Khutbah Idul Adha 1445 H Bahasa Jawa : Hikmah Qurban

السَّلامُ عَلَيْكُمْ وَرَحْمَة الَّلهِ وَبَرَكَا تُهُ

ٱلۡحَمۡدُ لِلَّهِ ٱلَّذِيٓ أَنزَلَ عَلَىٰ عَبۡدِهِ ٱلۡكِتَٰبَ وَلَمۡ يَجۡعَل لَّهُۥ عِوَجَاۜ . قَيِّمًا لِّيُنذِرَ بَأۡسًا شَدِيدًا مِّن لَّدُنۡهُ وَيُبَشِّرَ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرًا حَسَنًا.

أَشْهَدُ أَنْ لآَّ إِلَهَ إلاَّ اللهُ وَحْدَهُ لاَ شَرِ يْكَ لَهُ. وَأَشْهَدُ أَنَّ مُحَمَّدًا عَبْدُهُ وَرَسُوْ لُهُ لاَ نَبِيَّ بَعْدَهُ. أَللَّهُمَّ صَلِّ عَلىَ مُحَمَّدٍ وَعَلىَ أَلِهِ وَأَصْحَا بِهِ أَجْمَعِيْنَ. أَمَّا بَعْدُ : أَيُّهَا الْمُؤْمِنُوْنَ أُوْصِيْكُمْ وَنَفْسِىْ بِتَقْوَى اللَّهِ فَقَدْ فَازَالْمُتَّقُوْنَ. قَالَ اللهُ تَعَالَى فِي اْلكِتَابِهِ اْلكَرِيْمِ :  إِنَّآ أَعۡطَيۡنَٰكَ ٱلۡكَوۡثَرَ ١  فَصَلِّ لِرَبِّكَ وَٱنۡحَرۡ ٢  إِنَّ شَانِئَكَ هُوَ ٱلۡأَبۡتَرُ ٣

اَللهُ أَكْبَرُ اَللهُ أَكْبَرُ، لاَ إِلَهَ إِلاَّ اللهُ وَاللهُ أَكْبَرُ، اَللهُ أَكْبَرُ وَلِلَّهِ اْلحَمْدُ

Jama’ah Kaum Muslimin Rahimakumullah,

Langkung rumiyin mangga kita kunjuk syukur kepada  Allah I, awit nikmat paringan-ipun Allah I, utaminipun Iman, Islam lan Kesehatan badan kita, satemah kita sedaya saget indak-aken kewajiban ibadah dateng Allah I saha kewajiban gesang ing alam praja menika.

Shalawat lan salam mugi kaparing-aken dhateng Nabi panutan kita Rasulullah Muhammad r, keluarga, shahabat lan sedaya ummat-ipun kalebet kita sedaya amin-amin yaa rabbal ‘alamin.

Ing wekdal ingkang sae menika,  mangga penjenengan sedaya lan kula, tansah mbudidaya supados mindak raos taqwa dhumateng Allah ing sadengah wekdal saha panggenan. Pramila saking menika sampun ngantos tilar donya kanthi kahanan suul khotimah, wafat kanthi mboten mbekta iman saha taqwa. Mumpung taksih wonten wekdal, mangga sami muhasabah linafsih,  sampun sepinten saha kados pundi, penjenengan sedaya lan kula, ing babagan taqwa menika, saged kajiwa kasarira ing madyaning gesang.

اَللهُ أَكْبَرُ اَللهُ أَكْبَرُ، لاَ إِلَهَ إِلاَّ اللهُ وَاللهُ أَكْبَرُ، اَللهُ أَكْبَرُ وَلِلَّهِ اْلحَمْدُ

Jama’ah Aidin wal Aidat Rahimakumullah,

     Ing enjang menika sedaya ummat Islam sak indenging bawana samya makempal ing tanah lapang,  saha masjid-masjid kagem maos  takbir, tahmid dan tahlil, pinangka wujud raos syukur, kinanthenan do’a lan panyuwunan mugi sedaya rakaian amal ibadah qurban kita, tansah tinampi dening Allah I, amin-amin yaa rabbal ‘alamin.

     Ing dinten menika Ummat Islam nanjihaken raos syukur kanthi mragat (nyembelih) hewan qurban, pinangka nindak-aken perintah Allah I ing QS. Al Kautsar : 1- 3

إِنَّآ أَعۡطَيۡنَٰكَ ٱلۡكَوۡثَرَ ١  فَصَلِّ لِرَبِّكَ وَٱنۡحَرۡ ٢  إِنَّ شَانِئَكَ هُوَ ٱلۡأَبۡتَرُ ٣

     Saktemene Ingsun (Allah I) wis paring nikmat kang akeh marang sira; Mula deg-na shalat krana pangeranmu (Allah) lan padha qurban-a; Saktemene wong kang padha sengit marang sira dhewek-e kang bakal kapedotan (barokah).

     Ing antawisipun tafsir ayat menika nun inggih saking ‘Ali bin Abi Thalib saking Ibnu  ‘Abbas, lan ugi pemanggih ‘Atho’, Mujahid lan jumhur (mayoritas) ulama : “padha qurban-a ing dina agung Iedul Adha (yaumun nahr)”. Mekaten ugi dhawuh Allah I ing QS. Al Hajj : 34 :

وَلِكُلِّ أُمَّةٖ جَعَلۡنَا مَنسَكٗا لِّيَذۡكُرُواْ ٱسۡمَ ٱللَّهِ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۗ فَإِلَٰهُكُمۡ إِلَٰهٞ وَٰحِدٞ فَلَهُۥٓ أَسۡلِمُواْۗ وَبَشِّرِ ٱلۡمُخۡبِتِينَ ٣٤

Lan kanggo saben-saben umat  wus Ingsun syari’at-ake nyembelih  (qurban), supaya  dhewek-e nyebut  asma-Ne Allah  marang kewan ternak  kang wus Ingsun paringake rizki marang dhewek-e,  mula Pangeran-mu yaiku Pangeran kang  Maha Esa. Krana iku padha pasrah-a sira kabeh marang Panjenengane. Lan paringana kabar gumbira marang wong-wong kang padha gelem tunduk patuh (marang Allah) (QS. Al-Hajj : 34)

     Dene Rasulullah r paring penget ing Hadist Riwayat Imam Ahmad dan Ibnu Majah:

وَعَنْ أَبِي هُرَيْرَةَ t قَالَ: قَالَ رَسُولُ اَللَّهِ r “مَنْ كَانَ لَهُ سَعَةٌ وَلَمْ يُضَحِّ, فَلَا يَقْرَبَنَّ مُصَلَّانَا” – رَوَاهُ أَحْمَدُ, وَابْنُ مَاجَه, وَصَحَّحَهُ اَلْحَاكِمُ, لَكِنْ رَجَّحَ اَلْأَئِمَّةُ غَيْرُهُ وَقْفَه

    Saking Abu Hurairah t, piyambak-ipun ngendika Rasulullah r paring sabda, “Sak sapa wonge kang nduweni jembar-e (rezeki) lan ora gelem qurban, mula aja padha nyedhak marang papan shalat-ku.” Hadits menika pun riwayat-aken dening Imam Ahmad lan Ibnu Majah. Al Hakim :  “shahih”. Naning ulama sanes ngendika-aken bilih hadits ini mauquf, injih pinangka  ngendikanipun sahabat.

     Idul Adha ingkang ateges dinten nindak-aken qurban malih, nedah-aken pinangka syariat Islam ingkang dipun dhawuh-aken dateng kaum Muslimin, ing satemah Jumhur Ulama sepakat bilih Ibadah Qurban menika pinangka Sunnah Muakad, tegesipun Sunnah ingkang dipun penting-aken saestu.

Jama’ah Kaum Muslimin Rahimakumullah,

أَللَّهُ أَكْبَرُ أَللَّهُ أَكْبَرُ وَلِلَّهِ اْلحَمْدُ

Ibadah qurban ingkang katindak-aken dening kaum Muslimin menika ngandhut hikmah ingkang lebet, ing antawis-ipun :

Sepisan :

Pinangka wujud saking raos syukur awit sedaya paring-ipun nikmat saking Allah I. Dahwuh ipun Allah I ing QS. Ibrahim : 7

وَإِذۡ تَأَذَّنَ رَبُّكُمۡ لَئِن شَكَرۡتُمۡ لَأَزِيدَنَّكُمۡۖ وَلَئِن كَفَرۡتُمۡ إِنَّ عَذَابِي لَشَدِيدٞ ٧

Lan (pada elinga), rikala Pangeran-mu mbiwara-ake ; “Saktemene menawa sira padha syukur (marang Ingsun), mesthi Ingsun bakan nambah (nikmat) marang sira, lan menawa sira padha kufur (marang nikmat-Ku), mula saktemene azab-Ku temen abot”

        Kanthi katah-ipun nikmat ingkang kaparingaken Allah dateng kita sedaya, mila mboten perlu tidha-tidha, kita kedah ngathah-aken raos syukur dhateng Allah I, mugi kanthi kesyukuran kita, nikmat  kita badhe katambah dening Allah I.

Wujud raos syukur menika nun inggih kanthi nindak-aken amal shalih ing dinten  Nahr inggih menika kanthi mragat hewan qurban.

Angka Kalih     :

     Pinangka wujud raos ketaatan kita dhateng Allah I. Rikanten Allah I, dhawuh mila pinangka tiyang ingkang Taqwa , mila kita tindak-aken dhawauh-ipun kanthi kemampuan kita panjenengan sami. Firman Allah QS. Al Ahzab : 36 :

وَمَا كَانَ لِمُؤۡمِنٖ وَلَا مُؤۡمِنَةٍ إِذَا قَضَى ٱللَّهُ وَرَسُولُهُۥٓ أَمۡرًا أَن يَكُونَ لَهُمُ ٱلۡخِيَرَةُ مِنۡ أَمۡرِهِمۡۗ وَمَن يَعۡصِ ٱللَّهَ وَرَسُولَهُۥ فَقَدۡ ضَلَّ ضَلَٰلٗا مُّبِينٗا ٣٦

     Lan ora patut kanggo wong lanang mukmin lan ora patut (uga) kanggo wanita yang mukmin, menawa Allah lan Rasul-E wus netep-ake saweneh perkara , banjur dhewek-e ana (pilihan) liyane babagan urusan-e. Lan sak sapa kang duraka marang Allah lan Rasul-E , mula saktemene dhewek-e wus kesasar kang nyata.

     Ing pramila rikanten Allah I ndhawuh-aken qurban dhateng Nabi Ibrahim u supados mragat Nabi Ismail u, pramila nuli Nabi Ibrahim u tindak-aken, pinangka wujud ketaatan-nipun dhateng Allah I. Mekaten ugi kula panjenengan sami, menawai Allah lan Rasul-ipun dhawuh setunggalipun perkawis, kados supados nindak-aken shalat, shaum, zakat, Haji lan amaliyah shalih sanesipun pramila kita kedah enggal tindak-aken kanthi kemampuan kita sedaya, lan mbten perlu pados pawadan sanes kagem nglirwa-aken dhawuh Allah I  lan Rasul-ipun kala wau.

Angka Tiga :

     Mragat Qurban pinangka ibadah ingkang sanget dipun remeni dening Allah ing dinten Udhhiyah menika. Dhawuh Rasulullah r ing HR Ibnu Majah lan Tirmidzi

عَنْ عَائِشَةَ أَنَّ النَّبِىَّ r قَالَ « مَا عَمِلَ ابْنُ آدَمَ يَوْمَ النَّحْرِ عَمَلاً أَحَبَّ إِلَى اللَّهِ عَزَّ وَجَلَّ مِنْ هِرَاقَةِ دَمٍ وَإِنَّهُ لَيَأْتِى يَوْمَ الْقِيَامَةِ بِقُرُونِهَا وَأَظْلاَفِهَا وَأَشْعَارِهَا وَإِنَّ الدَّمَ لَيَقَعُ مِنَ اللَّهِ عَزَّ وَجَلَّ بِمَكَانٍ قَبْلَ أَنْ يَقَعَ عَلَى الأَرْضِ فَطِيبُوا بِهَا نَفْسًا »

     Saking ‘Aisyah, Nabi r paring sabda, “Ora ana ing dina Nahr (qurban) manungsa nduweni amal kang luwih ditresnani dening Allah I kejaba mbelih hewan Qurban. Dhewek-e (qurban) iku bakal teka ing dina kiamat kanthi sungu,, kuku, rambut-e. Lan saktemene ridhane Allah bakal tekan marang Allah sakdurunge tetesan rah ing bumi, mula padha resik-ana jiwa-mu kanthi kurban.” (HR. Ibnu Majah no. 3126 dan Tirmidiz no. 1493. Hadits menika dhaoif miturut Syaikh Al Albani).

     Saking hadist menika pramila perlu kita gumbira-aken ibadah Qurban, krana ageng-ipun ganjaran dhateng kita ingkang nindak-aken ibadah qurban. Ibadah qurban saget nggigah kebingah-an ibadah , krana caos dhahar daging qurban dhateng kaum Muslimin.

Angka Sekawan :

     Pinangka wujud “kepedulian” kita dhateng sesami. Mragat qurban ingkang saklajengipun daging-ipun saget pun bagi dateng : 1) Fakir miskin;  2) Muktar (tiyang ingkang nyuwun) ; Qoni’ ( tiyang ingkang mbten nyuwun) saha 4) dhateng Shahibul qurban.

     Hikmah saking pembagian daging qurban dateng sesami, badhe nuwuh-aken rumaketing pasederekan saha biwaranipun dakwah kanthi langkung sae ing madyaning jama’ah kaum Muslimin  lan masyarakat umum-ipun. Rasulullah r paring dhawuh :

لَيْسَ الْمُؤْمِنُ الَّذِيْ يَشْبَعُ وَجَارُهُ جَائْعٌ إِلٰى جَنْبِهِ

 Dudu wong Mukmin (kang sempurna), yaiku wong kang dhewek-e ing kahanan wareg, mangka tanggane ing kahanan ngelih wetenge. (HR Bukhari)

Pramila Mukmin ingkang sae mboten namung menggalih-aken diri pribadi namung ugi menggalih-aken dateng tetanggi lan bebrayan agung ing masyarakat, paring bebantu, kepara mbimbing, paring tuladha sae, berinfaq, berkurban menawi mampu, lan terlibat aktif ing lampah kesaenan sosial sanesipun..

     Mekaten andaran Khutbah ing Iedul Adha dinten menika, kairing do’a mugi Allah I nampi sedaya rangkaian ibadah qurban kita sedaya, saha paring maghfirah dateng sedaya dosa lan khilaf kita sedaya, amin-amin yaa rabbal ‘alamin.

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ, اْلأَ حْيَاءِ مِنْهُمْ وَاْلأَ مْوَاتِ , اِنَّكَ سَمِيْعٌ قَرِيْبٌ مُجِيْبُ الدَّ عْوَاتِ ,وَيَا قَا ضِيَ الْحَا جَاتِ. اَللَّهُمَّ اغْفِرْ لَنَا ذُنُوْ بَنَا وَإِسْرَا فَنَا فِي أَمْرِنَا وَثَبِتْ أَقْدَا مَنَا وَانْصُرْناَ عَلَى اْلقَوْمِ اْلكَا فِرِ يْنَ . رَبَّنَا ظَلَمْنَا أَنْفُسَنَا وَإِنْ لَمْ تَغْفِرْلَنَاوَتَرْحَمْنَا لَنَكُوْنَنَّ مِنَ اْلخَا سِرِيْنَ . رَبَّنَا لاَ تُزِغْ قُلُوْ بَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً  اِنَّكَ اَنْتَ اْلوهَابُ. رَبنَّا هَبْ لَنَا مِنَ أَزْوَاجِنَا وَمِنْ ذُرِّيَاتِنَا قُرَّةَ أَعْيُنٍ وَاجْعَلْنَا لِلْمُتَّقِيْنَ إِمَامًا. رَبَّنَا لاَ تُؤَاخِذْنَا اِنْ نَسِيْنَا اَوْ أَخْطَأْ نَا, رَبَّنَا َوَلاَ تَحْمِلْ عَلَيْنَاإِصْرًاكَمَا حَمَلْتَهُ عَلَى الَّذِيْنَ مِنْ قَبْلِنَا, رَبَّنَا وَلاَ تُحَمِّلْنَا مَالاَطَاقَةَ لَنَا بِهِ , وَاعْفُ عَنَّا وَاغْفِرْ لَنَا وَارْحَمْنَا اَنْتَ مَوْلاَنَا فَانْصُرْنَا عَلَى اْلقَوْمِ اْلكَا ِفرِيْنَ .رَبَّنَا اَتِنَافِى الدُّ نْياَ حَسَنَهً وَفِى اْلاَخِرَةِ حَسَنَهً وَقِنَا عَذَابَ النَّارِ. سُبْحَانَ رَبِّكَ رَ بِّ الْعِزَّةِ عَمَّا يَصفُوْنَ . وَسَلاَ مٌ عَلَى اْلمُرْسَلِيْنَ. وَالْحَمْدُ ِللهِ رَبِّ اْلعَا لَمِيْنَ

Dening : Ustadz  H Sugeng Prihatin, SH

Naskah Lengkap bisa di download disini

Silakan gabung Group WhatsApp