Khutbah Jawa : Dosa Ageng – Merjaya Tiyang

Khutbah Sepisan

اَلْحَمْدُ للهِ رَبِّ اْلعَالَمِيْن، وَالعَاقِبَةُ لِلْمُتَّقِيْنَ، وَلاَ عُدْوَانَ إِلاَّ عَلَى الظَّالِمِيْنَ،  وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنَ

فَياَ عِبَادَ الله، أُوْصِيْكُمْ وَنَفْسِي بِتَقْوَى الله فَقَدْ فَازَ الْمُتَّقُون، يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ اللهُ تَعَالَى: وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً

Ma’asyiral muslimin rahimakumullah

Mangga kula lan penjenengan tansah ngaturaken raos puja puji syukur dhumateng Allah awit sih nugraha nikmat iman saha islam. Shalawat saha salam mugi tansah katur dhumateng baginda Nabi Muhammad SAW, Imaamul anbiyaa’ wal mursaliin. Saha mboten kesupen mangga tansah ngupadi supados mindak-ipun raos iman saha taqwa dhumateng Allah SWT. Sangu linangkung edi inggih sangu taqwa dhumateng Allah SWT, kados dhawuh dalem Allah SWT, ing surat Al Baqarah ayat 197 mekaten,

وَتَزَوَّدُواْ فَإِنَّ خَيۡرَ ٱلزَّادِ ٱلتَّقۡوَىٰۖ وَٱتَّقُونِ يَٰٓأُوْلِي ٱلۡأَلۡبَٰبِ 

Jawinipun,“padha sangu-a lan sak apik apike sangu yoiku taqwa lan taqwa-a marang Ingsun wahai wong wong kang nduweni akal (QS Al-Baqarah :197)

Ma’asyiral muslimin rahimakumullah

Ing sak lebeting pranatan agami Islam bilih “ruh / nafs” estu perkawis ingkang wigatos saha luhur. Pramila ing ancas tujuan pensyariatan agami islam, bilih “nyawa/ruh manungsa” minangka perkawis kaping sepisan inggih “hifzhun nafs” inggih njagi jiwa (nyawa) manungsa. Minangka gegambaran konkrit, menawi wonten tiyang ingkang terancam saged pejah amargi mboten wonten tetedhan ingkang halal, pramila tiyang kasebat pikantuk dhahar tetedan ingkang haram sekadar damel selametipun nyawa, ing perkawis mekaten menika saged dipuntindak-aken. Sampun ngantos aji mumpung, sepisan malih namung ala kadar kagem damel slametipun nyawa. Pramila saking menika sedaya perkawis saha tumindak ingkang njalari saged icalipun nyawa diri pribadi (kanyotuwuh) saha nyawa tiyang sanes, hal menika kalebet tumindak kriminal saha dipun awisi.

Allah SWT sampun paring derajat kamulyan saha luhur, kalebet paring hak gesang. pramila saking menika ing pranatan agami Islam  sedaya lampah dhalim utawi nganiaya dhateng diri pribadi manungsa, estu kalebet perkawis ingkang dipun awisi. Sedaya tiyang rikala sak derengipun lahir saha sak sampunipun pejah mboten angsal dipun aniaya. Allah SWT sampun paring dhawuh mekaten,

وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِمَّنْ خَلَقْنَا تَفْضِيلًا

Jawinipun, lan sak temene wes ingsun mulya-ake anak turune Adam, Ingsun wus nggawe gampang kanggo wong wong akeh lumaku ing ndaratan uga ing lautan, Ingsun wus maringi rizki marang wong wong rizki kang apik apik, lan Ingsun gawe wong wong iku luwih apik tinimbang mahluq liya kang  wus ingsun ripta.  (QS Al-Isra’: 70)

Lampah merjaya tiyang menika kalebet dosa ingkang ageng, ngantos kanjeng Nabi Muhammad SAW paring pengendikan mekaten,

اجْتَنِبُوا السَّبْعَ الْمُوبِقَاتِ، قَالُوا يَا رَسُولَ اللَّهِ وَمَا هُنّ،َ قَالَ الشِّرْكُ بِاللَّهِ وَالسِّحْرُ وَقَتْلُ النَّفْسِ الَّتِي حَرَّمَ اللَّهُ إِلَّا بِالْحَقِّ وَأَكْلُ الرِّبَا وَأَكْلُ مَالِ الْيَتِيمِ وَالتَّوَلِّي يَوْمَ الزَّحْفِ وَقَذْفُ الْمُحْصَنَاتِ الْمُؤْمِنَاتِ الْغَافِلَاتِ

Jawinipun, padha ngadoh-a sira kabeh ing pitung perkara kang bakal gawe rusak. Para sahabat nuli takon: Wahai Rasulullah, perkawis menapa kemawon menika? Panjenengane paring dhawuh : yaiku Syirik marang Allah, nglakoni sihir, mateni wong kang diharamake dening Allah kejaba kanthi haq, mangan riba,mangan bandhane anak yatim, mlayu seka peperangan, lan nuduh zina marang wong wadon mukmin kang suci  . (HR Bukhari dan Muslim)

Linangkung ugi Allah SWT sampun ngendika ing Surat Al-Maidah: 32 bilih  sinten kemawon ingkang sampun merjaya setunggal tiyang kanthi mboten hak, kados kados sampun merjaya dhateng sedaya manungsa sak ngalam donya menika.

مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً

Jawinipun,“sak sapa wae kang mateni sewiji nyawa, ora amarga wong iku merjaya wong liya, utawa ora amarga wong iku gawe rusak ing lumahing bumi, mula kaya kaya wong iku wus mateni wong sak ngalam donya kabeh. Lan sak sapa wae kang nylametake uripe wong sewiji wae, mula kaya kaya wong iku wus nylametake nyawa manungsa kabeh    (Qs. Al Maidah: 32)

Ma’asyiral muslimin rahimakumullah,

Ing sak lebeting Ayat menika wonten perkawis ingkang wigatos/prinsip bilih menawi wonten tiyang ingkang merjaya tiyang sanes kanthi mboten hak, hal menika kados dene sampun merjaya dhateng tiyang sak ngalam donya. Amargi kanthi prinsip hifduzn nafs, bilih sedaya tiyang kagungan hak gesang saha hak kagungan dzurriyah keturunan.  Linangkung nyawa tiyang mukmin, estu linangkung inggil reginipun. Allah SWT kanthi tegas paring ancaman dhateng  pelaku pembunuh tiyang mukmin kanthi paukuman ingkang awrat inggih menika,

وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً

Jawinipun,“lan sak sapa wae kang merjaya sewiji wong mukmin kanthi sengaja, mula piwalese yaiku neraka Jahannam, deweke sak jek jumleg ana ing neraka, lan Allah murka marang deweke lan nglaknat uga matrapi azab/paukuman kang banget gedhene.” (Qs. An Nisa’ ayat 93)

Darah, jiwa, harta, saha kehormatan tiyang muslim estu estu inggil nilainipun, angsal pangayoman saha dipun jagi ing syariat Islam. pramila wajib kagem sedaya muslimin njagi jiwa sederekipun. Darah tiyang muslim haram ditumpahkan. Sesami muslim haram dipun lukai,menapa malih dipun perjaya.  

Ma’asyiral muslimin rahimakumullah,

Estu melas saha miris menawi kepireng wontenipun prastawa tiyang merjaya tiyang sanes inggih namung amargi sebab musabab ingkang namun sepele, kadostha  salah faham, emosi ingkang mboten terkendali, lan sebab sanes sanesipun. Sedaya kala wau kalampah amargi emosi, akal sehat/ nalar sampun keblinger saha ketutup hardaning nafsu, satemah mekaten entheng saha gampil lajeng merjaya tiyang sanes. Naudzubillahi mindzalik.

Ma’asyiral muslimin rahimakumullah,

Pungkasaning atur mangga kula lan penjenengan sami tansah mbudidaya amrih dados tiyang ingkang kersa ngamal kesaenan, amal awon dipun gantos amal sae, sabar ing sedaya tumindak, tansah syukur, tansah istighfar saha nyueuwun ngapunten dhumateng Allah,tansah nyadong sih rahmat saha kawelasan saking pengeran, kanthi pangajab lan panyuwun mugi gusti Allah kersa nampi tobat kula lan penjenengan sedaya.

Mekaten mugi pangayoman saha kawilijungen saking ngarsa dalem Allah, tansah kaparingaken saha nyawiji ing sak randuning badan kula lan penjenengan sedaya, tansah istiqomah ing margi ingkang leres, aamiin .

أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

Khutbah Kaping Kalih

اَلْحَمْدُ للهِ وَكَفَى، وَالصَّلاَةُ وَ السَّلاَمُ عَلَى مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، وأشهدُ أنَّ مُحَمَّدًا عبْدُه ورَسُولُه. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا  .اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعْوَاتِ، فَيَاقَاضِيَ اْلحَاجَاتِ. اللَّهُمَّ إِنَّا نَسْأَلُكَ الْهُدَى وَالتُّقَى وَالعَفَافَ وَالغِنَى. اللهم أَعِزَّ الإِسْلامَ وَالمُسْلِمِينَ، وَأَذِلَّ الشِّرْكَ وَالمُشْرِكِينَ، وَدَمِّرْ أَعْدآءَ الدِّينِ، اللهم انْصُرِ إِخْوَانَنَا الْمُسْلِمِيْنَ وَالْمُسْتَضْعَفِيْنَ وَالْمُجَاهِدِيْنَ فِيْ فِلِسْطِيْنَ، رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الخَاسِرِيْنَ، رَبَّنَا آتِنَا في الدُّنْيَا حَسَنَةً وَفي الآخِرَةِ حَسَنَةً وَقِنَا عَذَابَ النَّارِ

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini