Dosa Ingkang Ageng  : Nilar Shalat

Khutbah Sepisan,

إِنَّ الحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِيْرُهُ وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلَا مُضِلَّ لَهُ وَمَنْ يُضْلِلْهُ فَلَا هَادِيَ لَهُ. اَشْهَدُ اَنْ لَا اِلٰهَ إِلَّا اللّٰهُ وَحْدَهُ لَاشَرِيْكَ لَهُ، وَأَشْهَدُ أَنَّ مُحَمَّدً عَبْدُهُ وَرَسُولُهُ لاَ نَبِيَ وَلَا رَسُولَ بَعْدَهُ. اللَّهُمَّ صَلِّي عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِينْ وَمَنْ تَبِعَهُمْ بِإِحْسِانٍ إِلَى يَوْمِ القِيَامَةِ.

 أَمَّابَعْدُ؛ فَيَآ أَيُّهَا النَّاسُ، اُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. قَالَ تَعَالَى فِي القُرْآنِ الكَرِيمِ : يٰٓاَيُّهَا الَّذِيْنَ اٰمَنُوا اتَّقُوا اللّٰهَ حَقَّ تُقٰىتِهٖ وَلَا تَمُوْتُنَّ اِلَّا وَاَنْتُمْ مُّسْلِمُوْنَ. يَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا. يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَقُوْلُوْا قَوْلًا سَدِيْدًاۙ. يُّصْلِحْ لَكُمْ اَعْمَالَكُمْ وَيَغْفِرْ لَكُمْ ذُنُوْبَكُمْۗ وَمَنْ يُّطِعِ اللّٰهَ وَرَسُوْلَهٗ فَقَدْ فَازَ فَوْزًا عَظِيْمًا. وَقَالَ أَيْضاً : مَا سَلَكَكُمْ فِى سَقَرَ قَالُوْا لَمْ نَكُ مِنَ ٱلْمُصَلِّينَ.

Hadirin Jamaah Jum’at Rahimakumullah

Mangga sami ngaturaken raos puja puji syukur wonten ngarsa dalem Allah I, awit sedaya sih wilasa nugraha rahmat nikmat iman saha islam.  nikmat iman saha islam saweneh saking nikmat ingkang linangkung agung, pramila kedah dipun cepengi kanthi estu.

Shalawat saha salam mugi tansah katur dhumateng Nabi Muhammad r minangka dados uswah hasanah ing gesang saha panggesangan menika. Mekaten ugi mangga tansah mbudidaya amrih mindakipun raos iman saha taqwa dhumateng Allah, sanes ajakan taqwa namung damel pepaes lathi, ananging taqwa ingkang tandes ing manah saha tansah njungkung tumuju ing kesaenan sayektos. 

Hadirin Jamaah Jum’at Rahimakumullah

Ing zaman digital wekdal sakmenika estu bilih badhe ngupadi ilmu agamai linangkung gampil, ananging fakta tasih kathah ingkang mboten mendhet manfaat, kepara kathah tiyang ingkang sami nebihi piwucal agami, saha nglirwak-aken ngibadah, kalebet shalat gangsal wekdal. Kasebat ing al Qur’an mekaten :

فَخَلَفَ مِنۡۢ بَعۡدِهِمۡ خَلۡفٌ اَضَاعُوا الصَّلٰوةَ وَاتَّبَعُوا الشَّهَوٰتِ فَسَوۡفَ يَلۡقَوۡنَ غَيًّاۙ.‏  اِلَّا مَنۡ تَابَ وَاٰمَنَ وَعَمِلَ صَالِحًـا فَاُولٰٓٮِٕكَ يَدۡخُلُوۡنَ الۡجَـنَّةَ وَلَا يُظۡلَمُوۡنَ شَيۡــًٔـا ۙ‏

Jawinipun, tumuli teka marang deweke wong akeh, pengganti (wong wong kang elek) kang wes nggegampang shalat lan nuruti kekarepane nafsune, mula kanggo wong wong iku mau bakal nemoni sasar. Kejaba wong wong kang padha taubat, iman, lan gawe amal kebecikan. Mula wong wong iku bakal mlebu suwarga lan babar blas ora bakal di dlolimi (QS. Maryam: 59-60)

Sedaya sampun mangertos bilih nilar  shalat menika kalebet dedosan ingkang ageng, pramila tiyang ingkang nilar shalat, ateges ugi sami mbedal dawuh saha tumindak durjana dhumateng Allah. Kepara kanjeng Nabi Muhammad r paring dhawuh, bilih tiyang ingkang sampun wantun nilar shalat, kapitadosan iman saha islamipun sampun telas, saha estu tiyang kasebat sampun dados kafir.  Rasulullah r paring dhawuh mekaten,

وَعَنْ جَابِرٍ t ، قَالَ : سَمِعْتُ رَسُولَ اللهِ r ، يَقُولُ : إِنَّ بَيْنَ الرَّجُلِ وَبَيْنَ الشِّرْكِ وَالكُفْرِ ، تَرْكَ الصَّلاَةِ .

Jawinipun, saking sahabat Jabir t,  piyambake sampun mireng bilih Rasulullah r  sampun ngendika, “temen temen watese sewiji wong iku (diarani)syirik lan kufur yaiku ninggalake shalat..” (HR. Muslim)

Ing bab menika estu Ibnul Qayyim rahimahullah paring piwucal “bilih Para ulama mboten wonten ingkang mboten sepakat, bilih hukumipun tiyang ingkang sampun nilar shalat menika kalebet sampun nglampahi dosa ingkang ageng. Dosa nilar shalat linangkung ageng tinimbang dosa merjaya, dosa ngrampas darbek-ing liyan/nyolong, dosa zina, dosa nginum khomer, lan sak panunggil-ipun. Tiyang ingkang sampun nilar shalat estu badhe angsal paseksan saking ngarsanipun Allah, saha sampun trep menawi angsal paseksan ing donya saha akhirat. (Ash Shalah, hal. 7)

Sampun kaserat ing QS Al-Mudatsir ayat 42-43 Wonten saweneh wawan rembag antawisipun tiyang ingkang dipun lebetaken ing neraka. Allah lajeng dangu “ sebab apa sliramu mlebu neraka? tiyang kasebat matur: “ kula mboten nindakaken shalat”.

مَا سَلَكَكُمْ فِى سَقَرَ قَالُوْا لَمْ نَكُ مِنَ ٱلْمُصَلِّينَ

Jawinipun, Apa kang nyebab-ake sira kecemplung ing (neraka)saqar?,deweke wong akeh padha njawab : ” klua sedaya riyin kalebet golongan tiyang tiyang ingkang mboten nindak-aken shalat (QS. Al-Mudatsir : 42-43)

Hadirin Jamaah jumat Rahimahumullah

Kenging menapa Allah  saha  Rasul-ipun ngantos paring hukum kafir dhateng tiyang tiyang ingkang mboten purun nindak-aken shalat? Inggih amargi shalat menika minangka ngibadah ingkang linangkung edi saha minulya. Saking menika para rawuh sedaya, wonten perkawis perkawis ingkang estu wigatos, sampun ngantos jejering kawula menika nilar ngibadah shalat. Perkawis perkawis wigatos menika antawisipun :

Sepisan; amargi dhawuh shalat menika saking Allah I langsung dhumateng kanjeng Nabi Muhammad r, mboten mawi lantaran malaikat Jibril. Dhawuh kasebat dipun tampi kanjeng Nabi rikala nindak-aken jejibahan isra lan mi’raj.

Kaping kalih; shalat menika kalebet amalan ingkang linangkung saha ingkang sepisanan dipun etang ing ngarasanipun Allah I.  Kados kasebat ing hadits menika,

وَعَنْ أَبِي هُرَيْرَةَ t ، قَالَ : قاَلَ رَسُولُ اللهِ r   إنَّ أَوَّلَ مَا يُحَاسَبُ بِهِ العَبْدُ يَوْمَ القِيَامَةِ مِنْ عَمَلِهِ صَلاَتُهُ ، فَإنْ صَلُحَتْ ، فَقَدْ أفْلَحَ وأَنْجَحَ  وَإنْ فَسَدَتْ ، فَقَدْ خَابَ وَخَسِرَ

Jawinipun, saking sahabat Abu Hurairah t sampun matur, bilih Rasulullah r   sampun ngendika, “Sak temene amal kang sepisanan dihisab/dietung seka seweneh kawula sesok ing dina kiamat yaiku shalate. Mula, yentha shalat iku becik temen deweke wong kang untung lan mekoleh, (sewalike) yentha shalat iku mau rusak, temen deweke mau kalebu wong kang gagal lan kapitunan. (HR. Tirmidzi)

Pramila sinten tiyang ingkang sampun wantun nilar shalat, ateges tiyang kasebat sampun damel risak saha muspra sedaya amal ingkang nate dipun tindak-aken. Sedaya amal-ipun menika ing ngarsa dalem Allah I, mboten wonten ginanipun amargi tiyang kasebat mboten nindak-aken ngibadah shalat. 

Kaping tiga; shalat menika dados tiang/pancangipun agami. Saking sahabat  Mu’adz bin Jabal, Nabi Muhammad r   sampun ngendika,

رَأْسُ الأَمْرِ الإِسْلاَمُ وَعَمُودُهُ الصَّلاَةُ

Jawinipun“undering kabeh perkara ing agama islam lan pikuate yaiku mung shalat.” (HR. Tirmidzi  lan Ibnu Majah)

Kaping sekawan: shalat menika saweneh ngibadah ingkang  mboten saged dipun tilar saha mboten saged dipun wakil-aken.

Ibadah shalat, menika kagem sedaya muslim saha muslimah wajib dipun tindak-aken ngantos puputing yuswa, ing kawontenan saha papan pundi kemawon. Kedah dipuntindak-aken sinaosa nembe lelungan, nembe gerah, kalbet nembe ing madyaning ayudya/perang.

Kaping gangsal: ing hadits dipun aturaken  bilih Rasululullah r   paring dhawuh dhumateng para tiyang sepuh supados paring piwucal shalat dumateng putra/putri ingkang sampun umur 7 tahun. Lajeng menawi sampun umur 10 tahun ananging tasih dereng purun/aras-arasen  nindak-aken shalat, tiyang sepuh dipun dawuhi paring piwucal ingkang linangkung, inggih menika dipun tabok.  Pramila khusus ing perkawis shalat menika, estu ngantos wonten paukuman kangge lare, ingkang sayektos dereng wancinipun menawi angsal paukuman, ananging supados perkawis menika dados  kawigatosan sedaya umat islam. Perkawis menika dipun tindak-aken inggih supados lare menika wiwit alit sampun kulina nindak-aken shalat.

Hadirin Jamaah Jum’at Rahimakumullah

Pungkasaning atur mangga tansah nyuwun dhumateng Allah I, mugi  mugi kula lan penjenengan saged tebih saking tingkah nilar shalat, lan mugi mugi Allah tansah paring sih wilasa saged istiqomah nindakaken ngibadah shalat menika. Wonten piwucal donga saking kanjeng Nabi Ibrahim u mekaten.

رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي ۚ رَبَّنَا وَتَقَبَّلْ دُعَاءِ

Jawinipun, “duh gusti mugi paduka ndadosaken ing kula lan anak putu kula menika doados tiyang tiyang ingkang nindak-aken shalat, duh gusti Allah mugi paduka paring ijabah doa kula menika.” (QS. Ibrahim : 40).

Mekaten mugi mugi wonten manfaatipun, kula lan penjenengan  saha sedaya dzuriyyah dados ewonipun tiyang tiyang ingkang tansah nindak-aken shalat, aamiin.

بَارَكَ اللهُ لِي وَلَكُمْ فِي القُرْآنِ الكَرِيمِ وَنَفَعَنِي وَإِيَّاكُمْ بِمَا فِيْهِ مِنَ الآيَاتِ وَالذِّكْرِ الحَكِيمِ, أَقُولُ قَولي هَذَا وَاسْتَغْفِرُوهُ إِنَّهُ هُوَ الغَفُورُ الرَّحِيمِ.

Khutbah Kaping kalih

اَلْحَمْدُ ِللهِ وَكَفٰى، وَسَلاَمٌ عَلٰى عِبَادِهِ الَّذِيْنَ اصْطَفٰى. أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ. اللهم صَلِّ وَسَلّمْ عَلٰى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهم صَلِّ وَ سَلِّمْ عَلَى مُحَمَّدٍ وَّعَلَى اَلِه وَ سَائِرِ الصَّحَابَةِ وَ التَّابِعِيْنَ وَمَنْ تَبِعَهُمْ بِاِحْسَانِ اِلَى يَوْمِ الدِّيْنِ. اللهم اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعْوَاتِ، فَيَاقَاضِيَ اْلحَاجَاتِ. اللهم إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى. اللهم أَصْلِحْ لَنَا دِينَنَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشُنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادُنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ. اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، وَاحْمِ حَوْزَةَ الإسْلَامِ يَا رَبَّ العَالَمِينَ، اللهم انْصُرِ إِخْوَانَنَا الْمُسْلِمِيْنَ وَالْمُسْتَضْعَفِيْنَ وَالْمُجَاهِدِيْنَ فِيْ فِلِسْطِيْنَ، رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ. رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ . رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ

Dening : Ustadz Arief Rachman Anzaruddin, S.Pd

Naskah Lengkap bisa di download disini

Silakan gabung Group WhatsApp