PAUGERAN JUAL BELI ISLAM

Khutbah Sepisan,

اَلْحَمْدُ ِللهِ وَكَفٰى ، وَسَلاَمٌ عَلٰى عِبَادِهِ الَّذِيْنَ اصْطَفٰى. أَشْهَدُ أَنْ لاَ إِلهَ إِلا ّاللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ. الَّلهُمَّ صَلِّ وَ سَلِّمْ وَ بَارِكْ عَلىَ نَبِيِّناَ مُحَمَّد وَ عَلىَ اٰلِهِ وَ صَحْبِهِ أَجْمَعِيْنَ.

اَمَّا بَعْدُ. فَيَا عِبَادَ اللهِ, اُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ. يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمً وقال ايضا  وَأَحَلَّ اللَّهُ الْبَيْعَ وَحَرَّمَ الرِّبَا ۚ

Jama’ah Shalat Jum’at Ingkang Minulya

Ingkang sepisan mangga kula lan penjenengan sedaya, tansah ngatuarken raos puja puji syukur wonten ngarsa dalem Allah SWT, ingkang sampun maringi sih nugraha rahmat nikmat ingkang linangkuh kathah, saweneh inggih menika, kula lan penjenengan sedaya saged nglampahi, ngibadah shalat jumat ing dinten menika. Meketen ugi mugi mugi Sholawat saha salam tansah katur dhumateng kanjeng Rasulullah Muhammad SAW, ingkang sampun paring sesuluh, saged medal saking zaman jahiliyah, tumuju zaman pitedah, zaman ingkang terang terwaca kanthi pitedah Islam.

Minangka khotib kula ngajak ing pribadi kula, lumeber dhumateng sedaya jamaah, mangga manga kula lan penjenengan sedaya, tansah mbudidaya amrih mindak-ipun raos iman saha taqwa dhumateng Allah, kanthi nglamahi sedaya dhawuh saha nilar sedaya awisanipun. Inggih jalaran kanthi mbekta sangu taqwallah menika, ingkang samangke gesang kula lan penjenengan sedaya, badhe angsal pangayoman saking ngarsanipun Allah ing donya ngantos ing akhirat.

Hadirin Jamaah Shalat Jum’at Ingkang Minulya

Rikala kula lan penjenengan sedaya mirsani ing madyaning masyarakat, kasunyatan bilih ing babagan dagang menika kathah ingkang sampun miderek paugeraning agami islam, ananging ugi wonten ingkang damel ngelus dada, inggih jalaran praktek dagang ingkang dipun lampahi tebih saking paugeran agami islam, kadosta taksih purun ngapusi, ngirangi takeran mendet bathi ingkang linangkung inggil, ingkang dipun sade menika barang ingkang haram lan sak panunggalanipun.

Kedah-ipun ing bab menika masyarakat/umat islam kantun nglampahi, jalaran paugeran adol tinuku menika sampun wonten paugeran ingkang gumathok, kepara kanjeng Nabi Muhammad SAW ugi sampun paring teladan. Saking menika wonten perkawis perkawis wigatos, kepripun bilih adol tinuku menika, saged dados sarana hubungan gesang ingkang samangke, saged nuwuhaken maslahat kangge sedaya pihak. Allah SWT paring dhawuh ing surat Al Baqarah ayat (kalih atus pitung dasa gangsal) 275 mekaten,

الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَنْ جَاءَهُ مَوْعِظَةٌ مِنْ رَبِّهِ فَانْتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَاخَالِدُونَ

Jawinipun : “wong wong kang mangan riba ora isoh ngadek kejaba ngadek lir kadya wong kesurupan syaitan, lantaran amarga lara edan. Kahanan kaya mengkono iku, amarga deweke kandha/duwe pengangen-angen, setuhune adol tinuku iku padha persis karo riba, sanadyan Allah wus paring hukum halal adol tinuku saha wus paring hukum haram riba. Wong wong kang wus tumeka marang deweke paugerane pengerane, mbanjur terus mandeg (saka tumindak riba), kanggo deweke apa apa kang wus nate dipundhut ( sak durunge tumeka larangan); lan perkara iki wus pasrah marang Allah. (sewalik-e) kanggo wong wong kang tetep ngalap riba, mangka kanggo wong wong iku neraka papan dununge, deweke sak jek jumleg ing njerone.”

        Wonten perkawis perkawis ingkang wigati nalika badhe nglampahi adol tinuku,  utawi kepripun adab sopan santun kangge ingkang sade dumeteng ingkang tumbas, ingkang estu sampun wonten paugeran ingkang dipun tindak-aken Rasullah SAW.  Kanthi prinsip kirang langkung mekaten :

Sepisan, Mendhet untung namung sak madya. Islam sampun paring paugeran rikala nglampahi adol tinuku, inggih sampun lumrah bilih ing madyaning adol tinuku mendhet untung, ananging  islam paring  paugeran mendhet keuntungan kanthi wajar, mboten lajeng aji mumpung. Wonten prinsip ingkang linangkung edi peni, inggih menika dados berkah ing sedayanipun.  

Kaping kalih, Mboten nyade barang sanes kagungane. Rikala nyade sewiji barang,  sewiji barang menika inggih estu estu kagungan-ipun piyambak, sanes kagunganipun tiyang sanes, utawi sewiji barang ingkang asalipun saking lampah ngapusi, saha colong jupuk bandane tiyang sanes. Ing bab menika wonten hadits Nabi Muhammad SAW ingkang ungelipun mekaten:

يَا رَسُولَ اللَّهِ يَأْتِينِي الرَّجُلُ فَيَسْأَلُنِي الْبَيْعَ لَيْسَ عِنْدِي أَبِيعُهُ مِنْهُ ثُمَّ أَبْتَاعُهُ لَهُ مِنْ السُّوقِ قَالَ لَا تَبِعْ مَا لَيْسَ عِنْدَكَ

Jawinipun : “Wahai Rasulullah, wonten setunggal tiyang mrepeki kula supados nyade barang ingkang sanes gadahan kula,kanthi cara langkung rumiyin kula tumbas  teng peken kangge piyambake ? Rasulullah shallallahu ‘alaihi wa sallam paring dhawuh , “ aja sira dodolan barang kang dudu duwekmu.” (HR. Abu Daud, An-Nasai, Tirmidzi, lan Ibnu Majah]

Hadirin Jamaah Shalat Jum’at Ingkang Minulya

Kaping Tiga, sedaya ingkang dipun sade menika Sanes  barang ingkang haram. Kalebet barang barang ingkang dipun awisi ing paugeran agami. Kadosta narkoba, minuman keras lan sanes-sanesipun.

Kaping Sekawan, Barang ingkang dipun sade saged ditampi. maksud biluh barang kasebat menika nyata wontenipun saha jelas sanes barang ingkang taksih samar. Kadosta sade ayam ingkang lepas saking kandang, sade peksi ingkang taksih mebur teng awang awang. Pramila sadean ngaten menika menika mboten sah.  Kalebet gharar utawi spekulasi, haram jalaran mboten saged dipun tampi wujud barangipun.

Kaping gangsal, Mboten  menimbun saha  memonopoli. Rasulullah Muhammad SAW paring dhawuh saha paugeran  bilih tindak lampah sadean kanthi cara menimbun utawi memonopoli barang menika, dipun awisi jalaran badhe damel kapitunan dateng tiyang sanes. Nabi Muhammad SAW paring dhawuh mekaten :

لاَ يَحْتَكِرُ إِلاَّ خَاطِئٌ

Jawinipun : “ora ana sewiji wong kang nyimpen/nimbun barang, kejaba deweke pelaku maksiat.” [HR. Muslim]

Kaping enem, Kanthi sikap lembah manah  saha damel gampil. Bilih ingkang sade menapa dene ingkang tumbas, kedah ngetingalaken sikap ingkang lembah manah andap asor, saha damel suwasana ingkang sarwa-sarwi damel manah remen, kanggenipun ingkang sade paring regi ingkang murwat, ingkang badhe ngenyang inggih kanthi pangandikan ingkang sae. Pramila wonten paugeran ingkang sedaya sami legawa inggih menika ingkang sade sampun bathi, ingkang tumbas mboten mawi regi ingkang inggil.

Hadirin Jamaah Shalat Jum’at Ingkang Minulya

Mekaten khutbah ingkang cekak aos ingkang saged kula aturaken, mugi mugi Allah SWT tansah paring gampil saha sabar dhumateng kula lan penjenengan sedaya saged nindak-aken adol tinuku tansah miderek ing paugeran agami. Aamiin

بَارَكَ اللهُ لِيْ وَلَكُمْ فِي الْقُرْاٰنِ الْعَظِيْمِ وَنَفَعَنِي وَاِيَّاكُمْ بِمَا فِيْهِ مِنَ الْاٰيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلَاوَتَهُ اِنَّهُ هُوَ السَّمِيْعُ الْعَلِيْمُ

Khutbah Kaping Kalih

اَلْحَمْدُ لِلَّهِ وَالصَّلاَةُ وَالسَّلاَمُ عَلَى رَسُوْلِ اللهِ، وَلاَ حَوْلَ وَلاَ قُوَّةَ إِلاَّ بِاللهِ. وَأَشْهَدُ أَنْ لاَ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنا مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ   أَمَّا بَعْدُ؛  مَعَاشِرَ الْمُسْلِمِيْنَ أَرْشَدَكُمُ اللهُ أُوْصِيْكُمْ وَإِيَّايَ بِتَقْوَى اللهِ، اتقواالله لعلكم تفلحون

قَالَ تَعَالَى : إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا.  اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ ،  إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ, رَبَّنَا اغْفِرْ لَنَا وَلِوَالِدِيْنَا وَاْرحَمْهُمَا كَمَا رَبَّيَانَا صِغَارًا.  رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُونَا بِالإِيْمَانِ وَلاَ تَجْعَلْ فِي قُلُوبِنَا غِلاًّ لِلَّذِيْنَ ءَامَنُوْا رَبَّنَآ إِنَّكَ رَءُوفُ رَّحِيْمٌ،   رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا,   رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ,   سُبْحَانَ رَبِّكَ رَبِّ الْعِزَّةِ عَمَّا يَصِفُونَ, وَسَلَامٌ عَلَى الْمُرْسَلِينَ, وَالْحَمْدُ لِلَّهِ رَبِّ الْعَالَمِينَ

* Dening : Ustadz Syahril Sidiq, S.Pd.I, M.A

Naskah Lengkap bisa di download disini

Silakan gabung Group WhatsApp