Asas Ibadah Inggih  (Ma’rifatullah)

Khutbah Sepisan

اَلْحَمْدُ ِللهِ الًّذِى خَلَقَ الْاِنْسَانَ فِي أَحْسَنِ تَقْوِيْمِ وَالَّذِيْ هَدَانَا لِطَرِيْقِهِ الْقَوِيْمِ وَفَقَّهَنَا فِي دِيْنِهِ الْمُسْتَقِيْمِ. أَشْهَدُ أَنْ لآاِلهَ إِلّاَ اللهُ وَحْدَهُ لاَشَرِيْكَ لَهُ شَهَادَةً تُوْصِلُنَا إِلَى جَنَّاتِ النَّعِيْمِ وَتَكُوْنُ سَبَبًا لِلنَّظَرِ لِوَجْهِهِ الْكَرِيْمِ. وأَشْهَدُ أَنْ مُحَمَّدًا عَبْدُهُ وَرَسُوْلُهُ النَّبِىُ الرَّؤُفُ الرَّحِيْمُ صَلَّى اللهُ وَسَلَّمَ عَلَى مُحَمَّدٍ وَعَلَى اَلِهِ وَأَصْحَابِهِ أُوْلِى الْفَضْلِ الْجَسِيْمِ.

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، أُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ، قَالَ اللهُ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ

Jamaah Jum’at rahimakumullah

Puja puji pangalembana saha  Syukur tansah ka-aturaken dhumateng Allah I. Shalawat saha salam mugi tansah kaaturaken dhumateng Nabi Muhammad r lumeber garwa putra  sahabat tabiin tabiit saha sedaya para pennderek-ipun dumugi akhir zaman.

Mboten kesupen mangga sareng sareng tansah ngupadi amrih mindakipun raos iman saha taqwa dhumateng Allah I. Inggih kanthi taqwa samangke badhe pikantuk kaluhuran, kamulyan ing ngalam donya ngantos dumugi ing akhirat.

Jamaah jum’at rahimakumullah

Estu bilih tujuan gesang manungsa ingkang linangkung utami inggih namung manembah dhumateng Allah I.  Inggih kanthi pangertosan manembah menika tansah taat saha patuh dhumateng Allah I. Siaga manungkul manungsa dhumateng dzat ingkang murbeng dumadi menika, kalebet  tunduk, tumungkul sadar, bilih sedaya obah mosiking sedaya mahluq menika, mboten saged uwal saking sunnatullah, utawi hukum hukum sebab akibat, saking sang kholiq inggih Allah I. Kejawi saking menika Allah I ugi nyuwun, tanggeljawab syar’iyah, inggih arupi sedaya manungsa menika, kedah patuh nindak-aken pengibadahan ingkang sampun dipun atur  ing  pranatan agami. Allah I sampun paring dhawuh mekaten :

وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ

Jawinipun : “lan ingsun ora nitahke jin lan manungsa kejaba supaya deweke padha nyembah manembah marang Ingsun  ” (QS. Adz-Dzariyat: 56)

Dhawuh supados ngibadah  saking Allah I menika kedah kula lan penjenengan tindak-aken kathi estu estu, ihlas saha kanthi sadar tunduk tumungkul. Hal menika ingkang samangke saged nuwuh-aken raos kapitadosan keimanan ingkang leres, satemah tuwuh ugi raos ma’rifatullah.  Kanthi ma’rifatullah ingkang estu estu, fa insyaallah, nindak-aken pangibadahan menika kraos nikmat, saha mboten awrat.

Jamaah jum’at rahimakumullah

Supados kapitadosan ma’rifatullah kasebat saged konjem ing  manah, wonten hal hal ingkang saged kula lan penjenengan lampahi, inggih menika :

Sepisan, mawas dhateng ayat ayat kauniyah. Ringkesing rembag bilih menawi wonten mahluq  kedah wonten Khaliq.  Pramila Allah minangka al-Kholiq wajibul wujud (inggih Pangripta menika kedah wonten), wujud makhluq menika saged maujud, inggih amargi wonten ingkang damel, wonten ingkang ngripta, inggih sang kholiq utawi Allah I. Saking menika menawi wonten pemanggih bilih sewiji wiji menika maujud, amargi maujud piyambak, menika estu pemanggih ingkang keblinger, saha mboten mawi dasar ingkang leres. Jalaran menapa….?, inggih sedaya ingkang wonten ing ngalam donya menika sedaya dipun ripta, dipun damel Allah I, sang kholiq. Ing mriki kula lan penjenengan sedaya kedah saged mendet piwucal kanthi hadir-ipun raos ma’rifatullah. Allah I paring dhawuh :

إِنَّ فِي خَلۡقِ ٱلسَّمَٰوَٰتِ وَٱلۡأَرۡضِ وَٱخۡتِلَٰفِ ٱلَّيۡلِ وَٱلنَّهَارِ لَأٓيَٰتٖ لِّأُوْلِي ٱلۡأَلۡبَٰبِ 

Jawinipun : “Setuhune ing penciptaan langit lan bumi lan gilir gumantine awan lan wengi, ing kono (ana tanda tanda kekuasaane Allah)  kanggo wong wong kang nggunak-ake akale”(QS. Ali Imran: 190).

Kejawi saking menika menawi kula lan penjenengan menggalih kanthi estu estu, bilih ing awak kula lan penjenengan sedaya menika wonten tanda yekti, saha saged dipun raosaken  piyambak piyambak.  Allah ngendika mekaten :

وَفِىٓ أَنفُسِكُمْ ۚ أَفَلَا تُبْصِرُونَ

 Jawinipun : “lan semono uga ing awakmu dewe, apa sira ora ndulu?” (QS azzariyat  ayat  22).

Syaikh Wahbah az-Zuhaili, ngaturaken makna ayat menika, bilih panjenengane ngaturaken mekaten : “ ing sak jerone awak iki ana susunan urat saraf, kang iku kabeh dadi tanda yekti, kang nuduhake maha kuasa  lan maha esa Allah I”

Kaping kalih, mawas dhateng ayat-ayat Qur’aniyah. Ing sak lebeting al Qur’an Allah I sampun paring piwucal saha khabar , perkawis Allah niku sinten.  Mangga dipun simak saking surat al-Ikhlash ayat 1-4 mekaten :

قُلۡ هُوَ ٱللَّهُ أَحَدٌ  ١ ٱللَّهُ ٱلصَّمَدُ  ٢ لَمۡ يَلِدۡ وَلَمۡ يُولَدۡ  ٣ وَلَمۡ يَكُن لَّهُۥ كُفُوًا أَحَدُۢ  ٤

Jawinipun: Matura  (Muhammad), “panjenengane Allah yaiku kang Maha Esa’. Allah papan tujuan kabeh pinyuwunan.  (Allah) ora peputra uga ora dianak-ke, lan ora anak sewiji-wiji kang sebanding karo penjenengane”

Sak menika langkung terwaca malih, bilih kanthi maos ayat-ayat qur’aniyah, kula lan penjenengan sedaya samangke badhe mahami saha mangertosi sinten tha Allah I niku, wiwit saking asma-asma- nipun, sifat-sifat-ipun, mekaten ugi sedaya dhawuh dhawuh saha awisan awisan-ipun.

Kaping tiga, tuwuh kesadaran bilih wonten perkawis linangkung utami inggih menika manembah dhumateng Allah I.  Pramila mboten wonten ingkang haq dipun sembah kejawi mligi namung Allah I. Inggih Allah I ugi ingkang sampun maringi, dhumateng sedaya umat menungsa sak jagad menika, kanthi fasilitas ingkang jangkep kangge gesang.Allah I paring dhawuh mekaten :

يَٰٓأَيُّهَا ٱلنَّاسُ ٱعۡبُدُواْ رَبَّكُمُ ٱلَّذِي خَلَقَكُمۡ وَٱلَّذِينَ مِن قَبۡلِكُمۡ لَعَلَّكُمۡ تَتَّقُونَ  ٢١ ٱلَّذِي جَعَلَ لَكُمُ ٱلۡأَرۡضَ فِرَٰشٗا وَٱلسَّمَآءَ بِنَآءٗ وَأَنزَلَ مِنَ ٱلسَّمَآءِ مَآءٗ فَأَخۡرَجَ بِهِۦ مِنَ ٱلثَّمَرَٰتِ رِزۡقٗا لَّكُمۡۖ فَلَا تَجۡعَلُواْ لِلَّهِ أَندَادٗا وَأَنتُمۡ تَعۡلَمُونَ  ٢٢

Ingkang jawinipun kirang langkung mekaten : “Hai manungsa! Padha nyembah-o marang Allah hiya Rabb-mu, Allah kang wus nitahke sira lan wong wong sak durunge sira supaya sira padha taqwa. hiya panjenengane kang wus ngripta bumi  minangka hamparan kanggo sira, lan langit minangka eyup-eyup, lan  panjenengane kang wus paring banyu udan seko langit, nuli panjenengane damel seko banyu udan iku mau serupane woh wohan minangka rizki kanggo sira kabeh, mula saka iku aja pisan pisan sira gawe sekuton marang Allah, sira ngerti ing perkara iki.  (QS. Al-Baqarah: 21-22)

Imam Ibnu Katsir r ngaturaken mekaten :

الْخَالِقُ لِهَذِهِ الْأَشْيَاءِ هُوَ الْمُسْتَحِقُّ لِلْعِبَادَةِ

Jawinipun :“ kang agawe iki kabeh yaiku dzat kang haq di ibadahi.”

Estu kathah menapa kemawon ingkang sampun dipun ripta Allah I, pramila tangeh lamun menawi manungsa saged damel, kadosta wiyaripun seagra, saha inggilipun langit ingkang mboten mawi saka,  paring jawah kangge nuwuhaken sedaya tetuwuhan ing ngalam donya menika, kalebet gilir gumantosing siang saha ratri, taksih linangkung kathah ngantos saged dipun sebat wonten mriki.  Perkawis perkawis menika nedahaken bilih sedaya mahluq, ingkang endah edi peni menika, sedaya kagungan saha hasil paripta Allah I, pengeran ingkangdipun taati saha  haq dipun sembah.

Jamaah jum’at rahimakumullah

Kesadaran kula lan penjenengan awit maujud-ipun Allah I, saha  pengertosan bilih wonten kewajiban ingkang linangkung  utami, ing panggesangan menika inggih supados  tunduk patuh, ibadah dhumateng  Allah I, satemah dadosaken manembah dhumateng Allah menika kraos gampil saha mboten awrat.  Mboten wonten kraos panyandang awrat, awit sedaya dhawuh dhawuh ibadah ingkang sampun dipun wajib-aken saking ngarsanipun Allah I.

Mugi mugi Allah I kepareng paring sih nugraha, kela lan penjenengan sedaya menika, dados ewonipun kawula  ingkang leres kapitadosan tauhid-ipun, saha dipun paringi gampil, gansar, nindak-aken sedaya pangibadahan dhumateng Allah I, aamiin.

باَرَكَ اللهُ لِيْ وَلكمْ فِي القُرْآنِ العَظِيْمِ، وَنَفَعَنِيْ وَإِيّاكُمْ بِالآياتِ والذِّكْرِ الحَكِيْمِ. إنّهُ تَعاَلَى جَوّادٌ كَرِيْمٌ مَلِكٌ بَرٌّ رَؤُوْفٌ رَحِيْمٌ

Khutbah Kaping Kalih

اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ

أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ. اَللَّهُمَّ أَصْلِحْ لَنَا دِيننَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ.  رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

 عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ

Dening : Ustadz Firdaus Arifulloh, S.Pd.I., M.H.

Naskah Lengkap bisa di download disini

Silakan gabung Group WhatsApp