Dados Majikan Saha Buruh Ingkang Sae

Khutbah Sepisan

اَلْحَمْدُ ِللهِ وَكَفٰى، وَسَلاَمٌ عَلٰى عِبَادِهِ الَّذِيْنَ اصْطَفٰى.  أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنَّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ.  اَللَّهُمَّ صَلِّ وَسَلّمْ عَلٰى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن. اَمَّا بَعْدُ، فَيَا عِبَادَ اللهِ، اُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. قَالَ اللهُ تَعَالَى فِي الْقُرْآنِ الْكَرِيْمِ، وَقُلِ ٱعۡمَلُواْ فَسَيَرَى ٱللَّهُ عَمَلَكُمۡ وَرَسُولُهُۥ وَٱلۡمُؤۡمِنُونَۖ وَسَتُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ 

Jamaah Shalat Jum’at ingkang minulya

Sedaya puja puji pangalembana saha syukur tansah konjuk wonten ngarsa dalem Allah I ingkang sampun paring sih nugraha nikmat saha rahmat ingkang linangkung,  Shalawat saha salam mugi tansah katur dhumateng junjungan Nabi Muhammad r, para sahabat,  keluarga, lumeber dhateng sedaya umat-ipun ngantos akhir zaman. Mboten kesupen mangga tansah mbudidaya amrih mindakipun raos iman saha taqwa dhumateng Allah I.

Allah I sampun paring dhawuh sedaya umat manungsa menika supados makarya/nyambut damel, pramila kanthi makarya menika Allah I, saha tiyang sanes badhe nyumurupi pakaryan penjenengan, perkawis tiyang menika supados nyambut damel kados ingkang kaserat ing sak lebeting QS At Taubah ayat 105 mekaten,

وَقُلِ ٱعۡمَلُواْ فَسَيَرَى ٱللَّهُ عَمَلَكُمۡ وَرَسُولُهُۥ وَٱلۡمُؤۡمِنُونَۖ وَسَتُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

Jawinipun, Lan Dhawuh-a sira : “nyambuta gawe sira kabeh, mula Allah lan Utusan-Ne uga wong wong mukmin bakal ndeleng pakaryanmu iku, lan sira bakal dibalek-ake marang (Allah) Ingkang maha Pirsa apa apa kang ghaib lan kang pertela, nuli wenehi weruh marang sira apa-apa kang wus sira lakoni iku.”

Istilah nyambut damel/makarya menika ing sak lebeting Al Qur’an wonten pemanggih saha konsep ingkang gayutan kalih makarya menika, kados dene kalimat kasaba lan ‘amala.  Wondene ing sanes ayat dipun aturaken mekaten,

أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنٗاۖ فَإِنَّ ٱللَّهَ يُضِلُّ مَن يَشَآءُ وَيَهۡدِي مَن يَشَآءُۖ فَلَا تَذۡهَبۡ نَفۡسُكَ عَلَيۡهِمۡ حَسَرَٰتٍۚ إِنَّ ٱللَّهَ عَلِيمُۢ بِمَا يَصۡنَعُونَ 

Jawinipun, Mula apa wong kang wus dipaeka (syaitan) kang nganggep yentha pakaryan ala, nuli deweke ngeyakini nek kuwi mau pakaryan kang apik (padha karo wong kang ora isa diapusi syetan)? Mula sak temene Allah kang paring sasar marang kang dituju lan parong pituduh marang di kersak-ake; mula  aja pisan pisan sira padha rusak amarga sedih marang wong wong akeh iku. Sak temene Allah iku Maha Pirsa apa wae  kang wong wong akeh iku padha dilakoni.  (QS Fatir : 8).

Adedasar kalih ayat ing nginggil sampun nedahaken bilih ing piwucal agami  Islam sedaya umat manungsa menika supados kagungan pakaryan, pramila menapa kemawon pakaryan kasebat, ingkang lajeng   tuwuh kadosdene barang saha jasa kagem nyekapi kabetahan gesang ing madyaning masyarakat. Nyambut damel menika minangka darmaning tiyang gesang supados tuwuh sejahtera, bahagia, ayom ayem, toto titi tentrem, ing madyaning masyarakat. Kalebet mindak-ipun harkat saha martabat  minangka jejering jalma manungsa. Ateges islam mboten ngepareng-aken tiyang menika dados pengangguran.

Jamaah Jum’at yang dirahmati Allah

        Ing madyaning patembayan saha kerjasama estu bilih sedaya fihak (majikan/PT/Pengusaha kalih buruh), kedah nindak-aken  hak, fungsi saha kewajiban kanthi ingkang sae. Mboten kepareng sewiji dhateng sewenehipun menika nindak-aken lampah dlolim. Pramila agami islam  paring paugeran utawi prinsip-prinsip ingkang kedah dipun tindak-aken inggih menika,

Prinsip ingkang sepisan : Prinsip Lung Tinulung

 Perkawis menika sampun miderek dhawuh Allah ing QS al Maidah ayat 2 mekaten,

وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ 

Jawinipun, lan padha lung tinulung sira kabeh ing agawe amal kebecikan lan taqwa, lan aja pisan pisan lung tinulung ing nglakoni dosa lan memungsuhan. Lan padha takwa-a sira kabeh marang Allah, sak temene siksane Allah iku banget abot-e. 

Ing sak lebeting Hadits Qudsi Allah sampun dhawuh :

يَا عِبَادِى إِنِّى حَرَّمْتُ الظُّلْمَ عَلَى نَفْسِى, وَجَعَلْتُهُ بَيْنَكُمْ مُحَرَّمًا فَلاَ تَظَالَمُوا

Jawinipun ‘Sak temene Ingsun wus ngaram-ake tingkah dzalim marang awake dewe, lan Ingsung uga ngaram-ake marang sira kabeh, mula aja padha dzalim.”  (HR Muslim)  

Bilih minangka majikan kagungan jejibahan kedah paring upah miderek perjanjian, kepara wonten dhawuh supados paring upah menika sak derenge garing kringetipun.  Kosok wangsulipun minangka pekerja utawi buruh inggih kedah ugi nyambut damel kanthi sae ,  tanggel jawab  saha amanah. Sedaya kedah sami ngugemi ing hak saha kewajibanipun.

Prinsip kaping kalih :  Raos Keadilan (al-‘adalah)

Keadilan menika estu perkawis ingkang linangkung wigatos ing madyaning gesang lan panggesangan sedaya umat manungsa sak ngalam donya menika. Hal menika supados hak, kewajiban saha kehormatan minangka jejering manungsa tansah saged dipun ayahi ing madyaning masyarakat. Allah sampun paring dhawuh ing sak lebeting Surat Al Hadid ayat 25 mekaten,

لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ

Jawinipun, Sak temene Ingsun wus ngutus utusan utusan Ingsun kanthi nggawa bukti-bukti kang nyata lan Ingsun wus nurun-ake marang wong akeh iku Al Kitab lan neraca (keadilan) supaya manungsa bisa nglakoni njejeg-ke rasa adil.

Ing ayat menika paring piwucal bilih supados gesang menika saged sae, kedah wonten prinsip keadilan ingkang konjem ing madyaning gesang saha panggesangan umat manungsa. Pramila sak mangke badhe tuwuh saling bantu biyantu bot repoting setunggal saha sewenehe, ingkang kiyat mbantu ingkang nembe sekeng, ingkang kacekap mbantu ingkang miskin lan sak lajengipun. Kanthi rukun saha ihlas sedaya sami ngupadi amrih jejeging raos adil ing madyaning masyarakat. Kalebet jejeging raos adil ing tata laksana produksi barang, pendistribusian ugi pemanfaatan.

Prinsip kaping tiga: akad perjanjian jelas saha “transparansi” upah.

Islam estu paring pamawas ing  masalah akad menika, hal menika kalebet saweneh saking perkawis ingkang wigatos, amrih saged gesang sistim perekonomian. Pramila bilih saben saben tiyang kedah nindakaken jejibahan miderek perjanjianipun (kontrak kerja), kalebet ingkang gayutan kalih upah, jam kerjanipun, lan sak panunggilipun. Akad perjanjian kedah dipun damel  minangka sarana kagem mekonah pakaryan saha hubungan patembayan antawisipun pekerja kalih majikanipun. Satemah saged ketingal cetho pundi hak saha kewajiban majikan mekaten ugi hak saha kewajiban buruh/ karyawan. Kalebet bilih perjanjian kasebat ugi mboten nerak wewaler agami saha negari.  Allah sampun paring pranatan ingkang sampun kaserat ing sak lebeting Surat Al Baqarah ayat 282, Mekaten ugi ing hadits kanjeng Nabi r sampun ngendika :

وَالْمُسْلِمُوْنَ عَلَى شُرُوْطِهِمْ إِلاَّ شَرْطًا حَرَّمَ حَلاَلاً أَوْ أَحَلَّ حَرَامًا

Ingkang jawinipun :“wong Islam iku terikat karo syarat syarat perjanjian-ne, kejaba syarat kang ngaram-ake kang halal utawa ngalal-ake kang haram.” (HR Tirmidzi seka Abu Amir Al Aqli).

Prinsip kaping sekawan :  tansah saling tanggel jawab

Ing sak lebeting pakaryan menika estu dipun betahaken karyawan ingkang tanggeljawab, mila dipun betahaken ingkang kagungan kekiyatan, keahlian, sehat pideksa saha jujur. Kados Allah I sampun paring dhawuh ing QS. al Qasas ayat 26 mekaten,

قَالَتْ إِحْدَاهُمَا يَا أَبَتِ اسْتَأْجِرْهُ ۖ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ

Jawinipun, “Sewiji seka wanudya sak kloron iku ana kang ngucap: “duh kanjeng rama, mugi panjenengan ndadosaken tiyang jaler menika minangka karyawan, amarga sak temene kang paling pantes minangka karyawan hiya wong kang kuat lan isoh dipercaya “.

Prinsip kaping gangsal : kebebasan ing saklebeting nindaken pengibadahan saha unggah ungguh.

Tenaga kerja utawi buruh, kedah dipun paring wekdal kangge nindak-aken pengibadahan miderek keyakinanipun. Menawi tanda ajakan kagem nindak-aken jejibahan sampun wekdalipun, inggih lajeng rehat rumiyin kagem nindakaken jejibahan kasebat. Kalebet wonten wekdal husus kagem persiapan rikala badhe nindak-aken sholat jumat, Allah I sampun ngendika ing QS al-Jumu’ah ayat 9 mekaten,

يَٰٓأَيُّهَا ٱلَّذِينَ ءَامَنُوٓاْ إِذَا نُودِيَ لِلصَّلَوٰةِ مِن يَوۡمِ ٱلۡجُمُعَةِ فَٱسۡعَوۡاْ إِلَىٰ ذِكۡرِ ٱللَّهِ وَذَرُواْ ٱلۡبَيۡعَۚ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ 

Jawinipun, Hai wong wong kang padha iman, nalika didangu supaya nindak-ake shalat Jum’at, mila enggal enggal eling  marang Allah lan tinggalen dol tinuku, hiya kang koyo mengkono iku luwih becik yen sira padha mangerti. 

Kanggenipun tiyang islam wonten jejibahan ingkang kedah dipun tindak-aken inggih menika Sholat Jum’at, mila hak nindakaken jejibahan menika kedah dipun paringaken, kalebet ugi jejibahan jejibahan sanesipun, mliginipun dhateng pekerja wanita.

Jamaah SholatJum’ah ingkang minulya

Mekaten ingkang saged dipun aturaken gegambaran saha prinsip prinsip supados sesambetan anatawisipun buruh kali majikan menika saged harmonis, satemah saged angsal hasil ingkang maksimal . mugi mugi Allah tansah paring mangunah saha barakah, satemah tansah pinanggih ing sukses ing sedayanipun. Amiin

أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah kaping kalih

اَلْحَمْدُ لِلَّهِ الَّذِيْ أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَكَفَى بِاللَّهِ شَهِيداً.  أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمِّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ، اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ. اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.  رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

Dening : Ustadz Drs. H. Imron Rosyid

Naskah Lengkap bisa di download disini

Silakan gabung Group WhatsApp