syukur. Kanthi syukur awit sedaya nikmat inggih kalebet, mindakipun amal sholih ingkang tansah dipun tindak-aken, saha nebihi sedaya perkawis ingkang dipun awisi.
Jamaah Jumat Rahimakumullah
Wonten seweneh prastawa agung ing wulan November, ingkang dipun pepetri saha dipun pengeti dening Bangsa Indonesia inggih saben saben wulan November dipun disebat “Hari Pahlawan”. Kaleres tanggal 10 November. Dinten menika dipun sebat Hari Pahlawan, hal menika dipun jumbuhaken kalih prastawa sejarah ingkang ngedap-edapi inggih pertempuran ing kota Surabaya. Kala semanten dipun aturaken bilih para pejuang kanthi gegaman saha peralatan perang sak wontenipun mengsah aben ajeng kelawan penjanjah walandi ingkang dipun bantu tentara sekutu, ingkang mawi peralatan perang ingkang sae saha lengkap.
Kedadosan prastawa menika jalaran Walandi dipun bantu negari sekutu, badhe melebet ing negari Indonesia, ajeng njajah malih. Pramila kanthi semangat ingkang linangkung, sedaya rakyat saha para pejuang kerit lampit, berjuang saha aben ajeng nindak-aken jihad fisabilillah,. Kanthi menika umpami dados banten inggih dipun wastani pejah khusnul khotimah, pejah Syahid. Keyakinan menika ingkang damel tambah kiyatipun semangat sedaya rakyat saha para pejuang kala semanten. Pramila Peperangan tanggal 10 november Ing Surabaya menika ngemu suraos ingkang edi peni, kangge lampah sak lajengipun, negari Indonesia ingkang nembe kemawon merdeka.
Minangka paring pakurmatan saha ngluhuraken awit lelabet ingkang linangkung saking sedaya rakyat saha para pejuang, pramila tanggal 10 november dipun dadosaken minangka “Hari Pahlawan”. Sedaya sami yakin bilih rakyat saha para pejuang menika, berjuang kala semanten kanthi niat ingkang tulus ikhlas, mboten wonten motivasi sanes, kejawi namung kemerdekaan saha wetahipun Negari Kesatuan Republik Indonesia.
Mekaten ugi ing lampah Dakwah Risalah Islamiyah, wonten prastawa peperangan ingkang linangkung dahsyat inggih menika perang Badar. Kala semanten pasukan mukminin namung kirang langkung 300 an tiyang, kanthi gegaman sak wontenipun, aben ajeng mengsah pasukan Kafir Quroisy cacah setunggal ewu langkung prajurit, kanthi gegaman ayudya lengkap. Menawi etang etangan manungsa jelas menika mboten imbang, ananging kanthi semangat juang jihad fi sabilillah, saha estu awit sih nugraha rahmat pitulungan saking Allah, umat Islam kala zaman semanten saged sasab. Sepisan malih menika inggih awit sih nugraha rahmat saking Allah SWT, pasukan mukminin ingkang sekedik menika saged sasab mengsah pasukan kafir Quraisy ingkang langkung kathah wadyabala-nipun. Kados ingkang sampun kaserat ing Al-Quran surat Al-Anfal ayat 65 mekaten :
يَٰٓأَيُّهَاٱلنَّبِيُّ حَرِّضِ ٱلۡمُؤۡمِنِينَ عَلَى ٱلۡقِتَالِۚ إِن يَكُن مِّنكُمۡ عِشۡرُونَ صَٰبِرُونَ يَغۡلِبُواْ مِاْئَتَيۡنِۚ وَإِن يَكُن مِّنكُم مِّاْئَةٞ يَغۡلِبُوٓاْ أَلۡفٗا مِّنَ ٱلَّذِينَ كَفَرُواْ بِأَنَّهُمۡ قَوۡمٞ لَّا يَفۡقَهُونَ
Hai Nabi, kobarkanlah semangat para mukmin kanggo maju perang. Yen-tha ana rong puluh wong kang sabar saweneh saka sira, wus mesthi deweke( wong rong puluh) iku mesti bakal sasab mungsuh wong rongatus. Lan yen-tha ana wong satus kang sabar ing saweneh sira, wus mesthi deweke (wong satus) iku bakal sasab mungsuh wong sewu pasukane wong kafir, jalaran wong wong kafir iku kaum kang ora ngerti.
Saking ayat kasebat kisah pasukan ingkang sekedik anggotanipun, mboten mokhal saged sasab mengsah pasukan ingkang linangkung kathah wadyabala-nipun, inggih jalaran sinaosa wadyabala namung sekedik, ananging militan saha pinilih saking tiyang tiyang ingkang sabar saha taqwa. Kadosdene kaum Mukminin ingkang sasab rikala perang Badar, pramila lajeng prastawa menika kaserat ing sak lebeting Al Qur’an minangka “momentum”, supados saged dipun pendhet hikmah saha piwucal-ipun.
Saking prastawa menika paring piwucal luhur, estu estu bilih ingkang paring sasab menika awit rahmat kanugrahan saking Allah SWT. Sampun ngantos sasab ing babagan menapa kemawon, kalebet peperangan lajeng tuwuh lampah gumede saha takabur. Ingkang leres inggih lajeng tuwuh mindak-ipun raos cinta tanah air, hurmat saha ngluhuraken para syahid, para pejuang, ugi mindak-ipun raos syukur dhumateng Allah awit sedaya kanugrahan, rahmat saha kemerdekaan. Mekaten ugi kedah saged mendhet hikmah hikmah, piwucal saking para pahlawan kusuma bangsa menika, ingkang sampun toh banda, toh nyawa kangge negari menika.
Saking kisah para pejuang kasebat, mila saged kula lan penjenengan fahami, bilih para pejuang menika estu estu minangka negarawan. Bau, banda ngantos nyawa sedaya namung mligi kangge bangsa lan negari, mboten kangge pribadi, kelompok menapa dene golongan.
Jamaah Jumat Rahimakumullah
Saking piwucal ing nginggil estu estu wekdal sak menika, tansa dipun antu antu hadiripun sosok pemimpin ingkang linangkung, sosok pemimpin ingkang asifat pejuang saha negarawan, ingkang tansah condong dateng kebetahan rakyat, bangsa saha negari, sanes pemimpin ingkang namung mbujung kebetahan-ipun piyambak, saha golonganipun.
Jiwa Negarawan inggih menika jiwa para pejuang saha pahlawan. Lampah lampah mboten prayogi inggih sesumbar saha ngumbar sifat se wenang-wenang, ,aji mumpung nembe kasinungan jabatan saha kekuasaan, mentingaken kelompok saha golongan-ipun piyambak, wantun korupsi, sedaya niki kalebet jiwa-jiwa pecundang ingkang ing nsakmangke namung badhe damel risak bangsa saha negari, kalebet ugi ampun tumindak khianati dhumateng para pejuang saha pahlawan.
Jamaah Jumat Rahimakumullah
Mugi mugi Allah SWT tansah paring sih nugraha kenikmatan, katentreman saha kawilujengan, ing samangke negeri menika dados negeri ingkang tata titi tentrem, gemah ripah loh jinawi, kerta raharja, baldatun thoyibatun wa rabbun ghafur. Aamiin
بَارَكَ اللهُ لِيْ وَلَكُمْ فِيْ القُرْآنِ العَظِيْمِ, وَنَفَعَنِيْ وَإِيَاكُمْ بِمَافِيْهِ مِنَ الآيَاتِ وَالذِكْرِالحَكِيْمِ وَتَقَبَّلَ مِنِّيْ وَمِنْكُمْ تِلَاوَتَهُ إنَّهُ هُوَالغَفُوْرُالرَحِيْمُ.
Khutbah Kaping Kalih
اَلْحَمْدُ لِلَّهِ وَالصَّلاَةُ وَالسَّلاَمُ عَلَى رَسُوْلِ اللهِ، وَلاَ حَوْلَ وَلاَ قُوَّةَ إِلاَّ بِاللهِ. وَأَشْهَدُ أَنْ لاَ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنا مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.
أَمَّا بَعْدُ؛ مَعَاشِرَ الْمُسْلِمِيْنَ أَرْشَدَكُمُ اللهُ أُوْصِيْكُمْ وَإِيَّايَ بِتَقْوَى اللهِ، قَالَ تَعَالَى : إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ، رَبَّنَا اغْفِرْ لَنَا وَلِوَالِدِيْنَا وَاْرحَمْهُمَا كَمَا رَبَّيَانَا صِغَارًا.
رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُونَا بِالإِيْمَانِ وَلاَ تَجْعَلْ فِي قُلُوبِنَا غِلاًّ لِلَّذِيْنَ ءَامَنُوْا رَبَّنَآ إِنَّكَ رَءُوفُ رَّحِيْمٌ،
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا, رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ, سُبْحَانَ رَبِّكَ رَبِّ الْعِزَّةِ عَمَّا يَصِفُونَ, وَسَلَامٌ عَلَى الْمُرْسَلِينَ, وَالْحَمْدُ لِلَّهِ رَبِّ الْعَالَمِينَ
*Dening : Ust H. Aris Samsugito, S.Ag
Naskah Lengkap bisa di download disini
Silakan gabung Group WhatsApp
