Khutbah Idul Adha 1445 H Bahasa Jawa : Parek Dhumateng Allah

الْحَمْدُ لِلّٰهِ نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللّٰهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِ اللّٰهُ فَلَامُضِلَّ لَهُ وَمَنْ يُضْلِلْ فَلَا هَادِيَ لَهُ – اَشْهَدُ اَنْ لَا اِلٰهَ إِلَّا اللّٰهُ وَحْدَهُ لَاشَرِيْكَ لَهُ – وَاَشْهَدُ اَنَّ مُحَمَّدًا عَبْدُهُ وَرَسُوْلُهُ – اَللّٰهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى اٰلِهِ وَاَصْحَابِهِ اَجْمَاعِيْنَ.

 اَمَّا بَعْدُ: فَيَا عِبَادَ اللّٰهِ إِتَّقُوْ اللّٰهَ حّقَّ تُقَاتِهِ وَلَا تَمُوْتُنَّ إِلَّا وَاَنْتُمْ مُسْلِمُوْن. قال الله تعالى : وَكَذٰلِكَ جَعَلْنٰكُمْ اُمَّةً وَّسَطًا لِّتَكُوْنُوْا شُهَدَاۤءَ عَلَى النَّاسِ وَيَكُوْنَ الرَّسُوْلُ عَلَيْكُمْ شَهِيْدًا ۗ وَمَا جَعَلْنَا الْقِبْلَةَ الَّتِيْ كُنْتَ عَلَيْهَآ اِلَّا لِنَعْلَمَ مَنْ يَّتَّبِعُ الرَّسُوْلَ مِمَّنْ يَّنْقَلِبُ عَلٰى عَقِبَيْهِۗ وَاِنْ كَانَتْ لَكَبِيْرَةً اِلَّا عَلَى الَّذِيْنَ هَدَى اللّٰهُ ۗوَمَا كَانَ اللّٰهُ لِيُضِيْعَ اِيْمَانَكُمْ ۗ اِنَّ اللّٰهَ بِالنَّاسِ لَرَءُوْفٌ رَّحِيْمٌ

الله اكبر الله اكبر لا اله الا الله  والله اكبر  الله اكبر ولله الحمد

Jama’ah shalat Idul Adha rahimakumullah

Takbir, tahmid dan tahlil kepireng sak ngindenging bawana. Sareng sedaya umat islam sami nindak-aken  ibadah shalat ‘id. Sedaya menika dipun tindak-aken ugi saweneh saking sikap tasyakkur binikmah dhumateng Alloh I.  Pramila mangga taqwallah menika estu estu dipun pepetri, sampun ngantos gotang saha susut.

Shalawat saha salam mugi tansah katur dhumateng Nabi Muhammad r, dhumateng garwa putra,sedaya sahabat, tabiin,  tabiit tabiin, lumeber dhumateng sedaya kaum muslimin wal muslimat ingkang tansah gegesang sunnah-sunnah-ipun.

 الله اكبر الله اكبر لا اله الا الله  والله اكبر  الله اكبر ولله الحمد

Jamaah shalat Idul Adha rahimakumullah

Ibadah Qurban sayektos sampun sami dipun tindak-aken wiwit zaman Nabi Adam, Nabi Nuh dan Nabi Ibrahim saha dipun tindakaken ugi ing syariatipun kanjeng  Nabi Muhammad r. Hal menika adedasar kalih pengendikanipun Allah I ing sak lebeting Surah Al Hajj ayat 34-35 mekaten,

وَلِكُلِّ اُمَّةٍ جَعَلْنَا مَنْسَكًا لِّيَذْكُرُوا اسْمَ اللّٰهِ عَلٰى مَا رَزَقَهُمْ مِّنْۢ بَهِيْمَةِ الْاَنْعَامِۗ فَاِلٰهُكُمْ اِلٰهٌ وَّاحِدٌ فَلَهٗٓ اَسْلِمُوْاۗ وَبَشِّرِ الْمُخْبِتِيْنَ ۙ  ٣٤   الَّذِيْنَ اِذَا ذُكِرَ اللّٰهُ وَجِلَتْ قُلُوْبُهُمْ وَالصَّابِرِيْنَ عَلٰى مَآ اَصَابَهُمْ وَالْمُقِيْمِى الصَّلٰوةِۙ وَمِمَّا رَزَقْنٰهُمْ يُنْفِقُوْنَ  ٣٥

Jawinipun, “Lan saben saben umat wus ingsun syariatake mragat sato kewan qurban, supoyo wong wong iku podo eling kanthi nyebut asmane gusti alloh, kang wus paring rizqi rupo sato kewan ternak, hiyo pengeran iro kang moho esa, Lan namung dumateng gusti Alloh awak iro pasrah, kabar bungah namung kanggo wong  wong  kang podho pasrah / tunduk patuh marang gusti Alloh. Yoiku wong wong kang rikala disebut asmane Allah atine padha ndredeg, lan wong wong kang padha sabar apa wae kang wes nemahi ing deweke, lan wong wong kang nindak-ake shalat lan wong wong kang infaq seweneh rizki kang wes diparingake Allah marang deweke.”

Saged dipun pahami bilih qurban menika dipun syariat-aken ing agami islam, kanthi tata cara ingkang benten benten miderek ing zaman Nabi saha Rasul piyambak piyambak, ananging hakikatipun inggih sami, sedaya katindak-aken tumuju dhateng nyelak utawi taqarrub ilaallaah. Wonten perkawis perkawis ingkang prayogi dipun bundeli kanthi estu estu, inggih menika,

Sepisan, Taqwallah. Kekudangan ingkang linangkung edi saking kawula inggih menika saged saged taqwa dhumateng Allah kanthi estu estu. Taqwa ingkang tansah kajiwa kasarira wonteng ing pundi kemawon saha kahanan menapa kemawon. Kalebet tansah saged nuwuhaken amal shalih, ugi tansah dados panjurung saha inspirasi tiyang sanes nindak-aken amal kesaenan. Ing sedaya kahanan saha papan tansah tuwuh wontenipun semangat Fastabiqul khoiraat. Satemah raos taqwa kasebat tansah dipun uri uri saha tansah ngupadi amrih konjem ing manah. Allah sampun paring dhawuh ing al Qur’an Surat  al Maidah ayat 35 (tigangdasa gangsal)mekaten,

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَٱبۡتَغُوٓاْ إِلَيۡهِ ٱلۡوَسِيلَةَ وَجَٰهِدُواْ فِي سَبِيلِهِۦ لَعَلَّكُمۡ تُفۡلِحُونَ  ٣٥

Jawinipun,Hai wong wong kang padha iman, padha taqwa-a marang Allah lan padha golek-a dedalan kang agawe parek marang Allah, lan padha jihad seka sira kabeh ing dedalane Allah, muga muga sira kalebu wong kang beja.” (QS. Al Maidah: 35)

Kaping kalih, Keikhlasan ingkang tulus. Ing sedaya kedalipun lisan, solah bawa, saha sedaya tumindakipun tansah ing madyaning kesaenan, damel amal shalih. Sedaya jejibahan kalawu dipun tindak-aken kanthi ikhlas tulusing manah. Sedaya tumindak namung pados ridlo saking ngarsa dalem Allah I, mboten amargi tendensi saha materi duniawi.   Allah I sampun paring dhawuh  QS al Bayyinah 5 mekaten,

وَمَآ أُمِرُوٓاْ إِلَّا لِيَعۡبُدُواْ ٱللَّهَ مُخۡلِصِينَ لَهُ ٱلدِّينَ حُنَفَآءَ وَيُقِيمُواْ ٱلصَّلَوٰةَ وَيُؤۡتُواْ ٱلزَّكَوٰةَۚ وَذَٰلِكَ دِينُ ٱلۡقَيِّمَةِ  ٥

Jawinipun, (ora ana liya) di printah wong wong akeh iku kejaba hamung manembah marang kanthi sak murni murnine ketaatan marang panjenengan-E (Allah) ing sak jeroning agama kang lempeng, lan padha ngedek-ake shalat lan weweh zakat ; hiya kang mengkono mengkono iku agama kang  jejeg.

Kaping tiga, Ngaturaken raos syukur. Saweneh jejibahan kawula inggih menika ngaturaken raos syukur, dhumateng Allah awit sedaya peparing ingkang linangkung kathah. Pramila kalebet kawula ingkang durjana saha mboten kagungan adab menawi sedaya kabetahan sampun cemawis, lajeng babar blas mboten ngaturaken syukur saha maturnuwun. Ugi sedaya sampun mangertosi bilih atur matur nuwun saha syukur menika estu estu badhe wangsul  malih dhateng piyambake.

Dados estu bilih Allah I menika mboten mbetahaken  syukur saking kawula, ananging bilih syukur kasebat wangsul malih dateng kawula kasebat.

….وَمَن يَشْكُرْ فَإِنَّمَا يَشْكُرُ لِنَفْسِهِ …..

Jawinipun Lan sapa wae kang syukur marang Allah, mula sak temene deweke wes syukur kanggo dewe (QS Luqman : 12)

Ananging emanipun kathah tiyang ingkang mboten purun syukur, kepara nganggep menawi saged nyekapi saha ngrampungi perkawisipun  piyambak. Kathah ingkang sami supe bilih pikantuk kesuksesan menika, wonten kathah tiyang ingkang sampun paring biyantu, linangkung pitulungan saking ngarsa dalem Allah I.

Pramila saking menika ampun sombong, angkuh, gumedhe, ngraos paling pinter, paling kuat, paling super…… Tasih emut bilih Iblis menika sak jeg jumleg mlebet ing gesang ingkang ina saha cilaka mencit, awitanipun amargi raos sombong takabur utawi gumedhe.  . Saking menika piyantun ingkang dipun wastani lantip inggih menika piyantun ingkang purun syukur dhumateng Allah, awit sedaya peparingipun sih nugraha, rahmat, rizki, kawilujengan, saha sanes sanesipun. Kalebet kesyukuran menika ugi ngakeni kanthi estu estu bilih gusti Allah menika Maha mirah,welas asih, saha maha sugih. Ing al Qur’an Surat Ibrahim ayat 7 Allah I paring dhawuh mekaten.

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ

Jawinipun: lan eling-elingen sira kabeh rikala pengeran ira paring dhawuh; sak temene yentha sira gelem syukur,mesthi bakal ingsun nambahi (nikmat) kanggo sira, (nanging) lamun sira padha  ngingkari (nikmat-Ingsun), (ngertiya) sak temene pasiksan ingsun iku lara banget ” (QS. Ibrahim : 7)

Kaping Sekawan, Raos solidaritas dhumateng umat. Bilih ing madyaning gesang estu dipun betahaken tansah lung tinulung dhumateng sesami, mboten kepareng ego saha namung miderek nafsu.  Muslim muslimah kedah tansah nindak-aken sikap tawadlu’, toleran, saha remen berbagi dhumateng tiyang sanes. Amargi mboten badhe wonten tiyang menika saged nglampahi gesang piyambak, pramila sampun jamak limrahipun menawi kula lan penjenengan menika ngetingal-aken raos empati, solidaritas saha peduli dhumateng sesami umat manusia.

Ing rikalane gusti Allah paring dhumateng kula lan penjenengan arupi peluang saha kacekap arta banda, sampun dados jejibahan menawi lajeng  tuwuh peduli saha purun berbagi, dhumateng sederek sederek saha tangga tepalih, ingkang nembe nandang sekeng saha susah. Sedaya kedah emut bilih gesang menika selaminipun mboten namung ing nginggil, ananing sewanci wanci ugi ing ngandhap. Wonten patuladhan ingkang linangkung edi, saking  Nabi Muhammad r saha para sahabat ing madyaning gesang satemah tuwuh raos solidaritas menika, kados ingkang sampun kaserat ing  al Quran Surat  al Hasyr ayat 9 mekaten,

وَٱلَّذِينَ تَبَوَّءُو ٱلدَّارَ وَٱلۡإِيمَٰنَ مِن قَبۡلِهِمۡ يُحِبُّونَ مَنۡ هَاجَرَ إِلَيۡهِمۡ وَلَا يَجِدُونَ فِي صُدُورِهِمۡ حَاجَةٗ مِّمَّآ أُوتُواْ وَيُؤۡثِرُونَ عَلَىٰٓ أَنفُسِهِمۡ وَلَوۡ كَانَ بِهِمۡ خَصَاصَةٞۚ وَمَن يُوقَ شُحَّ نَفۡسِهِۦ فَأُوْلَٰٓئِكَ هُمُ ٱلۡمُفۡلِحُونَ  ٩

Jawinipun. Lan wong wong (muqimin) kang manggon ing kutha Madinah lan kang wes iman (Anshor) sak durunge (tekane) wong wong (Muhajirin), wong wong(Anshor) iku banget “tresnane” marang wong wong padha hijrah (Muhajirin). lan wong wong (Anshor) iku padha ora nduweni pepinginan ing jerone atine apa apa kang wes diwenehke marang wong wong (Muhajirin); Lan wong wong (Anshor) iku luweh mentingke kanggo wong wong (Muhajirin), tinimbang kepentingane awake dewe, senajan wong wong(Anshor) iku padha nduweni keperluan kang mendesak,. lan sapa wae kang dipelihara seka rupeg ing urip, ya mengkono mengkono iku wong kang padha beja. (QS al Hasyr 9.)

Raos tansah nyawiji saha  sepenanggungan kasebat, estu tuwuh saking taqwallah, amargi ngengeti dhawuh dalem Allah ing QS al Hujurat 10  mekaten,

إِنَّمَا ٱلۡمُؤۡمِنُونَ إِخۡوَةٞ فَأَصۡلِحُواْ بَيۡنَ أَخَوَيۡكُمۡۚ وَٱتَّقُواْ ٱللَّهَ لَعَلَّكُمۡ تُرۡحَمُونَ  ١٠

Jawinipun, wong wong kang iman iku sak temene sedulur. Mula saka iku gawenen apik/rujuk/wawuh ing antarane sedulurmu (kang congkrah) iku, lan padha taqwa-a marang Allah, supaya sira oleh rahmat. (QS al Hujurat : 10) 

Kaping Gangsal, Nuwuhaken wradinipun sektor ekonomi. Hadiripun dinten riyaya adha menapa dene idul fitri, langsung menapa mboten langsung, dipun akeni menapa mboten, estu wonten sambung rapetipun kalih, distribusi ekonomi ing madyaning masyarakat. Rikala dinten riyaya idul fitri sepinten katahahipun wos ingkang terdistribusi ing madyaning masyarakat, mekaten ugi awit hadiripun dinten riyaya idul adhaa, sepinten kathahipun hewan kurban (lembu, kambing, unta) ingkang dipun sembelih. Linangkung edi malih bilih kanthi idul adhaa menika Islam sampun paring piwucal “taman gizi internasional”,  mbok bilih kathah dereng menyadari hal menika. lan sedaya kalawau dipun tindak-aken sanes pesta pora, ananging minangka ngetingal-laken raos taqwa dhumateng Allah I. … Allahu Akbar.

الله اكبر الله اكبر لا اله الا الله  والله اكبر  الله اكبر ولله الحمد

Jama’ah Shalat Idul Adha rahimakumullah

Piwucal ingkang saged dipun pendhet inggih menika

1. Raos iman taqwa ingkang tansah kajiwa kasarira ing wekdal menapa kemawon saha wonten ing pundi kemawon. Teguh patuh saha kanthi istiqomah.
2. Mugi tansah kasembadan saged ngamal shalih ingkang linangkung kathah.
3. Tansah saged syukur dhumateng Allah I, awit sedaya sih nugraha rahmat nikmat saha rizki. 
4. Ngetingalaken raos solidaritas  dhumateng sesami umat.
5. Bebasan ngantos sundul langit, estu bilih menungsa mboten badhe saged gesang piyambak, mesthi betah bantuan saking tiyang sanes. Pramila kedah tansah lung tinulung ing babagan kesaenan saha taqwa, sampun ngantos lung tinulung ing babagan dosa saha memengsahan.

الله اكبر الله اكبر لا اله الا الله  والله اكبر  الله اكبر ولله الحمد

Jama’ah Shalat Idul Adha rahimakumullah

Mekaten mugi mugi manfaat. Mangga kanthi sikap  tawadlu’ saha khusyuk  nyuwun dhumateng Allah  I.

الحمد لله رب العا لمين  والصلاة والسلام على نبينا محمد وعلى اله واصحا به اجمعين  اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْ مِنِيْنَ وَالْمُؤْمِنَاتِ الْاَحْيَاءِ مِنْهُمْ وَالْاَمْوَاتِ   اِنَّكَ سَمِيْعٌ قَرِيْبٌ مُجِيْبُ الدَّعَوَاتِ فَيَا قَا ضِيَ الْحَجَا ت   رَبَّنَا هَبۡ لَنَا مِنۡ أَزۡوَٰجِنَا وَذُرِّيَّٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا  رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَٰسِرِينَ  رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ    أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ رَبَّنَا لَا تُزِغۡ قُلُوبَنَا بَعۡدَ إِذۡ هَدَيۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ رَبَّنَآ ءَاتِنَا مِن لَّدُنكَ رَحۡمَةٗ وَهَيِّئۡ لَنَا مِنۡ أَمۡرِنَا رَشَدٗا رَبَّنَآ إِنَّنَآ ءَامَنَّا فَٱغۡفِرۡ لَنَا ذُنُوبَنَا وَقِنَا عَذَابَ ٱلنَّارِ  رَبَّنَآ ءَاتِنَا فِي ٱلدُّنۡيَا حَسَنَةٗ وَفِي ٱلۡأٓخِرَةِ حَسَنَةٗ وَقِنَا عَذَابَ ٱلنَّارِ سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ   وَسَلَٰمٌ عَلَى ٱلۡمُرۡسَلِينَ  وَٱلۡحَمۡدُ لِلَّهِ رَبِّ ٱلۡعَٰلَمِينَ

Dening : Ustadz  M Humam, S.Ag

Naskah Lengkap bisa di download disini

Silakan gabung Group WhatsApp