Damel Ngrembakanipun “Profesi”

Khutbah Sepisan

ٱلۡحَمۡدُ لِلَّهِ رَبِّ ٱلۡعَٰلَمِينَ  ٱلَّذِيٓ أَنزَلَ ٱلسَّكِينَةَ فِي قُلُوبِ ٱلۡمُؤۡمِنِينَ لِيَزۡدَادُوٓاْ إِيمَٰنٗا مَّعَ إِيمَٰنِهِمۡۗ وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا. أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمّ صَلِّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن.

اَمَّا بَعْدُ : فَيَا عِبَادَ اللَّهِ، اُوْصِي بِنَفْسِي وَاِيَّا كُمْ بِتَقْوَى اللَّهِ، اِتَّقُوْااللَّهَ  لَعَلَّكُمْ تُفْلِحُوْنَ، قَالَ اللَّهُ تَعَالَى فِي الْقُرْاَنِ الْكَرِيْمِ : يَأَ يُّهَا الَّذِيْنَ ءَامَنُوْا إِذَا نُودِيَ للِصَّلَوةِمِنْ يَوْمِ الْجُمُعَةِ فَاسْعَوْا اِلَى ذِكْرِاللهِ وَذَرُوا الْبَيْعَ ,ذَلِكُمْ خَيْرٌ لَّكُمْ اِنْ كُنْتُمْ تَعْلَمُنَ

Hadirin Jamaah Jum’at Rahimakumullah

Puji saha syukur mangga tansah konjuk dhumateng Allah I, Rabb ingkang maha kawasa paring gesang saha pejah, dhateng sedaya makhluq-makhluq-ipun, ugi paring rahmat sih nugraha dhumateng sinten kemawon ingkang dipun kersak-aken piyambakipun.  Shalawat saha salam mugi tansah kaaturaken dhumateng Nabi Muhammad r, nun inggih suri tauladan kagem  umat manungsa ing panggesangan menika. Saklajengipun mangga tansah mbudidaya amrih mindak-ipun raos iman saha taqwa dhumateng Allah I, kanthi taqwa kula lan penjenengan badhe angsal gesang ingkang minulya ing donya ngantos ing akhirat samangke.

Hadirin Jamaah Jum’at Rahimakumullah

        Allah I sampun ngripta manungsa minangka  khalifatullah fil ardh utawi damel makmur ing sak lumahing bumi, ugi dipun kanthi mawi “potensi” ingkang jangkep saha kathah, supados saged nyembadani jejibahan utawi amanah  kasebat. Pramila saking menika manungsa kedah saged ngemonah kanthi estu estu supados sedaya “potensi” ingkang wonten menika saged linangkung sae saha murakabi dhateng sedaya umat manungsa.  Dhawuh saking Allah I dhumateng sedaya umat manungsa menika supados sami ikhtiyar kagem ngrembakanipun “profesi saha Potensi”,  satemah saged hasil maksud tuwuhipun ayom ayem tata titi tentrem gemahripah loh jinawi kerta raharja baldatun thyibatun warabbun ghofur. Nyambut damel supados ngrembakanipun “potensi” saha “profesional” menika kedah dipun tindak-aken. Ing  Al Qur’an surat An Naba’ ayat 11 Allah I paring dhawuh,

وَجَعَلْنَاالنَّهَارَمَعَاشًا

Jawinipun : “lan ingsun Allah wus ngripta wektu awan iku dinggo golek pangupa jiwa (nyambut gawe).”

Ayat menika paring piwucal bilih Allah I paring dhawuh dhumateng sedaya umat manungsa supados nyambut damel saha damel ngrembakanipun profesi, supados angsal hasil ingkang linangkung sae saha “maksimal”. Ewa semanten piwucal ing agami islam  menika bilih muslim menika gesang  mboten namung pados arta banda, ananging wonten jejibahan sanes minangka khalifah ing lumahing bumi, sedaya sampun wonten hak saha kewajiban ingkang kedah tanggeljawab ing ngarsanipun Allah I. Saweneh pranatan pranatan ingkang kedah dipun gatosaken ing babagan damel ngrembakanipun profesi utawi pakaryan antawisipun inggih menika:

Sepisan, Damel ngrembaka profesi kedah selaras kalih kompetensi

Etos kerja saged dipun pirsani inggih rikala nembe nindak-aken jejibahan pakaryan kasebat selaras kalih bidang saha “kompetensi”-nipun. Tiyang ingkang makarya selaras kalih “kompetensi”nipun,  badhe angsal hasil ingkang linangkung sae saha “optimal”. Kosok wangsulipun menawi makarya namung asal asalan saha sanes ahlinipun, inggih namung badhe angsal hasil ingkang mboten jangkep kepara namung baul saha kapitunan. Pramila saking menika estu bilih sedaya jejibahan pakaryan menika kedah kagungan keahliah khusus utawi “kompetensi”.  Allah I sampun paring dhawuh ing Al Qur’an surat Yusuf ayat 55 mekaten,

قَالَ اجْعَلْنِيْ عَلَى خَزَآءِنِ الْاَ رْضِ , اِنِّيْ حَفِيْظٌ عَلِيْمٌ

Jawinipun: piyambak-e (Yusuf) ngendika : “dadek-na ingsun minangka bendaharawan negeri (Mesir) amerga sak temene ingsun iku luweh pinter njaga lan ngerti (tata laksana ekonomi keuangan).”

Miderek  tafsir Al Muyassar dipun aturaken bilih Yusuf u nyuwun saweneh jabatan menika inggih jalaran ngengeti kawontenan bilih namung piyambakipun ingkang kagungan keahlian utawi “kompetensi” ing pakaryan kasebat. Pramila kanthi keahlian kasebat samangke badhe angsal hasil ingkang maksimal saha linangkung sae, saged paring manfaat linangkung wiyar kagem umat manungsa sedaya. Hal menika paring pitedah ing kasus kasus ingkang tertemtu, bilih menawi wonten setunggal tiyang ingkang nyuwun jabatan, kanthi kagungan keahlian linangkung saha “kompetensi”, saha mumpuni ngemban jejibahan kasebat, estu bilih jejibahan kasebat kedah dipun paring-aken dhateng piyambakipun, satemah samangke badhe angsal hasil ingkang linangkung sae, manfaati dhateng tiyang kathah, saha saged njagi amanah. Saking ibunda Aisyah i Rasulullah r nate ngendika mekaten,

اِنَّ اللهَ تَعَلَى يُحِبُّ إِذَا عَمِلَ أَحَدُكُمْ عَمَلاً أَنْ يُتْقِنَهُ

              Jawinipun: “ Sak temene Allah I nresnani pawongan kang nalika nyambut gawe, deweke nyambut gawe kang profesional.” (HR Thabrani dan Baihaqi).

Pramila saking menika bilih keahlian utawi kompetensi menika saweneh saking perkawis ingkang estu estu wigatos. Setunggal “profesi” utawi jejibahan pakaryan menika badhe angsal hasil ingkang “optimal”, menawi ipun astho tiyang ingkang kagungan keahlian saha kompentesi.

Jamaah Jum’at Rahimakumullah

Kaping Kaih, Kagem damel ngrembakanipun “profesi” kedah miderek prinsip halalan thayyiban

         Allah I sampun paring dhawuh supados tansah njagi diri pribadi, mugi menapa kemawon ingkang dipun dahar saha unjuk menika kalebet ingkang halal saha thoyib, kados ingkang sampun kaserat ing  Al Qur’an surat An Nahl ayat  114 mekaten,

فَكُلُواْمِمَّا رَزَقَكُمُ اللهُ حَلَلاً طَيِّبًا وَاشْكُرُوانِعْمَتِ اللهِ إِنْ كُنْتُمْ إِيَّاهُ تَعْبُدُونَ

        Jawinipun : “padha mangan-a sira kabeh kang halal lan apik saka rizki kang wus diparing-ake Allah marang sira, lan padha syukur-a  nikmat Allah yenta sira temen manembah marang Allah.”

         Ayat menika paring pangemut dateng kula lan penjenengan sedaya  bilih kagem damel ngrembakanipun profesi, kedah tansah nengenaken ing nilai-nilai halalan thayyiban. Hal menika estu wigatos supados bilih sedaya ingkang dipun tindak-aken menika kalebet rezeki ingkang halaan thayyiban, kedah dipun mangertosi ugi bilih hal menika gegayutan kalih keberkahan rezeki ingkang kula lan penjenengan tampi.

Kaping Tiga, Damel ngrembakanipun profesi, ampun ngantos nglirwak-aken shalat  saha zakat.

Sinaosa ribet kados pundi kemawon, nembe ngayahi jejibahan, sampun ngantos supe dhumateng Allah, semanten ugi inggilipun semangat ngantos makantar-kantar rikala ngayahi pakaryan, ananging sampun ngantos nilar kewajiban shalat. Allah I sampun paring dhawuh mekaten,

يَأَ يُّهَا الَّذِيْنَ ءَامَنُوْا إِذَا نُودِيَ للِصَّلَوةِ مِنْ يَوْمِ الْجُمُعَةِ فَاسْعَوْا اِلَى ذِكْرِاللهِ وَذَرُوا الْبَيْعَ ,ذَلِكُمْ خَيْرٌ لَّكُمْ اِنْ كُنْتُمْ تَعْلَمُنَ

        Jawinipun: “Wahai wong wong kang padha iman  yen didangu supaya ngedek-ake shalat jumat, prayoga age age sira eling marang Allah, lan tinggalen dol tinuku. Kang mengkono iku luweh apik kanggo sira Yen sira padha ngerti  .” (QS. Al Jumu’ah : 9)

         Ayat menika paring pemut bilih  dol tinuku/bisnis, pakaryan saha reribet ing ngalam donya menika, sampun ngantos damel kula lan penjenengan sedaya, lajeng nglirwak-aken jejibahan shalat gangsal wekdal. Pramila saking menika menawi kula lan penjenengan kagungan gegayuhan ingkang inggil supados profesi linangkung saged tuwuh ngrembaka,  kedah tansah njagi shalat. Pramila menawi sampun angsal hasil saking jejibahan pakaryan kasebat, kedah kanthi ihlas, saweneh gaji menika dipun pendhet kagem shadaqah saha zakat menawi sampun nyekapi haul saha nishob-ipun. Ing sak lebeting Al Qur’an surat An Nur ayat : 37 Allah I sampun paring dhawuh,

رِجَالٌ لَّا تُلْهِيهِمْ تِجَٰرَةٌ وَلَا بَيْعٌ عَن ذِكْرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِ ۙ يَخَافُونَ يَوْمًا تَتَقَلَّبُ فِيهِ ٱلْقُلُوبُ وَٱلْأَبْصَٰرُ

         Jawinipun: “wong kang ora dilalek-ake amarga ketungkul dol tinuku, hiya tetep elin g Allah, nglakoni shlat lan weweh zakat. Wong wong iku padha wedi ana ing dina kang ati lan pandulu padha horek ya iku (dina qiyamat).”

Jamaah Jum’at rahimakumullah

         Taksih kathah ayat ayat ing sak lebeting Al Qur’an ingkang paring khabar bilih perkawis dhawuh shalat ingkang sambung langsung kalih dhawuh supados ngedalaken zakat. Kanthi mekaten bilih  ngedalaken zakat, infaq saha shadaqah menika perkawis ing wigatos ingkang kedah dipun jagi. Kalebet njagi inggih lajeng purun syukur dhumateng Allah I.

         Mekaten khutbah Jum’at ing wekdal menika, mugi manfaat saha damel piwucal kangge damel ngrembakanipun profesi ing samudayanipun.

بَارَكَ اللهُ لِي وَلَكُمْ فِى الْقُرْاَنِ الْعَظِيْمْ وَنَفَعَنِيْ وَاِيَّاكُمْ بِمَافِيْهِ مِنَ الْاَيَاتِ وَالذِّكْرِ الْحَكِمْ وَتَقَبَّلَ مِنِّى وَمِنْكُمْ تِلَاوَتَهُ اِنَّهُ هُوَالسَّمِيْعُ الْعَلِيْم

Kutbah Kaping Kalih

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللهُ، أَشْهَدُ أنْ لَا إلَهَ إلا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عبْدُه ورَسُولُه. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ، إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ إِنَّكَ حَمِيْدٌ مَجِيْدٌ،  اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ, اَللَّهُمَّ اغْفِرْ لَنَا وَلِوَالِدِيْنَا وَارْحَمْهُمَا كَمَا رَبَّيَانَا صِغَارًا, اَللَّهُمَّ أَعِنَّا عَلَى ذِكْرِكَ وَشُكْرِكَ وَحُسْنِ عِبَادَتِكَ, رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِيْنَ إِمَامًا, رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ, رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ

Dening : Ustadz Karwanto, S.Pd

Naskah Lengkap bisa di download disini

Silakan gabung Group WhatsApp