ArtikelKhutbah Jum'at

Nggayuh Keluarga Sakinah

Khutbah Sepisan

اَلْحَمْدُ لِلَّهِ الَّذِىٓ أَنزَلَ ٱلسَّكِينَةَ فِى قُلُوبِ ٱلْمُؤْمِنِينَ لِيَزْدَادُوٓا إِيمَٰنًا مَّعَ إِيمَٰنِهِمْ. اَشْهَدُ اَنْ لَا اِلٰهَ إِلَّا اللّٰهُ وَحْدَهُ لَاشَرِيْكَ لَهُ. وَاَشْهَدُ اَنَّ مُحَمَّدًا عَبْدُهُ وَرَسُوْلُهُ. اَللّٰهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى اٰلِهِ وَاَصْحَابِهِ اَجْمَاعِيْنَ.

 اَمَّا بَعْدُ: فَيَا عِبَادَ اللّٰهِ إِتَّقُوْ اللّٰهَ حّقَّ تُقَاتِهِ وَلَا تَمُوْتُنَّ إِلَّا وَاَنْتُمْ مُسْلِمُوْن. قَالَ اللّٰهُ تَعَالٰى فِى الْقُرْاٰنِ الْعَظِيْمِ. اَعُوْذُ بِاللّٰهِ مِنَ الشَّيْطَانِ الرَّجِيْمِ. بِسْمِ اللّٰهِ الرَّحْمٰنِ الرَّحِيْمِ. وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لَءَايَٰتٍ لِّقَوْمٍ يَتَفَكَّرُونَ

Ma’asyiral Muslimin Rahimakumullah,

Bilih sih wilasa, sih nugraha saha rahmat, nikmat, estu linangkung kathah ingkang sampun kula lan penjenengan tampi saking ngarsa dalem Allah I, pramila sampun sak yektosipun menawi, kula lan penjenengan sedaya sami ngaturaken raos pujo puji, raos syukur dhumateng Allah I, kanthi maos lafadz  Alhamdulilahilladzii bini’matihii tatimus shalihaat.”.

Mekaten ugi shalawat saha salam mugi tansah katur dumateng uswatun hasanah inggih  kanjeng Nabi Muhammad r, lumeber sedaya keluarga, shahabat, tabiin, tabiit tabiin  saha umat islam ingkang tansah miderek sunnah-sunnah-ipun ngantos puputing  zaman. Mboten kesupen mangga tansah mbudidaya amrih raos iman saha taqwa menika mindak kiat saha sentosa.

Ma’asyiral Muslimin Rahimakumullah,

        Selaras kalih irah irahan ing nginggil estu bilih  kula lan penjenengan , ngaturaken syukur Alhamdulillah kagem ingkang sampun krama utawi sampun nikah.  Kagem ingkang sampun kacekap syarat syaratipun mugi enggal nikah utawi krama. Estu bilih nikah menika wonten pangajab saha panyuwunan mugi tansah langgeng saha saged gesang bebrayan kanthi sakinah mawaddah warohmah, hal menika saged mawujud menawi dasar rujukanipun menika pranatan agami (Al Qur’an saha As Sunah).  Kados dhawuh saking Allah ingkang kaserat ing QS. Ar Ruum ayat 21 :

وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لَءَايَٰتٍ لِّقَوْمٍ يَتَفَكَّرُونَ

Jawinipun, lan saweneh tanda-tanda kekuasaan-ne Allah yaiku panjenengane Allah wus ngripta kanggo sira bojo wadon seko jenismu dewe (bangsa manungsa, supaya sira gelem ngrengkuh lan ngrasa tentrem marang deweke, lan Allah wes ndadek-ake ing sira rasa asih tresna  lan sayang.

Ma’asyiral Muslimin Rahimakumullah,

        Supados gegayuhan tuwuhipun keluarga ingkang sakinah mawaddah warohmah saged kasembadan, estu dipun betahaken  DUIT.  Menapa tha ingkang dipun maksudaken tembung DUIT menika ? maksud-ipun nggih menika, DUIT menika singkatan saking, ingkang sepisan inggih,

Sepisan, Doa. Saben saben tiyang Islam kedah tansah donga saha nyenyuwun dhumateng Allah  I, dzat ingkang paring piwucal utawi pranatan gesang, supados dipun paringi sih nugraha dzuriyah  ingkang “Qurratu a’yunin saha taqwa dhumateng Allah. Kados ingkang sampun kaserat ing  Al-Qur’an Surat Al Furqan ayat 74  mekaten,

وَٱلَّذِينَ يَقُولُونَ رَبَّنَا هَبْ لَنَا مِنْ أَزْوَٰجِنَا وَذُرِّيَّٰتِنَا قُرَّةَ أَعْيُنٍ وَٱجْعَلْنَا لِلْمُتَّقِينَ إِمَامًا

Jawinipun, lan wong wong kang padha donga: “duh gusti Allah, mugi paduka paring sih nugraha bojo wadon ing kula sedaya menika saha, anak keturunan/ dzuriyah ingkang damel tenang ing manah saha raos remesep ing paningal, lan mugi dados imam kagem tiyang tiyang ingkang taqwa”.

Kaping kalih, Usaha. Supados keluarga ingkang sakinah mawaddah warrohmah saged mawujud, kedah wonten usaha kados mekaten,

  1. Niat ingkang tulus ihlash mligi namung dhumateng Allah I saha miderek  sunah kanjeng Nabi awit wekdal nikahipun.
  2. Mbudidaya Kanthi estu estu amrih saged konjem saha tekad ingkang inggil nindak-aken pranatan agami Islam kanthi kaaffah ing sak kebeting bale somah/ keluarga, satemah tuwuh “Baitii jannatii” / rumahku surgaku.
  3. Tansah paring pemut saha tansah njagi antawisipun suami, istri saha sedaya anggota keluarga sanesipun, supados saged uwal saking paseksan neraka, Allah I paring dhawuh ing QS. At Tahrim 6 mekaten,

يَٰٓأَيُّهَا ٱلَّذِينَ ءَامَنُوا قُوٓا أَنفُسَكُمْ وَأَهْلِيكُمْ نَارًا……..

Jawinipun: Hai wong wong kang padha iman, jagenen awakmu lan keluargamu seka geni neraka

  • Paring tanggeljawab saha jejibahan ing saben saben anggota keluarga, satemah sedaya saged nindak-aken jejibahanipun piyambak piyambak. Suami minangka dados tetungguling bale somah, menawi dipun ibarataken bale somah menika kadosdene perahu, estu bilih suami menika minangka nahkodanipun, Allah I sampun paring dhawuh ing kaserat ing QS. An Nisa’ ayat 34 mekaten,

ٱلرِّجَالُ قَوَّٰمُونَ عَلَى ٱلنِّسَآءِ بِمَا فَضَّلَ ٱللَّهُ بَعْضَهُمْ عَلَىٰ بَعْضٍ وَبِمَآ أَنفَقُوا مِنْ أَمْوَٰلِهِمْ ۚ فَٱلصَّٰلِحَٰتُ قَٰنِتَٰتٌ حَٰفِظَٰتٌ لِّلْغَيْبِ بِمَا حَفِظَ ٱللَّهُ ۚ….

Jawinipun,“ piyantun kakung iku minangka pemimpin kanggo kaum wanita, mula seko iku Allah wes paring kaluwihan (kanggo wong kakung) tinimbang sewenehe (yaiku wong wadon), lan amerga  wong wong kakung iku wes menehi nafkah seweneh seka arta bandane (wong lanang). Mula seka iku wanita kang saleh, yaiku wanita kang taat marang Allah, uga ngreksa diri pribadine rikala bojone lelungan…

Kaping Tiga, Ikhlas. sedaya anggota keluarga kedah  tansah ikhlas, rikala nindak-aken jejibahanipun piyambak piyambak, satemah nindakaken jejibahan kasebat saged dipun raos sekeca ing manah saha mboten awrat, sedaya namung  pados ridla saha ganjaran saking ngarsa dalem Allah I. 

Kaping Sekawan, Tawakkal, inggih menika pasrah bongkok-an dhumateng Allah sak sampunipun nindak-aken jejibahan kanthi maksimal,  ihlas saha yakin bilih gusti Allah badhe paring katetepan menapa kemawon. Minangka makhluq kedah nampi  awit sedaya takdir kasebat. Ing sak lebeting  Al-Qur’an Surat Ali ‘Imran Ayat 159 dipun sebataken mekaten,

… فَإِذَا عَزَمْتَ فَتَوَكَّلْ عَلَى ٱللَّهِ ۚ إِنَّ ٱللَّهَ يُحِبُّ ٱلْمُتَوَكِّلِينَ

Jawininipun: …tumuli yentha sira wes padha gilig tekade mula padha pasrah bangkok-an sira marang Allah. Sak temene Allah remen marang wong wong kang tawakkal (marang panjenengane Allah).

                Ugi kasebat ing Al Quran Surat at Talaq ayat 3 mekaten,

وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى ٱللَّهِ فَهُوَ حَسْبُهُۥٓ …

Jawinipun, lan (panjenengane) wus maringi rezki seka arah kang ka-nyan-nyana. lan sak sapa wae kang tawakkal dhumateng Allah, mesthi  Allah bakal paring cukup ing kabeh (keperluane)

Ma’asyiral Muslimin Rahimakumullah,

Ringkesing rembag  supados  tuwuh keluarga ingkang Sakinah mawaddah warohmah saged dipun aturaken mekaten ,

Sepisan, Estu estu nindak-aken pranatan agami Islam kanthi kaaffah ing madyaning bale somah/ keluarga.

Kaping Kalih, Supados tuwuh raos tresna asih saha kasih sayang ing madyaning bale somah/ keluarga, kedah tansah njagi, remen paring pambiyantu, saha tansah paring pemut dhumateng sedaya anggota keluarga, bilih sedaya mukawis utawi tek kliweripun keluarga menika tansah adedasar kalih pranatan agami. Sedaya anggota keluarga kagungan jejibahan amrih tuwuhipun keluarga ingkang  Sakinah Mawaddah war Rahmah (SAMARA).

Kaping Tiga, Kanthi DUIT  inggih tembung ringkesan saking “Doa Usaha Ikhlas saha Tawakkal”, insyaaAllah keluarga sakinah mawaddah warohmah saged kasembadan. aamiin

Mekaten ingkang saged dipun aturaken mugi manfaat, aamiin

أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah Kaping kalih

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. أَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ مُحَمَّدًا عَبْدُهُ وَرَسُوْلُهُ.  اَللّٰهُمَّ صَلِّ عَلَى مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا. أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللّٰهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اَللّٰهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ. رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ. اَللّٰهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى. اَللّٰهُمَّ أَحْسِنْ عَاقِبَتَنَا فِى الأُمُورِ كُلِّهَا وَأَجِرْنَا مِنْ خِزْىِ الدُّنْيَا وَعَذَابِ الآخِرَةِ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن وَآخِرُ دَعْوَانَا أَنِ الْحَمْدُ لله رَبِّ الْعَالَمِيْنَ

Dening : Pimpinan Daerah Aisyiyah Kab. Bantul

Naskah Lengkap bisa di download disini

Silakan gabung Group WhatsApp

Tinggalkan Balasan

Alamat email Anda tidak akan dipublikasikan. Ruas yang wajib ditandai *