Berdakwah Kanthi Lembah Manah Andhap Asor

Khutbah Sepisan

اْلحَمْدُ للهِ اْلحَمْدُ للهِ الَّذي هَدَانَا سُبُلَ السَّلاَمِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ مُحَمَّدًا عَبْدُهُ وَ رَسُوْلُه، اللَّهُمَّ صَلِّ و سَلِّمْ وَبارِكْ عَلَى مُحَمَّدٍ وَعَلَى الِه وَأصْحَابِهِ اَجْمَاعِيْنَ ، أَمَّا بَعْدُ: فَيَاأيُّهَا الإِخْوَان، أوْصُيْكُمْ وَ نَفْسِيْ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنْ، قَالَ اللهُ تَعَالىَ فِي اْلقُرْانِ اْلكَرِيمْ: أَعُوْذُ بِاللهِ مِنَ الَّشيْطَانِ الرَّجِيْم، ٱدۡعُ إِلَىٰ سَبِيلِ رَبِّكَ بِٱلۡحِكۡمَةِ وَٱلۡمَوۡعِظَةِ ٱلۡحَسَنَةِۖ وَجَٰدِلۡهُم بِٱلَّتِي هِيَ أَحۡسَنُۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ 

Hadirin jamaah Jumah rahimakumullah

Puja Puji saha syukur tansah konjuk dhumateng Allahh SWT, ingkang sampun maringi sih nugraha rahmat ingkang linangkung kathah. Shalawat saha salam mugi tansah katur dhumateng Rasulullah Muhammad SAW lumeber dhumateng garwa, putra, para sahabat, tabiin, tabiittabiin, saha kaum muslimin wal muslimat ingkang tansah nggegesang sunnah sunnahipun.

Mboten kesupen mangga kula lan penjenengan sedaya tansah mbudidaya amrih mindakipun raos iman saha taqwa dhumateng Allah SWT.

Maasyiral Muslimin rahimakumullah,

Kasil saha sukses dakwah Rasulullah SAW saha sedaya sahabat lumeber  Ulama, mboten namung amargi wiyaripun wawasan ilmu, kefasihan lisan, lantip ing tata wirama basa saha seratan kitab, ananing wonten ingkang wigatos inggih menika sikap saha ahlaq ingkang linangkung minulya, inggih sikap keteladan, andhap asor, lembah manah saha tata cara dakwah ingkang remaket saha humanis (nguwongke). Allah SWT sampun paring dhawuh mekaten,

لَقَدْ كَانَ لَكُمْ فِيْ رَسُوْلِ اللّٰهِ اُسْوَةٌ حَسَنَةٌ لِّمَنْ كَانَ يَرْجُوا اللّٰهَ وَالْيَوْمَ الْاٰخِرَ وَذَكَرَ اللّٰهَ كَثِيْرًاۗ

Jawinipun: “Temen ing diri pribadine Rasulullah iku ana patuladan kang apik banget (yaiku) kanggo wong wong nduwe pepenginan (rahmat) saking Allah lan tumekane dina qiyamat lan wong kang akeh eling marang Allah.” (QS. al-Ahzab :21)

Maasyiral Muslimin rahimakumullah,

Wonten sekawan kaedah wigatos ing nindak-aken jejibahan dakwah, kados pengendikanipun para ulama mekaten :

Sepisan: Dakwah kedah  Ikhlas mligi namung pados ridlanipun Allah. Allah sampun ngendika mekaten,

وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ

Jawinipun:”sapa tha wong kang luwih apik pengendikane tinimbang wong kang ajak ajak marang Allah, nglakoni ngamal shalih, lan matur: “sak temene aku iki kalebu golongane wong wong kang gelem pasrah (muslimin)”(QS. Fushshilat: 33)

Ing madyaning nindak-aken dakwah kedah kanthi ikhlas tulusing manah, mligi namung pados ridhonipun Allah SWT. Pramila kanthi sikap ikhlas kasebat menapa kemawon ingkang sak mangke badhe tuwuh saking aktifitas dakwah, estu sedaya badhe dipun tampi lila legawa, kepara samangke lajeng dipun tindak-aken kanthi semangat saha bingah. Amarga tansah emut bilih sedaya menika sampun  taqdir, jejibahan manungsa namung ajak ajak kanthi sae, perkawis hasil menika saking ngarsa dalem Allah. Tawakkaltu ‘alallah Laa haula wala quwwata illa billah.

Kaping Kalih: Dakwah Kedah Kanthi Ilmu. Umar bin Abdul Aziz rahimahullah kagungan pemanggih mekaten

مَنْ عَبَدَ اللهَ بِغَيْرِ عِلْمٍ كَانَ مَا يُفْسِدُ أَكْثَرَ مِمَّا يُصْلُحُ

Jawinipun: “sapa wae kang ngibadah marang Allah tanpa ngilmu, mula deweke bakal  agawe rusak kang akeh tinimbang agawe kebecikan.” (Majmu’ Al-Fatawa 28:136)

Mekaten ugi Mu’adz bin Jabal radhiyallahu’anhu nate ngendiko:

العِلْمُ إِمَامُ العَمَلِ وَالعَمَلُ تَابِعُهُ

Jawinipun : “Ilmu iku pemimpine amalan. Mengkono uga amalan iku mapan ing sak pemburine ilmu. (Majmu’ Al-Fatawa 28:137)

Syaikhul Islam Ibnu Taimiyah rahimahullah ugi nate ngendika, “Yentha sewiji pawongan kang nggawa sangu awujud ngilmu, mula kanthi ngilmu iku deweke bakal age age tumuju marang kang dituju.” (Majmu’ Al-Fatawa 28:137)

Maasyiral Muslimin rahimakumullah,

Kaping Tiga: Dakwah  kanthi “Bil Hikmah Walmauidzatil Hasanah” saha sabar. Gegayutan kalih perkawis menika Syaikhul Islam paring pangandikan bilih, “saben saben tiyang ingkang kagungan kersa nindak-aken amar ma’ruf nahi mungkar, estu badhe nemahi pacoben ingkang maneka warni, pramila saking menika kedah sabar, menawi mboten sabar samangke mboten bade kasil kepara namung damel risak saha nuwuhaken bab bab ingkang mboten sae.”  Ing saklebeting QS Luqman ayat 17 Allah sampun ngendika ,

وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الأمُورِ

Jawinipun: “Lan  printah sira marang kabeh manungsa supaya padha nglakoni kebecikan lan nyegah wong wong iku saka nglakoni kang mungkar, lan padha sabar sira apa wae kang nemahi marang sira, sak temene kang mengkono mengkono iku kalebu perkara perkara kang diwajibake (dening Allah). (QS. Luqman: 17)

Maasyiral Muslimin rahimakumullah,

Kaping Sekawan : Dakwah dipun tindak-aken kanthi lampah santun saha andhap asor. Dakwah ingkang kados mekaten menika ingkang dipun dhawuhaken, saking pranatan agami islam inggih kanthi  santun, lembah manah andhap asor saha kebak ing raos ayom ayem tentrem saha hikmah. Allah SWT sampun paring dhawuh,

ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ

Jawinipun”ajak ajak-a marang kabeh manungsa ing dedalan kang tumuju marang pangeran-ira nganggo cara Hikmah (lembah manah) lan mau’idzah kang becik, lan padha rembugan kanthi cara  kang apik (ora padudon). (An-Nahl: 125)

Sikap tegas wonten ing dakwah meniko perkawis ingkang penting, namungo mekaten sikap lemah lembut lan santun sampun ngantos dipun tilaraken. Amergi kanthi ingkang mekaten hasilipun dakwah saged langkung sae lan optimal. Allah paring pangandika:

فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ

Jawinipun: “amarga sih rahmat-e Allah, sira padha ngatonake sikap kang lembah manah andhap asor marang wong wong akeh iku, seumpama sikapmu atos lan kasar/ bengis, mesthi wae wong wong iku bakal padha ngedohi sira.”(QS. Ali Imran: 159)

Rasulullah SAW ugi paring dhawuh mekaten,

ﻳَﺴِّﺮُﻭﺍ ﻭَﻟَﺎ ﺗُﻌَﺴِّﺮُﻭﺍ ﻭَﺑَﺸِّﺮُﻭﺍ ﻭَﻟَﺎ ﺗُﻨَﻔِّﺮُﻭﺍ

Jawinipun: “padha gawea gampang aja digawe angel, wenehana kabar bungah lan aja agawe perkara sewiji   kang njalari wong wong padha ngedohi.” [HR. Bukhari]

Mekaten mugi manfaat.

أَقُولُ قَوْ لِي هَذَا وَاسْتَغْفِرُوا اللهَ اِنَّهُ هُوَ الْغَفُوْرُ الرَّحِيْمُ

Khutbah Kaping Kalih

الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ ثُمَّ الَّذِينَ كَفَرُوا بِرَبِّهِمْ يَعْدِلُونَ. أَشْهَدُ أَنْ لاَ اِلَهَ إِلاَّ اللهُ, وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ مُحَمَّدًا عَبْدُهُ وَرَسُوْلُهُ.  اللَّهُمَّ صَلِّ عَلَى مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا.  أَمَّا بَعْدُ، عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ، إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اللَّهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَاتِ. رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ. اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، وَاحْمِ حَوْزَةَ الإسْلَامِ يَا رَبَّ العَالَمِينَ، اللهم انْصُرِ إِخْوَانَنَا الْمُسْلِمِيْنَ وَالْمُسْتَضْعَفِيْنَ وَالْمُجَاهِدِيْنَ فِيْ فِلِسْطِيْنَ، رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ. وَالْحَمْدُ لله رَبِّ الْعَالَمِيْنَ

Dening : Ustadz H Muhammad Munawir, M.A

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini