Mensyukuri Kemerdekaan Indonesia

Khutbah Sepisan

اَلْحَمْدُ ِللهِ الًّذِى خَلَقَ الْاِنْسَانَ فِي أَحْسَنِ تَقْوِيْمِ وَالَّذِيْ هَدَانَا لِطَرِيْقِهِ الْقَوِيْمِ وَفَقَّهَنَا فِي دِيْنِهِ الْمُسْتَقِيْمِ. أَشْهَدُ أَنْ لآاِلهَ إِلَّا اللهُ وَحْدَهُ لاَشَرِيْكَ لَهُ شَهَادَةً تُوْصِلُنَا إِلَى جَنَّاتِ النَّعِيْمِ وَتَكُوْنُ سَبَبًا لِلنَّظَرِ لِوَجْهِهِ الْكَرِيْمِ. وأَشْهَدُ أَنْ مُحَمَّدًا عَبْدُهُ وَرَسُوْلُهُ النَّبِىُ الرَّؤُفُ الرَّحِيْمُ صَلَّى اللهُ وَسَلَّمَ عَلَى مُحَمَّدٍ وَعَلَى اَلِهِ وَأَصْحَابِهِ أُوْلِى الْفَضْلِ الْجَسِيْمِ. اَللَّهُمَّ صَلِّ وَسَلِّمْ عَلى نَبِيِّنَا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْنِ.

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، أُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ، قَالَ اللهُ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ.

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا

Ma’asyiral Muslimin Rahimakumullah,

Alhamdulillah puji saha syukur tansah konjuk wonten ngarsa dalem AllahSWT ingkang sampun maringi sih nugraha rahmat kawelasan ing donya ngantos dumugi ing akhirat. Shalawat saha sallam tansah katur dhumateng Nabi Muhammad SAW, lumeber dhateng sedaya garwa, putra,  para sahabat, tabiin, tabiit tabiin, sedaya umat islam ingkang tansah nggegesang sunnah sunahipun

Ngawiti khutbah ing wekdal dinten menika, khatib wasiyat dhumtaeng kula lan penjenengan sedaya,  mangga tansah mbudidaya amrih mindakipun raos Iman saha taqwa dhumateng Allah SWT, ing pundi saha wekdal menapa kemawon. Shalwat saha salam mugi tansah katur dhumateng Nabiyullah Muhammad SAW, garwa putra, sahabat, tabiin, tabiittabiin, lumeber sedaya umat islam ngantos yaumil qiyamah.

Ma’asyiral Muslimin Rahimakumullah,

Wulan agustus kalebet wulan ingkang linangkung wigatos, wulan ingkang ing tanggal pitulas kaserat kanthi tinta emas nun inggih mrengeti dinten proklamasi kemerdekaan Indonesia. Pramila kejawi minangka tasyakkur bin nikmah ugi muhasabah, sampun ngantos warga saha negari supe kalih sejarahipun piyambak. Kedah dipun mangertosi bilih kemerdekaan wekdal sak menika, arupi raos keamanan, kedamaian, minangka rahmat saking Allah SWT,

Prayogi dipun mangertosi bilih  kemerdekaan ingkang  sareng sareng kula lan penjenengan raosaken menika, estu estu saking perjuangan para pahlawan saha awit sih nugraha rahmat kawelasan saking Allah SWT. 

Ma’asyiral Muslimin Rahimakumullah,

Ngengingi labuh labut para pejuang saha para pahlawan, estu bilih minangka generasi penerus kedah purun aktif supados pembangunan saged lumampah kanthi sae. Pramila generasi muda kedahipun :

Sepisan, ngaturaken raos syukur dhumateng Allah SWT, ingkang sampun maringi sih nugraha kerahmatan arupi kemerdekaan, kedamaian, saha raos aman ayom ayem tata titi tentrem. Allah sampun ngendika mekaten,

وَإِذۡ تَأَذَّنَ رَبُّكُمۡ لَئِن شَكَرۡتُمۡ لَأَزِيدَنَّكُمۡۖ وَلَئِن كَفَرۡتُمۡ إِنَّ عَذَابِي لَشَدِيدٞ 

Jawinipun,  lan padha elinga sira kabeh rikala pengeran paring maklum, sak temene yentha sira gelem syukur marang Allah, Allah bakal mesthi  nambahi nikmat kanggo sira kabeh, ananging yentha sira padha kufur, sak temene paseksan ingsun iku banget larane (QS. Ibrahim : 7)

Para pejuang kemerdekaan saha pendiri bangsa, sedaya sampun mafhum bilih kemerdekaan menika estu sih nugraha rahmat kawelasan saking Allah SWT. Pramila ing muqadimah UUD 1945 dipun serat :  

“Atas berkat rahmat Allah Yang Maha Kuasa dan dengan didorongkan oleh keinginan luhur supaya berkehidupan kebangsaan yang bebas maka rakyat Indonesia menyatakan dengan ini kemerdekaannya.”

Ngaturaken Raos syukur dhumateng Allah SWT awit kemerdekaan menika, estu tuwuh saking raos bilih sedaya menika saged maujud inggih amargi pangayoman, rahmat saha pitedah saking Allah SWT dzat ingkang akarya jagad. Kanthi menika bangsa lan negari kedah tansah syukur, sampun ngantos kufur. Sedaya menika sampun mlampah awit sedaya palilah saha izin saking Allah SWT.

Kaping Kalih, napak tilas saha tansah mendhet   tepa palupi awit sedaya perjuangan para pahlawan, satemah ngisi kemerdekaan menika kanthi perkawis perkawis ing sae saha migunani dhateng sedaya lapisan masyarkat. Kula lan penjenengan kedah mewarisi sifat saha sikap   keberanian, keikhlasan, kerjakeras, mboten gampil mupus, rela berkoban, persatuan, saha kesatuan. Perkawis perkawis menika ingkang tasih dipun betahaken kagem ngisi kemerdekaan saha pembangunan

Kaping Tiga biluh ngisi kemerdekaan menika kanthi tansah nglestantunaken persatuan saha kesatuan, hal menika minangka  pondasi supados bangsa menika tambah kiat, kokoh mboten gampil dipun damel crah saha memengsahan. Allah sampun  dhawuh mekaten,

وَٱعۡتَصِمُواْ بِحَبۡلِ ٱللَّهِ جَمِيعٗا وَلَا تَفَرَّقُواْۚ و

Jawinipun “lan padha gegocekan saka sira kabeh ing tali/ agamane gusti Allah lan aja pian pisan padha crah lan pepisahan (QS. Ali ‘Imron; 103)

Saking ayat menika sedaya mukmin sampun mafhum saha sadar bilih persatuan menika kanthi langsung dipun dhawuh-aken  Allah.   Kejawi saking menika menawi risak raos persatuan saha kesatuan, estu badhe gampil dipun damel asor saking pihak pihak sanes.     

Pramila Persatuan saha kesatuan ingkang kiat dados modal dasar kagem ngisi kemerdekaan menika kanthi pembangunan jasmani saha rohani.  Ugi paring pemut bilih sedaya manungsa menika dipun ripta ing  ngalam donya dados khalifatullah, damel makmur saha reja ing sedaya buminipun gusti Allah. Satemah sedaya sami ngraosaken keadilan saha wradenipun kemakmuran kesejahteraan. Mekaten mugi wonten manfaatipun

فَاسْتَبِقُوا الْخَيْرَاتِ أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah Kaping kalih

اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ

أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ

 عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ

Dening : Ustadz Firdaus Arifulloh, S.Pd.I, M.H.

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini