Panggah Istiqamah Ba’da Ramadhan
Khutbah Sepisan
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلَى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن. فَيَا أَيُّهَا الْمُسْلِمُوْنَ، اِتَّقُوا اللهَ مَا اسْتَطَعْتُمْ قَالَ اللهُ تَعَالَى فِي كِتَابِهِ اْلكَرِيْمِ يَآأَيُّهَا الَّذِيْنَ ءَامَنُوْا اتَّقُوْا اللهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللهَ وَرَسُولَهُ فَقَدْ فَازَ فَوْزًا عَظِيمًا.
Jama’ah shalat jum’at rahimakumullah.
Mangga kula lan penjenengan tansah ngaturaken puji syukur wonten ngarsanipun Gusti Allah I awit kathahipun nikmat ingkang tansah kaparingaken dhumateng kula lan penjenengan sedaya. Shalawat lan salam mugi tansah katur dhumateng panutan sedaya umat, inggih Nabi Muhammad r. Saklajengipun, kula ngajak pribadi kula, sumrambah para jamaah kinen tansah mbudi daya amrih mindakipun raos iman saha taqwa dhumateng Allah I. Iman saha taqwa ingkang tansah kajiwa kasarira ngantos puputing yuswa, saha seda kanthi husnul khatimah.
Jama’ah shalat jum’at rahimakumullah.
Wonten kisah “inspiratif” ngengingi lampah istiqamah Abdullah bin Ummi Maktum. Nun inggih sahabatipun Rasulullah r ingkang kaganjar wuta. Sinaosa cacat raga amergi wuta, panjenenganipun kagungan tindak lampah utami arupi ajeg utawi istiqamah nindak-aken sholat wajib gangsal wekdal kanthi berjamaah wonten masjid. Abdullah tansah kemutan pangandikan Rasulullah r, bilih sak sintena tiyang mireng adzan pramila prayogi enggal tumuju masjid sinaosa kanthi lumampah mbrangkang.
Setunggaling dinten, rikala Abdullah tindak tumuju masjid kagem nindak-akan sholat subuh, panjenenganipun dhawah. Sukunipun tatu saha medal rahipun. Ewa semanten Abdullah panggah nerasaken lampah tumuju masjid. Raos sakit pun singkur keranten kagungan niat gembleng badhe nindak-aken dhawuhipun Rasulullah r.
Dinten candakipun, wonten pawongan enem nyegat Abdullah saha ngandharaken ancas badhe nuntun Abdullah tindak tumuju masjid. Abdullah sarujuk dhateng tawaran pawongan wau. Tundhonipun, makaping-kaping dinten Abdullah tindak masjid kanthi katuntun pawongan kasebat.
Abdullah Ummi Maktum ngendika, “Sak janjane kowe ki sapa, kok pendhak dina nuntun aku tumuju masjid? Merga kebecikanmu, aku pingin ndongakke kowe”. “Mboten penting panjenengan pirsa nami kula”, jawab pawongan sang penuntun.
Midhanget jawaban menika, Abdullah Ummi Maktum lajeng ngendika, “Menawa kowe ora gelem blaka sapa sejatine kowe iku, mula kowe ora usah nuntun aku maneh”. Sinareng mireng pangandikan Abdullah ingkang pungkasan, pawongan wau lajeng purun mbikak jati dirinipun. “Sakjane aku iki Iblis”, celathunipun.
Abdullah estu kaget dalah cingak awit pengakuan Iblis, (ingkang memba memba dados menungsa menika). “Apa sebabe Iblis kok gelem nuntun uwong arep neng masjid?”. Iblis lajeng wangsulan, “menapa penjenengan mboten kemutan rikala dhawah wekdal shubuh nalika badhe tindak dateng masjid?” Wekdal semanten inggih amargi panjenengan dhawah, gusti Allah lajeng paring sih rahmatipun penjenengan dipun apunten sepalih saking dosa dosa penjenengan. Aku pendhak dina nuntun penjenengan tumuju masjid kangge njagi supados penjenengan sampun ngantos dhawah malih, ingkang njalari sedaya dosa penjenengan dipun apunten Gusti Allah”. Keranten mangertosi kautamen tindak shalat jamaah dhateng masjid, pramila Abdullah Ummi Maktum linangkung semangat tansah istiqamah nindak-aken amalan kasebat.
Jama’ah shalat jum’at rahimakumullah.
Istiqamah injih menika setunggalipun reka daya murih jejeg dalah lempeng wonten merginipun Allah I. Tiyang ingkang istiqamah mboten badhe gingsir dalah goyah wonten sadhengah kahanan. Tiyang ingkang istiqamah tansah nindak-aken setunggalipun perkawis linambaran raos pitados datheng agengipun manfaat saha kautamen perkawis kasebat. Islam tuhu nyuperih dhateng sedaya kaum muslimin lan muslimat kinen tansah ngugemi sifat istiqamah kados dene nasehat Rasulullah r dhateng Sufyan bin Abdullah Ats Tsaqofiy,
عَنْ سُفْيَانَ بْنِ عَبْدِاللهِ الثَّقَفِي t, قَالَ: قُلْتُ يَارَسُوْلَ اللهِ , قُلْ لِيْ فِيْ اْلإِسْلاَمِ قَوْلاً , لاَ أَسْأَلُ عَنْهُ أَحَدًاغَيْرَكَ. قَالَ: قُلْ آمَنْتُ بِاللهِ , ثُمَّ اسْتَقِمْ .
Riwayat saka Sufyân bin ‘Abdillâh ats-Tsaqafi t. Sufyan ngendika: “Aku matur, Ya Rasulullah mugia paduka kersa paring nasehat kangge kula babagan Islam ingkang mboten badhe kula suwunaken pirsa dhateng tiyang sanes. Rasulullah ngendika, “Ngucapa, aku percaya marang Allah Azza wa Jalla. Nuli istiqamah–a”. (HR Muslim)
Ngengingi wigatosipun istiqamah, ngantos kula lan panjenengan sedaya asring nyuwun supados Gusti Allah paring pitedah tumuju mergi ingkang jejeg utawi istiqamah. Pinyuwunan kasebat kula lan penjenengan waos wongsal wangsul wonten surat Al-Fatihah, dipun waos paling sekedhik kaping pitulas saben dintenipun.
Jama’ah shalat jum’at rahimakumullah.
Ramadhan sampun paring piwucal saha ndamel kula lan panjenengan sami dados kawulanipun Allah I ingkang tansah istiqamah. Mangga pun pirsani, kados pundi enthengipun kula lan penjenengan saged meper nafsu dhahar lan ngunjuk dalah perkawis-perkawis syahwat sanesipun. Pun pirsani ugi kados pundi ajegipun kula lan penjenengan sedaya sampun nindak-aken shalat tarawih saben dalu, maos dzikir, tilawah Al-Quran saha i’tikaf. Kalebet kula lan penjenengan ugi ngraosaken entheng ngedalaken infaq tuwin shadaqah. Wonten wulan ingkang kebak berkah menika, kula lan penjenengan ugi dados insan-insan ingkang tangguh “psikis” tuwin nuraninipun. Mboten gampil duka saha emosi ngadhepi perkawis ingkang mboten ngremenaken. Tiyang ingkang nindaaken shiyam ugi kaparingan entheng nilar tradisi ghibah utawi ngrasani.
Emanipun, sikap istiqamah ingkang sampun pun konjem sewulan natas kasebat kados-kados luntur, tuwin ical mboten wonten atsar utawi bekasipun, sinareng telasipun dinten-dinten wulan Ramadhan. Sak perangan ageng saking umat Islam wangsul malih dhateng padatan ingkang kirang sae kados dene wekdal-wekdal sak derengipun Ramadhan.
Kaum muslimin rahimakumullah.
Saklajengipun, wonten nasehat para winasis saha para ulama supados kula lan penjenengan sedaya saget tansah istiqamah:
Sepisan, estu wigatos menawi kula lan penjenengan sedaya menika mangertosi dalil-dalil syar’i ingkang nedahaken mendah utaminipun setunggaling amalan, satemah kula lan penjenengan sedaya rumaos keduwung menawi mboten saget nindak-aken.
Kaping kalih, kula lan penjenengan sedaya kedah sadar bilih gesang wonten akhirat sak mangke sak jeg jumlek alias sak lami-laminipun. Kanthi mekaten saestu mbetahaken sangu ingkang kathah sanget.
Kaping tiga, tansah kemutan kaidah “al-jazaa’ min jinsil ‘amal” (Balesan iku sak trep karo tumindak kang dilakoni). Lir-ipun, ganjaran saking Gusti Allah badhe pun paringaken linangkung kathah kagem tiyang-tiyang ingkang saget istiqamah.
Kaping sekawan, sesrawungan kaliyan sedherek-sedherek ingkang sampun kabukten saget istiqamah. Kanthi mekaten labet utawi atsar “positif” saget nular dhumateng kula lan penjenengan sedaya.
Wondene ingkang pungkasan, tansah nyuwun kekiyatan dhumateng Allah I supados saget tansah istiqamah fi sabilillah.
Khutbah Kaping Kalih
اَلْحَمْدُ لِلَّهِ الَّذِيْ كَانَ بِعِبَادِهِ خَبِيْرًا بَصِيْرًا، أَشْهَدُ اَنْ لاَ إِلَهَ إِلاَّ اللهُ وأَشْهَدُ اَنَّ مُحَمَّدًا عَبْدُهُ وُرَسُولُهُ الَّذِيْ بَعَثَهُ بِالْحَقِّ بَشِيْرًا وَنَذِيْرًا، اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ.
أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ. وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. اَللّٰهُمَّ إنَّا نَسْأَلُكَ الهُدَى، والتُّقَى، والعَفَافَ، والغِنَى. اَللَّهُمَّ رَبَّنَا تَـقَـبَّلْ مِنَّا صَلاَتَنَا وَصِيَا مَنَا وَرُكُوْ عَنَا وَسُجُوْدَنَا وَقُعُوْدَنَا وَتَضَرُّعَنَا وَتَخَشُّوْعَنَا وَزَكَاتَنَا وَتَعَبُّدَنَا وَتَمِّمْ تَقْصِيْرَنَا يَا اَلله يَا رَبَّ الْعَا لَمِيْنَ. اللَّهُمَّ اجْعَلْ جَمْعَنَا هَذَا جَمْعًا مَرْحُوْمًا، وَاجْعَلْ تَفَرُّقَنَا مِنْ بَعْدِهِ تَفَرُّقًا مَعْصُوْمًا، وَلا تَدَعْ فِيْنَا وَلا مَعَنَا شَقِيًّا وَلا مَحْرُوْمًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Dening : Ustadz Drs. H. Marsudi Iman, M.Ag
Naskah Lengkap bisa di download disini
Silakan gabung Group WhatsApp
