Seni Saha Budaya Ing Islam

Khutbah Sepisan

الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ ثُمَّ الَّذِينَ كَفَرُوا بِرَبِّهِمْ يَعْدِلُونَ.  اَشْهَدُ اَنْ لَا اِلٰهَ إِلَّا اللّٰهُ وَحْدَهُ لَاشَرِيْكَ لَهُ, وَاَشْهَدُ اَنَّ مُحَمَّدًا عَبْدُهُ وَرَسُوْلُهُ, اَللّٰهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى اٰلِهِ وَاَصْحَابِهِ اَجْمَاعِيْنَ.

 اَمَّا بَعْدُ: فَيَا عِبَادَ اللّٰهِ إِتَّقُوْ اللّٰهَ حّقَّ تُقَاتِهِ وَلَا تَمُوْتُنَّ إِلَّا وَاَنْتُمْ مُسْلِمُوْن. قَالَ اللّٰهُ تَعَالٰى فِى الْقُرْاٰنِ الْعَظِيْمِ. اَعُوْذُ بِاللّٰهِ مِنَ الشَّيْطَانِ الرَّجِيْمِ. بِسْمِ اللّٰهِ الرَّحْمٰنِ الرَّحِيْمِ. فَأَقِمْ وَجْهَكَ لِلدِّينِ حَنِيفًا ۚ فِطْرَتَ ٱللَّهِ ٱلَّتِى فَطَرَ ٱلنَّاسَ عَلَيْهَا ۚ لَا تَبْدِيلَ لِخَلْقِ ٱللَّهِ ۚ ذَٰلِكَ ٱلدِّينُ ٱلْقَيِّمُ وَلَٰكِنَّ أَكْثَرَ ٱلنَّاسِ لَا يَعْلَمُونَ

Jama’ah Jum’at Rahimakumullah

Mangga tansah ngaturaken raos puja puji dhumateng Allah SWT, Alhamdulillahi rabbil ‘alamin, sedaya puji kagunganipun Allah ingkang miyara sedaya ngalam, ngrimat, njagi, saha ngatur jagad gumelar, semanten edi, peni, rapi,  indah damel resep sedaya paningal, sedaya menika estu minangka nikmat ingkang linangkung kathah kagem sedaya mahluq.

Shalawat saha salam mugi tansah katur dhumateng Nabi Agung Muhammad SAW, lumeber sedaya keluarga, sahabat saha sedaya umat islam ingkang tansah nggegesang sunnah sunnahipun. 

Minangka khatib kula ngajak diri pribadi sumrambah sedaya jamaah mangga sami mbudidaya amrih mindakipun raos taqwa dhumateng Allah SWT.  Ngrimat raos taqwa sayektos ugi ngrimat kamulyan jati ing pangayunan dalem Allah, kados gusti Allah sampun paring dhawuh ing QS al Hujurat 13 mekaten,

يَٰٓأَيُّهَا ٱلنَّاسُ إِنَّا خَلَقْنَٰكُم مِّن ذَكَرٍ وَأُنثَىٰ وَجَعَلْنَٰكُمْ شُعُوبًا وَقَبَآئِلَ لِتَعَارَفُوٓا ۚ إِنَّ أَكْرَمَكُمْ عِندَ ٱللَّهِ أَتْقَىٰكُمْ ۚ إِنَّ ٱللَّهَ عَلِيمٌ خَبِيرٌ

Jawinipun: “Hai kabeh manungsa, sak temene Ingsun wus agawe sira kabeh iku seka wong lanang lan wong wadon lan agawe sira kabeh berbangsa-bangsa lan bersuku-suku supaya sira kabeh padha kenal seiji lan sewenehe. Sak temene wong kang paling mulya ing antarane sira kabeh ing ngarsane Allah, hiya mung wong paling taqwa seka sewijinira kabeh,sak temene Allah MahaPirsa saha Maha Mengertosi.”

Jama’ah Jum’at Rahimakumullah

Ing sedaya obah mosiking khalaya masyarakat, estu bilih mboten saged uwal saking raos saha kahanan  seni budaya. Perkawis ingkang tansah ngiringi saha nyarengi ing madyaning gesang saha panggesangan menika.  Kados ingkang sedaya sami saged mirsani ing gumelar jagad saha sak ngandaping langit ing wekdal siang menapa dene wekdal ndalu. Mahluq ingkang asifat gesang menapa dene mboten gesang. ing wekdal enjing siang ngantos sonten saged mirsani sang bagaskara ing wekdal ndalu saged mirsani lintang saha rembulan, siang saha ndalu tansah kapireng suwantening gemericik toya, ombak ing pantai, suwantene desis angin nerjang ron-ronan, ugi kepireng sedaya peksi sami sesautan suwantenipun.

Sedaya menika kalebet sih nugraha saha rahmat saking ngarsa dalem Allah SWT, kagem sedaya umat manungsa ing ngalam donya menika. Gumelaring jagad ingkang edi peni endah menika estu bilih gusti Allah maha Agung maha kawasa. La ilahailallah, Subhanallah, Alhamdulillah wasyukrulillah. Satemah gesang menika kraos sekeca kadosdene ing madyaning lukisan naturalis  kanthi kepireng  iringan merdu music orchestra alam, ingkang rinakit ing paduan alunan ingkang ka-atur rapi. Sedaya sampun cemawis  endah maneka warni pangripta saking Ilahi Rabbi. Allah sampun dhawuh ing pustaka suci QS al Baqarah ayat 29 mekaten.

هُوَ ٱلَّذِى خَلَقَ لَكُم مَّا فِى ٱلْأَرْضِ جَمِيعًا ثُمَّ ٱسْتَوَىٰٓ إِلَى ٱلسَّمَآءِ فَسَوَّىٰهُنَّ سَبْعَ سَمَٰوَٰتٍ ۚ وَهُوَ بِكُلِّ شَىْءٍ عَلِيمٌ

Jawinipun,“ Panjenengan-E (Allah) kang wus ngripta apa wae kang ana ing bumi kabeh kanggo sira, nuli panjenengan-E  nuduhake (kahanan) pangripta langit, nuli panjenengan-E damel sampurna kanthi anane langit sap pitu. Panjenengane maha ngudadeni sekabehe tek kliwer.”

Jama’ah Jum’at Rahimakumullah

Sekedik Kahanan endahipun ngalam ingkang sampun khotib damel ilustrasi menika, minangka saweneh “faktual” ingkang mboten saged dipun bantah dening sedaya manungsa. Allah SWT sampun ngendika ing QS At Tin ayat 4  mekaten,

لَقَدْ خَلَقْنَاالْاِنْسَانَ فِيْٓ اَحْسَنِ تَقْوِيْم

Jawinipun : “temen  Ingsun wus bener bener ngripta manungsa ing bentuk kang sak apik apike.”

Manungsa dipun damel Allah kanthi wujud ingkang linangkung sae, dipun paringi potensi komponen saha perangkat ingkang jangkep inggih menika manah  rasa estetika, budi, akal piker, imajinasi, ekspresi gerakan jasmani, kalebet raos peka syahdu ruhani, saha sedaya  panca indra jangkep saha fungsi, saged nedak edi peni endahipun alam ing kanfas minangka lukisan, damel ukir ing kajeng minangka  seni kriya, kaligrafi, ing merdunipun suwanten, damel gemeter awit  lantunan qori’ bertilawah, mekaten ugi laras irama ing alat-alat instrumentalia, saha gerak lentur anggota badan.

Tembung pangucap ingkang rinakit mentes ing syair saha puisi, imajinasi fiksi ing sak lebeting sastra damel endah, runtut saha kagungan makna cerita ingkang lebet, kalebet ugi tampilan ing teather. Sedaya menika saweneh saking tuwuhipun seni budaya ing madyaning gesang. sedaya sami saged dipun raosaken pegiat senibudaya saha masyarakat individu, sosial, masal saha kolosal. Sedaya sampun katindakaken wiwit rumiyin ngantos wekdal sakmenika. Seni saha budaya tansah damel gesang menika endah saha damel resep manah saha pandulu, satemah sedaya sami sumringah remen saha gumbira. 

Jama’ah Jum’at Rahimakumullah

Manungsa menika dipun ripta Allah kanthi dipun paringi “potensi” linangkung saha  fitrah, remen ing kebenaran, kesaean, keserasian,  saha keindahan. Selaras kalih hal menika Rasul SAW paring dhawuh mekaten,

إِنَّاللَّهَ جَمِيلٌ يُحِبُّ الْجَمَالَ

Jawinipun : “Sak temene Allah SWT iku Maha endah lan remen ing keindahan” (HR Muslim)

Pramila sayektos bilih  seni saha budaya sampun dados  saweneh saking peradaban manungsa, saha selaras kalih fitrah anggenipun ngetingalaken raos  kesyukuran awit sedaya nikmat sih nugraha saking Allah, saha parek dhumateng penjenenganipun, linambaran raos ngakeni bilih kebenaran haqiki, ngrimat kamulyan, kehormatan,  keserasian, kesaenan, nresnani kaendahan menika sedaya saking Allah. Kaserat ing QS. mekaten,

فَأَقِمْ وَجْهَكَ لِلدِّينِ حَنِيفًا ۚ فِطْرَتَ ٱللَّهِ ٱلَّتِى فَطَرَ ٱلنَّاسَ عَلَيْهَا ۚ لَا تَبْدِيلَ لِخَلْقِ ٱللَّهِ ۚ ذَٰلِكَ ٱلدِّينُ ٱلْقَيِّمُ وَلَٰكِنَّ أَكْثَرَ ٱلنَّاسِ لَا يَعْلَمُونَ

Jawinipun “Mula padha ngadhepna wajahmu kanthi manther ing agama (Islam) kang selaras marang fitrah (seka) Allah kang wus ngripta manungsa kanthi (fitrah) iku. Ora ana owah owahan ing pangriptane Allah (kasebut). Yaiku agama kang lempeng jejeg, ananging okeh okehe manungsa padha ora mangerteni

Seni saha budaya mboten namung damel raos ingkang alus, ananging saged paring panjurung ing damel kesaenan saha saged minangka margi Yad’una ilal khouri, waya’muruna bilma’ruf, wayanhauna ‘anil mun’kar,kanthi tembung sanes bilih saged dados margi kanggeDa’wah Islam. Pramila badhe jangkep menawi ing panggesangan menika manungsa betah “dalan Padang” kanthi akal pikir para ilmuwan utawi para winasis, fatwa Ulama/agamawan, saha panjurung saking seniman budayawan awit aspirasi saha ekspresi kesaenan saha kaendahan.

Jama’ah Jum’at Rahimakumullah

Nderek ngiyataken bilih adedasar keputusan Munas Tarjih kaping-22 warsa 1995, bilih:

Sepisan, Berkesenian itu mubah (boleh) selama tidak mengarah atau berakibat kerusakan, bahaya, kedurhakaan, dan terjauhkan dari Allah.

Kaping kalih, Mengembangkan seni budaya dalam kehidupan harus sejalan dengan etika atau norma-norma Islam

Bilih olah seni saha budaya menika saweneh kalebet njangkepi ancas tujuan gesang inggih menika,

• Niat ngibadah, namung pados  ridha  saking Allah
• Mboten condong ing tumindak Syirik
• Kanthi ancas tujuan supados saged sehat bahagia lahir batos, jasmani ruhani,  wilujeng dunya akherat.
• Dados Rahmat kagem  sesami manungsa saha alam sak kiwa tengenipun.

Ing akhiripun kanthi seni saha budaya ing madyaning gesang mugi tansah paring sesuluh supados langkung taqwa, pasrah manembah namung mligi dhumateng Allah SWT. Allah sampun ngendika ing QS al An’am162 mekaten

قُلْ إِنَّ صَلَاتِى وَنُسُكِى وَمَحْيَاىَ وَمَمَاتِى لِلَّهِ رَبِّ ٱلْعَٰلَمِينَ

Jawinipun: “matura sira (Nabi Muhammad), “Sak temene salatku, ibadahku, uripku, lan matiku hamung kanggo Allah, kang mengerani sedaya ngalam.”

Mekaten mugi mugi ngantos puputing yuswa kanthi tansah husnul khatimah. Aamiin

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ،

Khutbah Kaping kalih

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ.  اَللَّهُمَّ صَلِّ عَلَى مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا.

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اَللَّهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ. اَللَّهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ.  رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. والحمد لله رب العالمين

Dening : Ustadz Drs. H.  Sahari As Salami (Ketua PDM Bantul Periode 2015-2022)

Naskah Lengkap bisa di download disini

Silakan gabung Group WhatsApp