Khutbah Jawa : Iman Dhumateng Rububiyah Allah

Khutbah Sepisan

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمّ صَلِّ وَسَلِّمْ عَلَى مُحَمَّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْن، اَمَّابَعْدُ فَيَاعِبَادَاللَّهِ، اُوْصِيْكُم وَنَفْسِيْ بِتَقْوَ اللهِ وَطَا عَتِهِ لَعَلَّكُمْ تُفْلِحُوْنَ ، قَالَ اللهُ تَعَالَى فِى الْقُرْاَنِ الْكَرِيْمِ : يَا أَيُّهاَ الَّذِ يْنَ ءَامَنُوا اتَّقُوا اللهَ حَقَّ تُقَا تِهِ وَلاَتَمُوْ تُنَّ إِلاَّ وَأَنْتُمْ مُّسْلِمُونَ

Jamaah Jumat  ingkang minulya

Puji saha syukur tansah konjuk wonten ngarsa dalem Allah SWT, Rabb ingkang kuwaos damel wiyar saha rupegipun rizki sedaya makhluk-ipun. Shalawat saha salam mugi tansah katur dhumateng Nabi Muhammad SAW. Ingkang sak lajengipun mangga sami mbudidaya amrih mindakipun raos taqwa dhumateng Allah. Raos taqwa menika ingkang samangke  kula lan penjenengan sedaya saged angsal kabegjan kamulyan ing donya dumugi ing akhirat

Jamaah Jumat  ingkang minulya

Saweneh saking rukun iman ingkang kedah dipun imani inggih iman dhumateng Allah SWT.  iman dhumateng Allah SWT mboten badhe saged sampurna, kejawi kula lan penjenengan sedaya kedah pitados saha yakin dhumateng  sifat Rububiyah-ipun gusti Allah SWT. Prof. Dr. Yunahar Ilyas ing sak lebeting buku “Kuliah Aqidah Islam” paring pangertosan bilih makna  saking sifat-sifat rububiyah Allah SWT ingkang kedah dipun imani antawisipun :

Sepisan, Allah SWT (Al-Khaliq) Ingkang Maha Ngripta. Minangka dados tiyang inhkang iman, mesthi kemawon kula lan penjenengan kedah pitados bilih sedaya manungsa saha sedaya alam semesta menika dipun ripta panjenenganipun Allah SWT. Ing sak lebeting Al Quran surat Al Baqarah ayat 21 Allah SWT paring dhawuh mekaten :

يَاَ يُّهَا النَّا سُ اعْبُدُوْا رَبَّكُمُ الَّذِ يْ خَلَقَكُمْ وَالَّذِ يْنَ مِنْ قَبْلِكُمْ لَعَلَّكُمْ تَتَّقُوْنَ

Jawinipun : “Hai manusia,manembah-a  sira kabeh marang pengeranmu kang wus ngripta sira kabeh. lan wong wong sak durunge sira kabeh, supaya sira kabeh padha taqwa.

Imam Ath Thabari paring piwucal bilih ing ayat menika gusti I paring pepeling dhateng musyrikin Mekah, supados kersa manembah dhumateng Allah, dzat ingkang sampun ngripta sedaya manungsa saha sedaya ngalam semesta. Pepeling kasebat supados tiyang menika dados kawula ingkang taqwa. amargi mboten wonten setunggal perkawis menapa kemawon, saged dipun damel pawadan, kangge mboten ngakeni bilih Allah menika pengeran ingkang haq dipun sembah saha pengeran ingkang ngripta saha njagi sedaya ngalam semesta  (sedaya ingkang wonten ing lumahing bumi tangkeping langit.) pramila dipun dhawuhaken supados manembah saha ngumawula kanthi ihlas.

Jamaah Jumat  ingkang minulya

Kaping Kalih, Allah SWT menika (Ar-Razzaq) Maha Paring Rizqi. Allah I sampun paring dhawuh kanthi terang terwaca ing Al Quran surat Al Baqarah ayat 22 mekaten.

اَلَّذِيْ جَعَلَ لَكُمُ الْاَرْضَ فِرَا شًا وَّ السَّمَآ ءَ بِنَآ ءً, وَّاَنْزَلَ مِنَ السَّمَآ ءِ مَآءً فَاَخْرَجَ بِهِ مِنَ الثَّمَرَتِ رِزْقًا لَّكُمْ , فَلَا تَجْعَلُوْ الِلَّهِ اَنْدَا دًا وَّاَنْتُمْ تَعْلَمُوْنَ

Jawinipun, “penjenegane Allah kang wes ndadek-ake bumi minangka panggonan kang lempar kanggo sira kabeh, lan langit minangka eyup eyup lan panjenengane kang wus ngripta udan saka langit, nuli panjenengane kanthi anane udan iku mau, nuwuhake woh wohan minangka rizki kanggo sira, mula saka iku aja pisan pisan sira agawe tandingan marang gusti  Allah, sira rak ya wes ngerti ?

Saking surat al Baqarah ayat 21 paring piwucal bilih saweneh saking sifat Allah minangka dzat ing maha Ngripta, lajeng ing ayat 22 bilih gusti Allah menika dzat ingkang maha paring rizqi. Hal menika wonten pangertosan bilih sedaya makhluk ingkang sampun karipta menika ugi sampun terjamin ing bab rizqinipun. Estu bilih Allah sampun maringi akal pikiran saha potensi diri, Pramila jejibahan saking kawula inggih pados rizki pangupajiwa ingkang sampun kacawisaken saking Allah I.  Saking menika mboten wonten pawadan saha perkawis menapa kemawon, menawi badhe nebihi saha mboten pitados awit sedaya potensi saha  rizki ingkang sampun kacawis-aken saking ngarsa dalem Allah SWT.

Kaping Tiga, Allah menika (Al-Hafidz) maha njagi sedaya ripta-an-ipun. Allah SWT sampun paring dhawuh ing Al Quran surat Hud ayat 57 mekaten

 فَاِ نْ تَوَلَّوْ افَقَدْ اَبْلَغْتُكُمْ مَّآ اُرْسِلْتُ بِهِ اِلَيْكُمْ  وَيَسْتَخْلِفُ رَبِّي قَوْمًا غَيْرَكُمْ  وَلاَ تَضُرُّوْنَهُ شَيْئًا  اِنَّ رَبِّي عَلىَ كُلِّ شَيْ ءٍ حَفِيْظٌ

Jawinipun : “ yentha sira padha mlengos, mula sak temene ingsun wus tabligh marang sira, apa apa (amanat) kang ingsun diutus (kanggo tumekane dakwah risalah) marang sira. Lan pengeranku bakal ganti (sira kabeh) para kaum kang bedha, lan sira ora bisa gawe cilaka/ mudharat kanggo piyambake sethithik-a wae. Saktemene pengeran ingsun iku dzat kang maha njaga sekabehane”.

Prof. Dr. Buya Hamka ing sak lebeting tafsir Al Azhar ngaturaken pemanggih bilih makna Al-Hafidz utawi Maha njagi lafadz ing QS Hud ayat 57 kasebat inggih   mboten wonten samu barang ler utawi setunggal makhluk ingkang saged oncat saking   pengawasan saha penjagaan saking Allah SWT. Kalebet ugi bilih pengawasan dhateng wong wong kafir, kang nduweni panyana menawa saged  oncat saking   pengawasan-ipun Allah.

Sak lajengipun bilih pangertosan saking Al Hafidz inggih ugi wonten pangertosan bilih estu estu Allah SWT tasih mbikak korining tobat kagem sinten kemawon. Gusti Allah utawi Sang Maha njagi, kagungan kori taubat ingkang estu wiyar. Pramila saking menika bilih kanthi kari tobat menika tansah tinarbuka, menika estu bilih gusti Allah tansah tanggel jawab, saha tansah paring ngapunten ing sedaya kawula jer kawula kasebat panci kagungan krenteg badhe tobat.     Langkung wiyar malih, bilih gusti Allah menika maha njagi, ekosistem ing ngalam donya menika supados tansah mlampah kanti sae teratur saha berimabang.

Jamaah Jumat  ingkang minulya

Mekaten khutbah singkat ing dinten menika, mugi mugi kula lan penjenengan sedaya sami saged njagi iman dhumateng Allah, Aamiin.

بَارَكَ اللهُ لِي وَلَكُمْ فِى الْقُرْاَنِ الْعَظِيْمْ وَنَفَعَنِيْ وَاِيَّاكُمْ بِمَافِيْهِ مِنَ الْاَيَاتِ وَالذِّكْرِ الْحَكِمْ وَتَقَبَّلَ مِنِّى وَمِنْكُمْ تِلَاوَتَهُ اِنَّهُ هُوَالسَّمِيْعُ الْعَلِيْم

Khutbah Kaping Kalih

اَلْحَمْدُ لِلَّهِ الَّذِيْ اَرْسَلَ رَسُوْلَهُ بِالْهُدَى وَدِيْنِ الْحَقِّ لِيُظْهِرَهُ عَلَ الدِّ يْنِ كُلِّهِ وَكَفَى بِاللَّهِ شَهِيْدًا،. أَشْهَدُأَنْ لاَإِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُأَنَّ مُحَمَّدًعَبْدُهُ وَرَسُوْلُهُ. اَللَّهُمَّ صَلِّ وَ سَلِمْ عَلَى مُحَمَّدٍ وَ عَلَى اَلِهِ وَاَصْحَا بِهِ اَجْمَعِيْنَ. أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهم اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعْوَاتِ، فَيَاقَاضِيَ اْلحَاجَاتِ. رَبَّنَا ظَلَمْنَا أَنْفُسَنَا وَإِنْ لَمْ تَغْفِرْلَنَاوَتَرْحَمْنَا لَنَكُوْنَنَّ مِنَ اْلخَا سِرِيْنَ. رَبَّنَا لاَ تُزِغْ قُلُوْ بَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً  اِنَّكَ اَنْتَ اْلوهَابُ. رَبَّنَا لاَ تُؤَاخِذْنَا اِنْ نَسِيْنَا اَوْ أَخْطَأْ نَا, رَبَّنَاوَلاَ تَحْمِلْ عَلَيْنَاإِصْرًاكَمَا حَمَلْتَهُ عَلَى الَّذِيْنَ مِنْ قَبْلِنَا, رَبَّنَا وَلاَ تُحَمِّلْنَا مَالاَطَاقَةَ لَنَا بِهِ, وَاعْفُ عَنَّا وَاغْفِرْ لَنَا وَارْحَمْنَا اَنْتَ مَوْلاَنَا فَانْصُرْنَا عَلَى اْلقَوْمِ اْلكَا فرِيْنَ .رَبَّنَا اَتِنَافِى الدُّ نْياَ حَسَنَهً وَفِى اْلاَخِرَةِ حَسَنَهً وَقِنَا عَذَابَ النَّارِ. وَالْحَمْدُ ِللهِ رَبِّ اْلعَا لَمِيْنَ    

Dening : Ustadz Karwanto, S.Pd

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini