Tauhid Kunci Kabegjan Kamulyan Sayektos

Khutbah Sepisan

اْلحَمْدُ لِلَّهِ الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ لِيُظْهِرَهُ عَلَى الدِّيْنِ كُلِّهِ وَكَفَى بِاللَّهِ شَهِيْدًا، أَشْهَدُ أَنْ لاَإِلهَ إِلاَّاللَّهُ وَحْدَهُ لاَشَرِيْكَ لَهُ وأَشْهَدُ أَنَّ مُحَمَّدًا عَبْدُهُ وَرَسُوْلُهُ، اللَّهُمَّ صَلِّ عَلَى مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ،

أَمَّا بَعْدُ: فَيَا عِبَادَ اللَّهِ، أُوْصِيْكُمْ وَنَفْسِيْ بِتَقْوَى اللَّهِ، وَقَالَ اللَّهُ تَعَالَى فِيْ كِتَابِهِ الْكَرِيْمِ:  يَآأَيُّهَا الَّذِيْنَ ءَامَنُوْا اتَّقُوْا اللَّهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ، وَقَالَ النَّبِيُّ صَلَّى اللَّهُ عَلَيْهِ وَسَلَّمَ: اِتَّقِ اللَّهَ حَيْثُمَا كُنْتَ وَأَتْبِعِ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ

Jamaah Jum’at ingkang minulya

Puja puji syukur tansah konjuk dhumateng Allah I, awit sedaya nikmat ingkang linangkung kathah, saha mboten saged dipun wilang. Shalawat saha salam, mugi tansah katur dhumateng  Nabi Muhammad r, lumber dhateng keluarga, sahabat tabiin, tabiit tabiin, saha sedaya  umat Islam ngantos puputing zaman. Sak lajengipun mangga tansah mbudidaya amrih mindak-ipun raos taqwa dhumateng Allah I, ing sedaya kawontenan menapa kemawon saha ing pundi kemawon.

Jamaah Jum’at ingkang minulya

Kathah tiyang ingkang sami mangertos bilih tauhid menika kagungan posisi ingkang linangkung  wigatos saha minulya ing  piwucal agami Islam. Pramila saking menika tauhid  menika minangka  asa saha sumber saking sedaya pola pikir, sikap, saha  tingkah laku manungsa. Tauhid inggih menika mengesakan Allah I, kapitadosan bilih mboten wonten pengeran ingkang haq dipun sembah kejawi namung Allah. Inggih ingkang kasebat ing lafadz tahlil Laailaahailla Allah.  Mekaten ugi bilih  Nabi saha Rasul menika sedaya sami ngajak dhateng margi Tauhidullah.

Secara teoritis, tauhid menika dipun klarifikasi dados tiga inggih menika , yakni; Tauhid Rububiyah, Tauhid Uluhiyah, saha Tauhid Asma’Wash-Shifat. Ingkang tetiganipun ugi sampun kaserat ing pustaka suci ayat 65 saking surat Maryam mekaten,

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا فَٱعۡبُدۡهُ وَٱصۡطَبِرۡ لِعِبَٰدَتِهِۦۚ هَلۡ تَعۡلَمُ لَهُۥ سَمِيّٗا  ٦٥

Jawinipun: (Panjenengane) pengeran (ingkang nguwasani) langit, bumi, lan kabeh isen isen ing antarane (langit lan bumi)  mula padha manembah-a sira marang Panjenengane kanthi ati kang teguh (mligi manembah namung dhumateng Allah). Apa sira hangerteni samukawis kang padha kara panjenengane Allah?

Tauhid rububiyah menika ngemu suraos meng-esakan Allah ing babagan pangripta, kepemilikan  saha  miyoro.  Sedaya samukawis menika dipun ripta panjenengane Allah, estu bilih Allah menika linangkung edi peni awit sedaya pangriptanipun. Tauhid uluhiyah inggih pengesaan Allah ing babagan manembah dhumateng Allah, estu bilih ingkang haq dipun sembah namung mligi Allah I. Lajeng tauhid Asma` wa Sifat inggih pengesaan Allah, kanthi asma saha  sifat sifat-ipun.

Jamaah Jum’at ingkang minulya

Wonten kathah guna saha manfaat saking tauhid kagem tiyang iman inggih menika:

Sepisan, Tauhid badhe paring sesuluh saha piwucal tatacara manembah dhumateng Allah. Kanthi kapitadosan tauhid ingkang konjem ing manah manungsa badhe  merdika saha uwal saking sedaya  lampah syirik. Kanthi tauhid tiyang badhe manembah saya ngumawula dhumateng Allah kanthi tulus, kanthi ihlash. Badhe taat awit sedaya dhawuh saha nebihi sedaya awisanipun gusti Allah. Sedaya kala wau dipun tindak-aken  kanthi raos mahabah saha ajrih dhumateng Allah. Pramila kawula dipun titahaken supados manembah mligi namung dhumateng Allah I. Allah sampun dhawuh mekaten,  

وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ  ٥٦

Jawinipun: lan ingsun ora ngripta jin lan menungsa kejaba supaya padha manembah marang ingsun (Allah). (QS Adz-Dzariyat:56)

Kaping Kalih, Tauhid Menika Dados Jaminan Saged Gesang Beja Saha Minulya. Kabegjan kamulyan ingkang sayektos inggih menika awit saking donya ngantos dumugi akhirat. Tiyang ingkang kapitadosan tauhid sampun konjem ing manah, estu tansah badhe ngamal sholih linangkung kathah kanthi semangat ingkang makantar kantar.  Allah I estu badhe paring jaminan kabegjan kamulyan kagem tiyang ing iman saha ngamal sholih, kados dhawuh Allah I mekaten,

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَانَتۡ لَهُمۡ جَنَّٰتُ ٱلۡفِرۡدَوۡسِ نُزُلًا  ١٠٧

Jawinipun: Sak temene wong wong kang iman lan kang ngamal sholih, temen kanggo wong wong iku suwarga Firdaus kang dadi papan panggone [QS Al-Kahfi:107]

Kaping Tiga, Tauhid Minangka Lelandesan Sedaya Amalanipun. Amal ingkang mboten lelandesan kalih dasar tauhid, estu namung muspro, mboten kareken minangka amal saha mboten dipun tampi ing ngarsa dalem Allah. Menapa malih amal ingkang kecampur kalian syirik, estu namung badhe nemahi cilaka ing donya dumugi ing akhirat.  Allah I sampun paring dhawung Al-Qur’an Surat Az-Zumar65-66 mekaten,

وَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ  ٦٥ بَلِ ٱللَّهَ فَٱعۡبُدۡ وَكُن مِّنَ ٱلشَّٰكِرِينَ  ٦٦

Jawinipun:temen Ingsun wus paring wahyu marang sira lan para nabi sak durunge sira, temen yentha sira nglakoni syirik, mesthi bakal ora ana gunane amalmu, lan sira kalebu golongane wong wong kang padha rugi. Mula saka iku aja pisan pisan nyembah sak liyane Allah, lan muga muga sira kalebu golongane wong wong kang padha syukur  (QS Az-Zumar: 65-66)

Kaping Sekawan, Dados Tentrem Amargi Konjemipun Tauhid Ing Manah. Tiyang ingkang konjem ing manahipun menika raos tauhid estu badhe tansah dzikrullah, kanthi mekaten tiyang kasebat saged tentrem gesangipun. Allah I sampun paring dhawuh mekaten :

ٱلَّذِينَ ءَامَنُواْ وَتَطۡمَئِنُّ قُلُوبُهُم بِذِكۡرِ ٱللَّهِۗ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ  ٢٨

Jawinipun,(Yaiku) wong wong kang padha iman lan padha dhuwe ati kang ayem tentrem, amerga eling marang Allah. Mangertiya tansah eling Allah iku njalari ati bisa tentrem (QS Ar-Ra’d : 28)

Jamaah jum’at ingkang minulya

Mekaten khutbah ingkang prasaja menika kula aturaken, mugi tansah dados piwucal  kula lan penjenengan sedaya, ing tembe tansah ngrimat saha syukur awit sedaya sih nugraha karahmatan saking Allah I. Satemah dados ewonipun kawula kawula ingkang tansah pikantuk kabegjan kamulyan ingkang sayektos, aamiin.

فَاسْتَبِقُوا الْخَيْرَاتِ أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah Kaping Kalih

اَلْحَمْدُ ِللهِ وَكَفٰى، وَسَلاَمٌ عَلٰى عِبَادِهِ الَّذِيْنَ اصْطَفٰى. أَشْهَدُ أَنْ لاَ إِلهَ إِلَّا اللهُ وَحْدَهُ لاَ شَرِيْكَ لَهُ. وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ. اللهم صَلِّ وَسَلّمْ عَلٰى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.

أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهم صَلِّ وَ سَلِّمْ عَلَى مُحَمَّدٍ وَّعَلَى اَلِه وَ سَائِرِ الصَّحَابَةِ وَ التَّابِعِيْنَ وَمَنْ تَبِعَهُمْ بِاِحْسَانِ اِلَى يَوْمِ الدِّيْنِ. اللهم اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعْوَاتِ، فَيَاقَاضِيَ اْلحَاجَاتِ. اللهم إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى. اللهم أَصْلِحْ لَنَا دِينَنَا اَلَّذِي هُوَ عِصْمَةُ أَمْرِنَا وَأَصْلِحْ لَنَا دُنْيَا نَا اَلَّتِي فِيهَا مَعَاشُنَا وَأَصْلِحْ لَنَا آخِرَتَنَا اَلَّتِي إِلَيْهَا مَعَادُنَا وَاجْعَلْ اَلْحَيَاةَ زِيَادَةً لَنَا فِي كُلِّ خَيْرٍ وَاجْعَلْ اَلْمَوْتَ رَاحَةً لَنَا مِنْ كُلِّ شَرٍّ. اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، وَاحْمِ حَوْزَةَ الإسْلَامِ يَا رَبَّ العَالَمِينَ، اللهم انْصُرِ إِخْوَانَنَا الْمُسْلِمِيْنَ وَالْمُسْتَضْعَفِيْنَ وَالْمُجَاهِدِيْنَ فِيْ فِلِسْطِيْنَ، رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ. رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ. رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ . رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ.

عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ

Dening : Ustadz H. M.Burhanudin Kholis, S.Pt.

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini