Khutbah Jawa : Mbikak Kori Rezeki Barakah
Khutbah Sepisan
الْحَمْدُ لِلَّهِ الَّذِي خَلَقَ السَّمَٰوَاتِ وَالْأَرْضَ وَجَعَلَ الظُّلُمَاتِ وَالنُّورَ ثُمَّ الَّذِينَ كَفَرُوا بِرَبِّهِمْ يَعْدِلُونَ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اللَّهُمَّ صَلِّ وَسَلِّمْ عَلى عَبْدِكَ وَرَسُوْلِكَ مُحَمَّدٍ وَعَلَى آلِهِ وَصَحْبِهِ أَجْمَعِيْنَ .
أَمَّا بَعْدُ فَيَآ أَيُّهَا المُؤْمِنُوْنَ إِتَّقُوْا اللهَ أُوْصِيْكُمْ وَإِيَّايَ بِتَقْوَى اللهِ وَطَاعَتِهِ فَقَدْ فَازَ المُتَّقُوْنَ. يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ اللّٰهُ تَعَالٰى فِى الْقُرْاٰنِ الْعَظِيْمِ. اَعُوْذُ بِاللّٰهِ مِنَ الشَّيْطَانِ الرَّجِيْمِ. بِسْمِ اللّٰهِ الرَّحْمٰنِ الرَّحِيْمِ. وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا
Jamaah Jumat rahimakumullah.
Alhamdulillah puji saha syukur tansah konjuk wonten ngarsa dalem Allah SWT ingkang sampun maringi sih nugraha rahmat kawelasan ing donya ngantos dumugi ing akhirat. Shalawat saha salam mugi tansah katur dhumateng panutan umat, inggih kanjeng Nabi Muhammad SAW, lumeber dhateng sedaya garwa, putra, para sahabat, tabiin, tabiit tabiin, sedaya umat islam ingkang tansah nggegesang sunnah sunahipun.
Minangka khatib mboten kesupen ngemutaken dhateng awak piyambak saha sumrambah dhumateng sedaya jamaah, mangga tansah mbudidaya amrih mindakipun raos taqwa dhumateng Allah SWT, inggih manembah kanthi ihlas saha khusyuk, dhedepe parek dhumateng Allah SWT.
Jamaah Jumat yang dirahmati Allah,
Penjenegan lan kula gesang ing ngalam praja menika mboten saged gingsir saking perkawis rizki, amargi rizki menika minangka dados sarana gesang ing ngalam donya. Allah SWT sampun paring dhawuh kagem sedaya kawulanipun, supados sami ikhtiyar saha ngupadi rizki kasebat, ewa semanten sedaya pepesthen, kepanggih lan mbotenipun rizki, sedaya miderek pepesthen saking Allah SWT. Hal menika sampun kaserat ing pustaka suci al quran ing surat Hud ayat 6 mekaten,
وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَ
Jawinipun, ora ana sekabehe gegremet ing lumahing bumi, kejaba kabeh iku mau gusti Allah kang nanggung kabeh rizkine. (QS. Hud: 6).
Wondene ing hadits inggih riwayat saking Ibnu Mas’ud r.a, bilih kanjeng Nabi SAW sampun ngendika ing lampah kedadosan sedaya manungsa menika dipun titahaken,
ثُمَّ يُرْسَلُ الْمَلَكُ فَيَنْفُخُ فِيهِ الرُّوحَ وَيُؤْمَرُ بِأَرْبَعِ كَلِمَاتٍ بِكَتْبِ رِزْقِهِ وَأَجَلِهِ وَعَمَلِهِ وَشَقِىٌّ أَوْ سَعِيدٌ
Jawinipun,“nuli diutus malaikat marang janin kanggo niup-ake ruh lan diperintah supaya nyatet 4 takdir, takdir rizkine, ajale, amale lan cilaka lan bejane.” (HR. Muslim 6893).
Kathah tiyang ingkang kagungan pemanggih bilih rizki menika namung raja brono kemawon, wstu pemanggih menika klentu, amargi ingkang sayektos bilih rizki menika ngemu suraos ingkang wiyar. Rizki inggih sedaya sih nugraha saha rahmat saking ngarsa dalem Allah SWT wujud menapa kemawon. Saged raja brono, sehat, raos ayem ayem tentrem, bahagia lan sanes sanesipun, sedaya menika inggih rizki. Pramila raja brono menika namung saweneh rizki saking ngarsa dalem Allah SWT.
Jamaah Jumat rahimakumullah.
Minangka cecepengan kagem tiyang ingkang beriman, ngupadi saha angsal rizki inggih ingkang halal, thoyib, saha barakah. Hal menika ingkang dados tolok ukuripun. Pramila rizki ingkang barakah inggih rizki ingkang ngajak dhumateng taqwa saha tambah sae utawi (ziyadatul khoir). Dados makna ingkang prasaja bilih raja brana ingkang barakah inggih raja brana ingkang nambahi ing kesaenan. Kesaenan ingkang sak yektos / hakiki inggih taqwa dhumateng Allah SWT. Kanthi tembung sanes bilih rizki ingkang barakah inggih rizki ingkang tumuju dhumateng taqwallah. Pramila menawi wonten tiyang ingkang angsal raja brana kathah, tansah sehat, sedaya usaha tansah gangsar, lan sak panunggil-ipun, ananging piyambake mboten tambah celak saha taqwa dhumateng Allah, niku ateges tiyang kasebat angsal istidroj utawi penglulu.
Kasebat ing sak lebeting kitab Syarah Shahih Muslim anggitan Imam Nawawi dipun aturaken bilih barakah menika wonten kalih pangertosan inggih menika,
- Tuwuh, ngrembaka / tambah
- Kesaenan ingkang mboten pedhot
Miterat Imam Nawawi, asal makna barakah inggih menika “kesaenan ingkang kathah saha langgeng.”. Kesaenan inggih syarat mutlaq keberkahan sewijipun rezeki. Pramila supados pikantuk rizki ingkang barakah kedah ngupadi saha ikhtiyar kanthi estu estu, ngginak-aken raja brana ing margi ingkang leres miderek paugeraning agami. Tembung simpul ingkang cekak aos inggih wiwit ngupadi ngantos nasaruf-aken rizki menika kedah tansah miderek ing paugeran agami.
Sayektos menawi kula lan penjenengan sedaya kersa miderek pranatan saking ngarsa dalem Allah SWT, estu tansah badhe pikantuk rezeki ingkang melimpah saha barakah. Kados dhawuh dalem Allah SWT ingkang kaserat ing surat al-Baqarah 261 mekaten,
مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ ۗ وَاللَّهُ يُضَاعِفُ لِمَنْ يَشَاءُ ۗ وَاللَّهُ وَاسِعٌ عَلِيمٌ
Jawinipun, Perumpamaan (nafkah kang ditasarufke dening) wong wong kang nafkah-ake rajabrana-ne ing dalane Allah hiya padha karo serupane sebutir winih kang nukul-ake dadi pitung bulir, saben saben bulir dadi satus biji. Allah paring mathikel thikel (ganjaran) kanggo sapa wae kang dipun kersak-ake. lan Allah Maha jembar (peparingan–ne) uga Maha pirsa. (QS: Al Baqarah, 261)
Ayat ing nginggil paring sesuluh dhateng kula lan penjenengan sedaya kepripun tatacara ngupadi rajabrana ingkang kathah ugi barakah. Kathah kisah kisah kala zaman rumiyin para priyagung ingkang iman saha taqwa dhumateng Allah SWT, ugi kasinungan rajabrana ingkang kathah. Lajeng rajabrana kasebat dipun ginak-aken kagem jihad fisabilillah. Mekaten ugi wonten kisah saweneh tiyang ingkang kasinungan rajabrana ingkang kathah ananging dipun damel maksiyat saha ngrisak tatanan agami saha sosial. Ing tembe tiyang kasebat namung manggihi kapitunan gesang.
Jamaah Jumat rahimakumullah.
Pramila kagem pangemut saha ibdak binafsik, mangga kula lan penjenengan sedaya sami mirsani piyambak, dumugi sepinten efek saking rajabrana saking ngarsa dalem Allah SWT menika, ingkang sampun dipun ginak-aken ing marginipun gusti ingkang akarya jagad. Menapa malah dipun ginak-aken kagem nuruti hawa nafsu. Menawi sih nugraha rahmat rajabrana menika dipun agem kangge jihad fisabilillah, estu menika indikator dados rajabrana ingkang barakah. Kosok wangsulipun menawi dipun agem kangge maksiyat, estu rajabrana kasebat badhe nuwuhaken adzab utawi paseksan saking Allah SWT.
Mekaten mugi mugi kula lan penjenengan sedaya dados ewonipun kawula ingkang tansah ing margi ingkang leres, saha tansah angsal sih nugraha rahmat saha barakahipun Allah SWT, aamiin.
Khutbah Kaping Kalih
اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ لاَ نَبِيَّ بَعْدَهُ. اللهم صَلِّ وَسَلّمْ عَلٰى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن. أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ. وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهم صَلِّ عَلَى مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ مُحَمَّدٍ. اللهم اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآء مِنْهُمْ وَاْلاَمْوَاتِ. اللهم أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمِ الدِّيْنِ. اللهم ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.
عِبَادَاللهِ إِنَّ اللهَ يَأْمُرُبِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَر
Oleh : Ustadz Samsumuin Harahap, M.Pd
Naskah Lengkap bisa di download disini
Silakan gabung Group WhatsApp
Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini
