Sabar Saha Kiyat Ngadephi Pacoben

Khutbah Sepisan

اَلْحَمْدُ لِلّٰهِ نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللّٰهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِ اللّٰهُ فَلَامُضِلَّ لَهُ وَمَنْ يُضْلِلْ فَلَا هَادِيَ لَهُ.  اَشْهَدُ اَنْ لَا اِلٰهَ إِلَّا اللّٰهُ وَحْدَهُ لَاشَرِيْكَ لَهُ, وَاَشْهَدُ اَنَّ مُحَمَّدًا عَبْدُهُ وَرَسُوْلُهُ. اَللّٰهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى اٰلِهِ وَاَصْحَابِهِ اَجْمَاعِيْنَ.

اَمَّا بَعْدُ: فَيَا عِبَادَ اللّٰهِ إِتَّقُوْ اللّٰهَ حّقَّ تُقَاتِهِ وَلَا تَمُوْتُنَّ إِلَّا وَاَنْتُمْ مُسْلِمُوْن. قَالَ اللّٰهُ تَعَالٰى فِى الْقُرْاٰنِ الْعَظِيْمِ. اَعُوْذُ بِاللّٰهِ مِنَ الشَّيْطَانِ الرَّجِيْمِ.  بِسْمِ اللّٰهِ الرَّحْمٰنِ الرَّحِيْمِ.  يَا أَيُّهَا اللَّذِيْنَ ءَامَنُوْا اتَّقُوْا اللّٰهَ وَقُوْلُوْا قَوْلًا سَدِيْدًا.  يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللّٰهَ وَرَسُوْلَهُ فَقَدْ فَازَ فَوْزًا عَظِيْمًا.

Ma’asyiral muslimin rahimakumullah.

Alhamdulillah, Panjenengane Allah dzat ingkang murbeng dumadi. Ingkang damel sasab saha damel asor sinten kemawon ingkang dipun kersak-aken. Shalawat saha salam mugi tansah katur dhumateng Rasulullah SAW, keluarga, sahabat, saha umatipun ngantos akhir zaman.

Mangga sami takwa dhumateng  Allah, kanthi estu estu takwa. Nun inggih nondak-aken sedaya dhawuh saha nilar sedaya awisanipun. Sedaya sampun mangertos bilih  takwa menika saweneh saking karakter Muslim ingkang sayektos, ingkang samangke damel sangu sowan wonten pangayunan dalem Allah SWT.

Ma’asyiral muslimin rahimakumullah.

Wonten wekdal sak menika badhe dipun bahas inggih wigatosipun sabar saha kiyat ngadhepi pacoben, kanthi mendhet tulada saking kanjeng Nabi Muhammad SAW. Sabar minangka saweneh saking sifat ingkang minulya saha linangkung luhur ing agami Islam. Allah SWT paring dhawuh ing surat Al Baqarah ayat 155-156 mekaten,

وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّٰبِرِينَ  ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ

Jawinipun: “lan ingsun mesthi bakal paring coba marang sira seweneh keweden,rasa luwe,, kekurangan harta, jiwa, lan woh wohan.. lan weneh-ana kabar bungah marang wong wong kang padha sabar, (yoiku) wong wong kang rikala ketaman musibah wong wong iku padha ngucap “Inna lillahi wa inna ilaihi rajiun. (sak temene awak dewe iki kabeh kagungane Allah, lan bakal bali marang panjenengan-E.)” (QS. Al-Baqarah: 155-156).

Ayat menika paring piwucal dhumateng kula lan penjenengan sami bilih sabar inggih menika sikap ingkang kadhepi edah dipun damel konjem ing manah rikala ngadepi  musibah utawi pacoben.  Pacoben menika saweneh saking jangkepipun gesang saha panggesangan, pramila kados kados mboten saged sumingkir. Allah SWT sampun ngripta kula lan penjenengan sedaya menika kanthi maneka warni pacoben, inggih kagem nodi keimanan saha kesabaran kula lan penjenengan sedaya.

Ing bab kesabaran menika wonten saweneh tulada ingkang linangkung saking kanjeng Nabi Muhammad SAW. Inggih rikala kanjeng Nabi SAW saha para sahabat dipun boikot kaum kafir Quroisy laminipun tigang tahun. Dipun alang-alangi srawung, dipun boikot sedaya kebetahan sosial ekonomi. Ing madyaning wekdal dipun boikot menika, Bebasan ngantos  dhahar sak wontenipun, ananging sedaya kala wau dipun tindak-aken kanthi sabar saha tawakkal dhumateng Allah, ingkang ing tembe awit izin saha palilah saking ngarsa dalem Allah SWT, lajeng saged uwal saha bebas saking boikot kasebat.  Taksih kathah prastawa prastawa ingkang nemahi kanjeng Nabi SAW saha para sahabat, ananging kanthi sikap sabar saha tawakkal sedaya kala wau saged dipun tindak-aken kanthi sae, ingkang ing akhiripun saged pikantuk sukses perjuangan dakwah risalah, satemah wradinipun agami Islam ing ngalam donya menika.

Ma’asyiral muslimin rahimakumullah.

Kejawi saking menika bilih saking sikap sabar wonten kathah  fadhilah saha ganjaran ingkang ageng. Allah SWT sampun ngendika ing Al-Quran surat az-Zumar ayat 10 mekaten,

إِنَّمَا يُوَفَّى ٱلصَّٰبِرُونَ أَجۡرَهُم بِغَيۡرِ حِسَابٖ

Jawinipun: “Sak temene mung kanggo wong wong kang sabar,  bakal digawe sempurna ganjarane tanpo wates.” (QS. Az-Zumar: 10).

Ayat menika nedahaken bilih kathah piwales ganjaran ingkang mboten pedhot kagem sinten kemawon ingkang purun sabar. Sabar ugi saweneh margi tumuju dhumateng surga saha pikantuk ridha-nipun gusti Allah  SWT.  Ing saweneh  hadits Rasulullah SAW sampun paring dhawuh mekaten,

مَا يُصِيْبُ الْمُسْلِمُ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا إِلَّا كَفَّرَ اللهُ بِهَا مِنْ خَطَايَاهُ.

Jawinipun : “Ora ana sewiji muslim kang ketaman musibah arupa rasa kesel,rasa lara, rasa sakit, rasa khawatir,rasa sedih, rasa resah gelisah, semono uga ri kang ngenani, ananging kerana iku kebeh gusti Allah bakal ngampura ing dosa-dosane.  ” (HR. Bukhari).

Hadits menika paring piwucal dhumateng kula lan penjenengan sedaya, bilih menawi pacoben pacoben kasebat dipun tampi kanthi sikap sabar, estu Allah SWT badhe ngicali saweneh dosa dosa ingkang sampun kalampah.  Musibah saha pacoben menika saweneh saking tanda tresna saha welas asih saking Allah SWT, kagem ngresiki dosa dosa saha  badhe damel luhur  derajat kula lan penjenengan sedaya ing ngarsanipun Allah SWT. Allah SWT sampun ngendika ing Al-Quran mekaten,

لَا يُكَلِّفُ ٱللَّهُ نَفۡسًا إِلَّا وُسۡعَهَاۚ

Jawinipun,“Allah ora bakal maringi pengebot-bot marang sewiji wong kejaba sak-emper karo kesanggupane wong mau.” (QS. Al-Baqarah: 286).

Ayat menika ugi pepeling kagem kula lan penjenengan sami, bilih sedaya pacoben saha musibah menika sampun wonten ukuran ingkang pas.  Sedaya sampun kauukur  miderek daya kekiyatan manungsa. Gusti Allah mboten mungkin dlolim paring pacoben ingkang kliwat wates.  Pramila wontenipun  pacoben kedah dipun tampi, saha kedah kagungan kapitadosan bilih sedaya menika mesthi wonten solusi utawi margi medal saking  pacoben, kanthi lelandesan iman, takwa saha tawakkal dhumateng Allah. Yakin bilih gusti Allah SWT badhe paring pitulunganipun..

Ma’asyiral muslimin rahimakumullah.

Pramila sampun ngantos salah paham, bilih Sabar menika lajeng mupus saha nglokro ngadhepi pacoben, ananging sikap sabar inggih menika ngadhepi sedaya perkawis menika kanthi raos optimis saha perjuangan, yakin bilih gusti Allah badhe paring pitulungan sak sampunipun kula lan penjenengan sedaya menika sampun usaha kanthi maksimal. Saking menika mangga kula lan penjenengan sedaya sami mendhet tulada saha cara, kados pundi sikap para Nabi saha Rasul rikala ngadhepi  pacoben, inggih kanthi tansah sabar, iman, saha tawakkal dhumateng Allah SWT.Mekaten mugi manfaat,aamiin

فَاسْتَبِقُوا الْخَيْرَاتِ أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah Kedua

الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ ثُمَّ الَّذِينَ كَفَرُوا بِرَبِّهِمْ يَعْدِلُونَ. أَشْهَدُ أَنْ لاَ اِلَهَ إِلاَّ اللهُ, وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ مُحَمَّدًا عَبْدُهُ وَرَسُوْلُهُ.  اللَّهُمَّ صَلِّ عَلَى مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا.  أَمَّا بَعْدُ، عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ، إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اللَّهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَاتِ. رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ. اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، وَاحْمِ حَوْزَةَ الإسْلَامِ يَا رَبَّ العَالَمِينَ، اللهم انْصُرِ إِخْوَانَنَا الْمُسْلِمِيْنَ وَالْمُسْتَضْعَفِيْنَ وَالْمُجَاهِدِيْنَ فِيْ فِلِسْطِيْنَ، رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. وَالْحَمْدُ لله رَبِّ الْعَالَمِيْنَ

Dening : Ustadz Ma’ruf Yuniarno, M.S.I.

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini