Khutbah Idul Fitri 1445 H : Kekadangan Saha Ukhuwwah Ingkang Remaket

الحَمْدُ لِلّٰهِ الَّذِيْ حَرَّمَ الصِّياَمَ أَيّاَمَ الأَعْياَدِ ضِيَافَةً لِعِباَدِهِ الصَّالِحِيْنَ. أَشْهَدُ أَنْ لاَإِلٰهَ إِلاَّاللهُ وَحْدَهُ لاَشَرِيْكَ لَهُ الَّذِيْ جَعَلَ الجَنَّةَ لِلْمُتَّقِيْنَ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ االدَّاعِيْ إِلىَ الصِّرَاطِ المُسْتَقِيْمِ. اللّٰهُمَّ صَلِّ وَسَلِّمْ وَباَرِكْ عَلىَ مُحَمَّـدٍ وَعَلَى آلِهِ وَأَصْحاَبِهِ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنَ أَمَّا بَعْدُ، فَيَآ أَيُّهَا المُؤْمِنُوْنَ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ المُتَّقُوْنَ . وَاتَّقُوْا اللهَ حَقَّ تُقاَتِهِ وَلاَتَمُوْتُنَّ إِلَّا وَأَنْتُمْ مُسْلِمُوْنَ. قَالَ الله تَعَالَى : وَكَذٰلِكَ جَعَلْنٰكُمْ اُمَّةً وَّسَطًا لِّتَكُوْنُوْا شُهَدَآءَ عَلَى النَّاسِ وَيَكُوْنَ الرَّسُوْلُ عَلَيْكُمْ شَهِيْدًا ۗ وَمَا جَعَلْنَا الْقِبْلَةَ الَّتِيْ كُنْتَ عَلَيْهَآ اِلَّا لِنَعْلَمَ مَنْ يَّتَّبِعُ الرَّسُوْلَ مِمَّنْ يَّنْقَلِبُ عَلٰى عَقِبَيْهِۗ وَاِنْ كَانَتْ لَكَبِيْرَةً اِلَّا عَلَى الَّذِيْنَ هَدَى اللّٰهُ ۗوَمَا كَانَ اللّٰهُ لِيُضِيْعَ اِيْمَانَكُمْ ۗ اِنَّ اللّٰهَ بِالنَّاسِ لَرَءُوْفٌ رَّحِيْمٌ

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rahimakumullah.

Mangga kula lan  penjenengan tansah  ngaturaken raos puji syukur, wonten ngarsa dalem Allah I awit ing enjang  ingkang agung menika, kula lan penjenengan saged mlempak manunggal ing papan menika, saperlu nindak-aken pangibadahan shalat idul fitri kanti sareng-sareng maos takbir, tahlil saha tahmid, minangka wujud raos syukur,  amargi  kula lan penjenengan sampun saged nyampurnaaken  ibadah shiyam wonten wulan Ramadhan tahun menika.

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rahimakumullah.

Ibadah Shiyam ingkang sampun kula lan penjenengan  lampahi, ngemu pitedah, hikmah  saha kautamen ingkang kathah. Tujuan shiyam sampun terwaca kasebat wonten Al Quran, bilih kula lan penjenengan shiyam supados anggayuh taqwa dhumateng gusti Allah. Lampah  taqwa mboten saged dipun tingali  namung ing  wulan Ramadhan kemawon,  ananging wonten ing wekdal-wekdal sak bibaripun Ramadhan, kepara  langkung pinitados bilih tiyang kolowau saged dipun westani nglampahi perilaku taqwa. Ananging ingkang dipun wigatosaken, bilih predikat taqwa menika mboten saged dipun tingali saking perilaku lahiripun. Predikat taqwa injih menika predikat ingkang  tansah kajiwa kasarira dhateng manungsa ingkang saestu  nyawiji utawi komprehensif. Tansah manunggal lahir  saha batos-ipun.  Satemah namung piyambakipun saha Allah I ingkang saged  mbiji predikat menika.

Jamaah shalat ied rahimakumullah.

Hikmah ingkang saged kula lan penjenengan pendhet, saking ibadah shiyam Ramadhan, injih menika saged nuwuhaken sikap disiplin, sabar, sikap jujur saha sikap gesang prasaja.  Mboten wonten satunggaling profesi menapa kemawon  ing madyaning alam bebrayan menika ingkang keteteran, menawi dipun kantheni sikap saha  lampah disiplin, sae menika pejabat, wiraswasta, pegawai, guru, petani lan sanes-sanesipun.  Menawi dipun landasi lampah disiplin insya Allah sedaya saged kasembadan kanthi sae.

Hikmah sanesipun saking shiyam Ramadhan inggih menika nuwuhaken sikap saha lampah sabar.  Lafadz sabar miterat pamanggihipun saweneh para ahli injih menika satunggaling kawontenan ingkang mangertosi, faham  saha menyadari saking sedaya kekiyatan, kelemahan, peluang saha ancaman awak kula lan penjenengan piyambak ingkang ing tembe wingkingipun saged menyadari posisinipun tumrap tiyang sanes. Saking piwucal menika saged dipun ringkes  bilih sabar menika mboten wonten watesipun. Mboten wonten istilah telas kesabaranipun. Menawi taksih wonten istilah menika ateges sanes kesabaran ingkang dipun maksud, ananging mbok bilih namung sami kaliyan ngampet lan sakpanunggalanipun.

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rahimakumullah.

Hikmah sak lajengipun injih menika kanthi shiyam Ramadhan

1. Saged nuwuhaken  lampah jujur.  Kanthi pangertosan ingkang  prasaja, jujur saged dipun westani, tumindak saha pengendikan ingkang menapa wontenipun. Mboten dipun tambah  saha dipun kirangi, sedaya dipun lampahi kanthi trep kados ing kasunyatan-ipun. Lampah   saha pengendikan ingkang mboten jujur utawi ngapusi menika minangka kuncinipun tumindak maksiat sanesipun.
2. Tuwuhipun raos kepekaan sosial dhumateng tiyang tiyang ingkang nembe sekeng ekonomi, saha sekeng posisi.
3. Linangkung remaket raos kekadangan saha silaturrahim, ing madyaning pasrawungan.
4. Remen  bantu biyantu, gotong royong awit  sedaya bot repoting jejibahan gesang ing madyaning masyarakat.

Kawontenan menika estu pantes saha kedah dipun syukuri, menapa malih negari  kula lan penjenengan menika nembe kemawon gadhah hajat ageng ingkang arupi pemilihan umum. Hajatan menika asring dipun sebat pesta demokrasi.  Pemilihan umum utawi ingkang asring dipun sebat PEMILU minangka, saweneh pirantos  demokrasi wonten ing Negari Kesatuan Republik Indonesia, ingkang sampun dipun tetepaken dening UUD 1945 lan sacara teknis sampun dipun atur dening Undang Undang Pemilu. Satemah Pemilu ugi minangka prastawa kagem evaluasi  lampahipun negari saben gangsal tahun sepisan.

Ing prastawa PEMILU  estu saged damel saweneh masarakat  ugi dados PILU. Mawarni warni kontestan pemilu kanti kawigatosan saha hasrat politikipun, saged damel crah sesambetan gesang ing madyaning masyarakat.

Prastawa biasa ingkang kedadosan saben saben gangsal tahunan menika, sak  yektosipun saged dipun biji  saha evaluasi.  kados pun rekam jejak calon naliko nyawung wonten ing pemilu sakderengipun. Kathah ingkang sami pirsa, kathah ingkang sami getun, kathah ingkang sami kuciwa, nanging gumunipun  kenging menapa wonten ing tahun  menika saweneh masyarakat dumadakan kesupen lan  pitados malih lajeng dipun pilih malih lan ing sakmangke getun malih lan kuciwa malih.

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rohimakumuullah

Allah paring dhawuh wonten ing Surat Ali Imron ayat 19 ingkang suraosipun :

إِنَّ ٱلدِّينَ عِندَ ٱللَّهِ ٱلْإِسْلَٰمُ ۗ وَمَا ٱخْتَلَفَ ٱلَّذِينَ أُوتُوا ٱلْكِتَٰبَ إِلَّا مِنۢ بَعْدِ مَا جَآءَهُمُ ٱلْعِلْمُ بَغْيًۢا بَيْنَهُمْ ۗ وَمَن يَكْفُرْ بِـَٔايَٰتِ ٱللَّهِ فَإِنَّ ٱللَّهَ سَرِيعُ ٱلْحِسَابِ

Jawinipun, “Sak temene agama (kang ditampa) ing ngarsane Allah hiya mung Islam. Ora ana barang cengkah marang wong wong kang diwenehi Kitab, kejaba sak wuse tumeka  pengetahuan  marang deweke (wong akeh) amerga rasa dengki (kang ana) ing wong wong akeh iku. Sak sapa wong kang kafir marang ayat ayat  Allah, (ngertiya) saktemene  hisab-e Allah iku banget cepete

Allah I nitahake makhluk manungsa menika kanti mawarni-warni latar belakang lan kawontenan ingkang kasebar dados mapinten-pinten bangsa, kanti kondisi fisik lan budaya ingkang mawarni warni ugi.

Nanging sinaosa mekaten Allah paring pitedah lan kautamen-kautamen pentingipun persatuan kanti tansah cecepengan AL Quran suci saha Hadits Nabi r.  Allah ugi paring  dhawuh wonten ing Surat Ali Imran 103 dumugi 105 ingkang suraosipun mekaten:

وَٱعۡتَصِمُواْ بِحَبۡلِ ٱللَّهِ جَمِيعٗا وَلَا تَفَرَّقُواْۚ وَٱذۡكُرُواْ نِعۡمَتَ ٱللَّهِ عَلَيۡكُمۡ إِذۡ كُنتُمۡ أَعۡدَآءٗ فَأَلَّفَ بَيۡنَ قُلُوبِكُمۡ فَأَصۡبَحۡتُم بِنِعۡمَتِهِۦٓ إِخۡوَٰنٗا وَكُنتُمۡ عَلَىٰ شَفَا حُفۡرَةٖ مِّنَ ٱلنَّارِ فَأَنقَذَكُم مِّنۡهَاۗ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦ لَعَلَّكُمۡ تَهۡتَدُونَ  ١٠٣

Jawinipun, lan padha gegondelan sira kabeh ing tali/ agamane Allah, lan aja pisan pisan sira padha crah lan eling-a nikmate Allah marang sira, rikala zaman mbiyen(Jahiliyah) sira padha memungsuhan, nuli Allah banjur ndadek-ake atimu padha lilih gelem bersatu, nuli ndadek-ake sira amarga nikmate allah marang sira, wong wong kang padha seduluran; lan sira wes ana sak pinggire jurang neraka, nuli Allah nylamet-ake sira seka (bebaya neraka). Hiya kaya mengkono iku  Allah wes njlentrehke ayat-ayat-E marang sira, supaya sira oleh pituduh.

وَلۡتَكُن مِّنكُمۡ أُمَّةٞ يَدۡعُونَ إِلَى ٱلۡخَيۡرِ وَيَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِۚ وَأُوْلَٰٓئِكَ هُمُ ٱلۡمُفۡلِحُونَ  ١٠٤

Jawinipun, lan prayoga ana saweneh ing antarane sira kabeh ana golongan kang gelem ajak ajak ing kebecikan , lan nyegah saka tumindak mungkar.  Hiya kaya mengkono mengkono iku wong kang oleh kabegjan.

وَلَا تَكُونُواْ كَٱلَّذِينَ تَفَرَّقُواْ وَٱخۡتَلَفُواْ مِنۢ بَعۡدِ مَا جَآءَهُمُ ٱلۡبَيِّنَٰتُۚ وَأُوْلَٰٓئِكَ لَهُمۡ عَذَابٌ عَظِيمٞ  ١٠٥

Jawinipun, lan aja pisan pisan sira kaya wong wong kang padha crah lan padudon ing seiwji perkara kang wes jelas keterangane marang wong wong akeh iku. Ya kaya menkono mengkono iku wong wong kang aleh paseksan kang banget abote.

Saking pangandikanipun Allah mekaten, mboten wonten alasan kangge crah utawi bercerai berai, malah-mala ancamanipun cetho menawi sampun wonten pitedah ingkang gumathok ananging umat tasih bercerai berai. Namung paseksan ingkang badhe nemahi.

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rahimakumullah.

Prastawa pemilu sampun paripurno, sampun wancinipun dhumateng tatanan kemasyarakatan ingkang sarwo ayem tentrem kanti pasederekan ingkang kebak silaturrahmi.  Crah menika damel risak sewalik-ipun peseduluran saha silaturahmi menika damel angsal barokah, gesang tansah ayom ayem tentrem.

Pramila saking prastawa hajat pemilu kepengker saged dipun pendhet linangkung kathah  piwucal kadosta,

Sepisan, Masyarakat saged ngrumaosi bilih pemilu minangka “ritual” politik kenegaraan ingkang badhe dipun  adani  saben-saben gangsal tahun.  Prastawa menika minangka kegiatan rutin.

Kaping kalih, Aktifitas saha perilaku para kontestan pemilu ingkang jor-joran mboten perlu dipun tanggapi kanti jor joran ugi. Rekam jejak para kontestan langkung dipun utamekaken supados mboten kapusan makaping-kaping.

Kaping tiga, Kados menapa kemawon geliat masyarakat kangge pemilu kedah tansah nengenaken  ing  pasederekan, kerukunan  saha persatuan.  Sampun ngantos damel crah saha memengsahan

الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat ied rahimakumullah.

Insya Allah wonten ing saklebetipun wulan Ramadhan sedaya wau saged mawas diri, kontemplasi, mulat sarira satemah ukhuwah utawi pasederekan saged wangsul kados kala wingi. Saya malih wonten ing Idhul fitri menika langkung sampurna anggenipun ningkataken silaturrahmi antar elemen bangsa kanti tansah ndatengi, nyowani antawisipun sedherek lan sami paring pangapunten.

Ing wusananipun mangga kula lan penjenengan  tansah ndedonga dhumateng Allah I, ing pangajab gesang kula lan penjenengan wonten ing alam donya menika tansah melebet dhateng  ewonipun tiyang ingkang pikantuk pitedah, barokah, hidayah  saha mangunah, satemah ing tembe wingkingipun saged nilaraken donya menika kanti husnul khotimah. Amiin. Kanthi sikap tawadlu’ mangga dedonga dumatheng Allah I.

أَعُوذُ بِاللَّهِ مِنَ الشَّيْطَانِ الرَّجِيمِ     بِسْمِ اللَّهِ الرَّحْمَنِ الرَّحِيْم

الحمد لله رب العا لمين  والصلاة والسلام على نبينا محمد وعلى اله واصحا به اجمعين  اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْ مِنِيْنَ وَالْمُؤْمِنَاتِ الْاَحْيَاءِ مِنْهُمْ وَالْاَمْوَاتِ   اِنَّكَ سَمِيْعٌ قَرِيْبٌ مُجِيْبُ الدَّعَوَاتِ فَيَا قَا ضِيَ الْحَجَا ت

رَبَّنَا هَبۡ لَنَا مِنۡ أَزۡوَٰجِنَا وَذُرِّيَّٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا  رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَٰسِرِينَ  رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ رَبَّنَا ٱغۡفِرۡ لَنَا ذُنُوبَنَا وَإِسۡرَافَنَا فِيٓ أَمۡرِنَا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَٰفِرِينَ رَبَّنَا مَا خَلَقۡتَ هَٰذَا بَٰطِلٗا سُبۡحَٰنَكَ فَقِنَا عَذَابَ ٱلنَّارِ رَبَّنَآ إِنَّكَ مَن تُدۡخِلِ ٱلنَّارَ فَقَدۡ أَخۡزَيۡتَهُۥۖ وَمَا لِلظَّٰلِمِينَ مِنۡأَنصَارٖ  رَّبَّنَآ إِنَّنَا سَمِعۡنَا مُنَادِيٗا يُنَادِي لِلۡإِيمَٰنِ أَنۡ ءَامِنُواْ بِرَبِّكُمۡ فَ‍َٔامَنَّاۚ   رَبَّنَا فَٱغۡفِرۡ لَنَا ذُنُوبَنَا وَكَفِّرۡ عَنَّا سَيِّ‍َٔاتِنَا وَتَوَفَّنَا مَعَ ٱلۡأَبۡرَارِ   رَبَّنَا وَءَاتِنَا مَا وَعَدتَّنَا عَلَىٰ رُسُلِكَ وَلَا تُخۡزِنَا يَوۡمَ ٱلۡقِيَٰمَةِۖ إِنَّكَ لَا تُخۡلِفُ ٱلۡمِيعَادَ  رَبَّنَا تَقَبَّلۡ مِنَّآۖ إِنَّكَ أَنتَ ٱلسَّمِيعُ ٱلۡعَلِيمُ  رَبَّنَا وَٱجۡعَلۡنَا مُسۡلِمَيۡنِ لَكَ وَمِن ذُرِّيَّتِنَآ أُمَّةٗ مُّسۡلِمَةٗ لَّكَ وَأَرِنَا مَنَاسِكَنَا وَتُبۡ عَلَيۡنَآۖ إِنَّكَ أَنتَ ٱلتَّوَّابُ ٱلرَّحِيمُ  رَبَّنَآ أَفۡرِغۡ عَلَيۡنَا صَبۡرٗا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَٰفِرِينَ رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ    أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ رَبَّنَا لَا تُزِغۡ قُلُوبَنَا بَعۡدَ إِذۡ هَدَيۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ رَبَّنَآ ءَاتِنَا مِن لَّدُنكَ رَحۡمَةٗ وَهَيِّئۡ لَنَا مِنۡ أَمۡرِنَا رَشَدٗا رَبَّنَآ إِنَّنَآ ءَامَنَّا فَٱغۡفِرۡ لَنَا ذُنُوبَنَا وَقِنَا عَذَابَ ٱلنَّارِ  رَبَّنَآ ءَاتِنَا فِي ٱلدُّنۡيَا حَسَنَةٗ وَفِي ٱلۡأٓخِرَةِ حَسَنَةٗ وَقِنَا عَذَابَ ٱلنَّارِ سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ   وَسَلَٰمٌ عَلَى ٱلۡمُرۡسَلِينَ  وَٱلۡحَمۡدُ لِلَّهِ رَبِّ ٱلۡعَٰلَمِينَ

Dening : Ustadz Arba Riksawan Qomaru, S.E.

Naskah Lengkap bisa di download disini

Silakan gabung Group WhatsApp