Tumakninah Ing Shalat Lan Implementasinipun

Khutbah Sepisan

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِيْرُهُ وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلَا مُضِلَّ لَهُ وَمَنْ يُضْلِلْهُ فَلَا هَادِيَ لَهُ، أَشْهَدُ أَنْ لَا إِلَهَ إِلاَّ الله  وَحْدَهُ لَا شَرِيْكَ لَهُ  وَأَشْهَدُ أَنَّ مُحَمَّدً عَبْدُهُ وَرَسُولُهُ لاَ نَبِيَ وَلَا رَسُولَ بَعْدَهُ. اللَّهُمَّ صَلِّي عَلَى نَبِيِّنَا مُحَمَّدٍ, وَعَلَى آلِهِ وَأَصْحَابِهِ أَجْمَعِينْ. وَمَنْ تَبِعَهُمْ بِإِحْسِانٍ إِلَى يَوْمِ القِيَامَةِ.

أَمَّا بَعْدُ، فَيَا أَيُّهَا الْحَاضِرُوْنَ، اِتَّقُوْا الله حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ، قَالَ اللهُ تَعَالَى فِي الْقُرْآنِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ،  ٱتْلُ مَآ أُوحِىَ إِلَيْكَ مِنَ ٱلْكِتَٰبِ وَأَقِمِ ٱلصَّلَوٰةَ ۖ إِنَّ ٱلصَّلَوٰةَ تَنْهَىٰ عَنِ ٱلْفَحْشَآءِ وَٱلْمُنكَرِ ۗ وَلَذِكْرُ ٱللَّهِ أَكْبَرُ ۗ وَٱللَّهُ يَعْلَمُ مَا تَصْنَعُونَ

Hadirin Jamaah Jum’at rahimakumullah

Puji saha syukur tansah konjuk wonten ngarsa dalem Allah SWT, shalawat saha salam mugi tansah katur dhumateng Rasulullah SAW lumeber sedaya keluarga, para sahabat, saha sedaya penderek ngantos akhir zaman. Ing wekdal ingkang sae menika khatib ngajak dhumateng sedaya jamaah, mangga tansah istiqamah dados kawula ingkang taqwa. kanthi nindak-aken sedaya dhawuh saha nilar sedaya awisan-ipun.

…اِنَّ اَكْرَمَكُمْ عِنْدَ اللّٰهِ اَتْقٰىكُمْ ۗ..

Jawinipun:”…sak temene wong kang paling ,ulya ing ngarsane Allah yoiku wong kang paling taqwa … (QS. al-Hujurat : 13).

Hadirin Jamaah Jum’at rahimakumullah

Bab menika kalebet perkawis ingkang wigatos, ngantos Rasulullah SAW ugi nyuwun reksa saking manah ingkang mboten saged khusyuk. Panjenengane tansah dedonga dhumateng Allah mekaten,  

اللَّهُمَّ إِنِّي أَعُوذُ بِكَ مِنْ عِلْمٍ لَا يَنْفَعُ، وَمِنْ قَلْبٍ لَا يَخْشَعُ

Jawinipun, “Ya Allah kula nywun reksa dhumateng paduka, saking ilmu ingkang mboten manfaat saha manah ingkang mboten saged khusyuk

Pramila kalebet perkawis ingkang linangkung wigatos inggih menika shalat kanthi khusyu’. Shalat inggih pengibadahan ingkang kagem tolok ukur antawisipun tiyang mukmin kalih munafiq. Kados ingkang sampun kaserat ing pustaka suci Al-Qur’an kariim mekaten,

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا

Jawinipun, “Sak temene wong wong munafiq iku padha arep ngapusi marang Allah, (ananging) Allah bakal mbales marang wong wong iku. Nalika wong wong iku padha ngadek arep shalat kanthi aras arasen. Wong wong ikuduwe kareppamer (kanthi shalat) ing khalayak manungsa. Lan wong wong kuwi ora eling marang Allah kejaba mung setithik. (QS. An Nisa’: 142).

Hadits riwayat saking sahabat Jabir bin ‘Abdillah r.a, bilih Rasulullah SAW sampun paring dhawuh mekaten,

بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلاَةِ

Jawinipun,”(bates)utawa titen-ane wong islam karo lampah syirik lan kafir iku ninggal-ake shalat.” (HR. Muslim)

Hadirin Jamaah Jum’at rahimakumullah

Estu kathah hikmah nindak-aken shalat  kanthi khusyuk. Antawisipun badhe pikantuk kabegjan kamulyan ingkang langgeng ing donya ngantos akhirat. Sampun kaserat ing  Al-Qur’an mekaten,

قَدْ اَفْلَحَ الْمُؤْمِنُوْن. الَّذِيْنَ هُمْ فِيْ صَلَاتِهِمْ خٰشِعُوْنَ

Jawinipun, sak temene beja kemayangan tumrap wong wong kang padha iman,(yoiku) wong wong kang khusyuk shalat-e.” (QS al-Mu’minun,:1-2)

Sak lajengipun tiyang tiyang ingkang nindak-aken shalat kanthi khusyuk, estu badhe marisi Surga Firdaus. inggih menika tiyang tiyang ingkang tansah ngreksa amanat saha nglestantunaken nindak-aken shalat kanthi sae.  Allah SWT paring dhawuh mekaten,

وَالَّذِيْنَ هُمْ لِاَمٰنٰتِهِمْ وَعَهْدِهِمْ رَاعُوْنَۙ. وَالَّذِيْنَ هُمْ عَلٰى صَلَوٰتِهِمْ يُحَافِظُوْنَۘ. اُولٰۤىِٕكَ هُمُ الْوٰرِثُوْنَۙ. الَّذِيْنَ يَرِثُوْنَ الْفِرْدَوْسَۗ هُمْ فِيْهَا خٰلِدُوْنَ.

Jawinipun, “ lan wong wong kang ngreksa amanat-amanat (kang dicaoske marang deweke) lan janji-ne. lan wong wong kang ngreksa shalate. Hiyom mengkono mengkono iku wong wong kang bakal marisi Surga Firdaus, wong wong iku bakal kekal abadi ing sak njerone.” (QS al-Mu’minun : 8-11)

Saweneh ikhtiar saged nindak-aken shalat kanthi khusyuk, inggih menika ing sak lebeting nindak-aken shalat kanthi Tumakninah. Pangertosan Tumakninah inggih menika minangka tuwuhipun ketenangan, kesunyian, ketenangan batin saha  mboten kesesa rikala nindak-aken shalat.

Hadirin Jamaah Jum’at rahimakumullah

Tumakninah inggih menika saweneh saking rukun shalat, ingkang kedah dipun lampahi. Tumakninah inggih kendel sekedhap rikala nindak-aken   gerakan rukuk, sujud, i’tidal, saha lenggah ing antawaisipun kalih sujud.  Miterat pemanggih jumhur utawi  ijma’ ulama Tumakninah kalebet saweneh saking rukun shalat.

Wonten pemanggih sanes bilih Tumakninah menika “tenang (kendel saha mboten obah obah) rikala nindak-aken rukuk, sujud, i’tidal, saha lenggah ing antawaisipun kalih sujud, antawis dangunipun waosan  “Subhanallah”.

Saking paugeran saha pemanggih ing nginggil, saged dipun fahami bilih Tumakninah saged dipun sebat nindak-aken shalat kanthi khusyu saha nindak-aken lampah lampah shalat menika kanthi sae  saha tertib.

Dipun sebataken ing sak lebeting Musnad Imam Ahmad rahimahullah bilih Nabi SAW sampun paring pengendikan mekaten,

أَسْوَأُ النَّاسِ سَرِقَةً الَّذِى يَسْرِقُ مِنْ صَلاتِهِ، قَالُوا: يَا رَسُولَ اللَّهِ، وَكَيْفَ يَسْرِقُ مِنْ صَلاَتِهِ؟ قَالَ: “لاَ يُتِمُّ رُكُوعَهَا وَلاَ سُجُودَهَا

Jawinipun, Pencuri kang paling elek yaiku wong kang nyolong sewiji nalika shalat-e. ”Para Shahabat r.a (rade ngungun) lajeng nyuwun pirsa, dhumateng “Rasulullah SAW ?! kepripun ingkang dipun maksud kalih nyolong sewiji wiji ing  nembe shalat menika duh kanjeng Nabi ? lajeng Kanjeng Nabi  SAW paring dhawuh, yoiku wong kang shalat kang ora agawe sampurnane nalika rukukl an sujud-e

Hadirin Jamaah Jum’at rahimakumullah

Amargi Tumakninah menika kalebet rukun saking  shalat ingkang kedah dipun tindak-aken, pramila kedah ugi dados kawigatosan saha pangertosan. Ewo semanten ugi wonten perkawis wigatos sanesipun inggih menika “implementasi”  saking  sikap Tumakninah ing madyaning panggesangan.

Fungsi tumakninah kejawi paring raos ayom ayem ing manah, ugi saged kalis saking sedaya sesakit batiniyah kadosta resah gelisah, cemas, khawatir ngadhepi gesang.

Implemantasi Tumakninah ing madyaning panggesangan inggih supados saged dados sarana mindak-pun gesang. Mindakipun kualitas gesang estu betah raos ayom ayem, sak dereng saha sak sampunipun nindaken jejibahan, linangkung rikala nindak-aken jejibahan supados angsal hasil ingkang nyengsemaken..

Tumakninah badhe kajiwa kasarira menawi dipun landasi kanthi muraqabah inggih tuwuhipun raos yakin bilih Allah tansah ngudaneni saha paring pengawasan. Satemah tuwuh raos tansah kagungan tekad badhe nindak=aken sedaya dhawuh saha nebihi sedaya awisanipun Allah.

Hadirin Jamaah Jum’at rahimakumullah

Mekaten khutbah jum’at ing wekdal sak menika, mugi mugi kula lan penjenengan sedaya tansah saged nindak-aken shalat kanthi Tumakninah saha saged ngamalaken sikap Tumakninah ing madyaning gesang saha panggesangan, aamiin.

بَارَكَ اللهُ لِي وَلَكُمْ فِي الْقُرْآنِ الْكَرِيْمِ, وَنَفَعَنِي وَإِيَّا كُمْ بِااْلآيَاتِ وَالذِّكْرِ الْحَكِيْمِ, إِنَّهُ هُوَ التَّوَّابُ الرَّحِيْمِ, وَقُلْ رَبِّ اْغفِرْ وَارْحَمْ وَأَنْتَ خَيْرُ الرَّحِمِيْنَ

Khutbah Kaping Kalih

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ  أَشْهَدُ أنْ لا إلَهَ إلا اللهُ وَحْدَهُ لا شَرِيكَ لَهُ، وَأَشْهَدُ أَنَّ مُحَمَّدًا عبْدُهُ ورَسُوْلُه. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ

  أَمَّا بَعْدُ؛ عِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ وَقَالَ اللهُ تَعَالَى :  إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِيْنَ إِمَامًا. رَبَّنَا اغْفِرْ لَنَا وَلإِخْوَانِنَا الَّذِيْنَ سَبَقُوْنَا بِاْلإِيْمَانِ وَلاَتَجْعَلْ فِيْ قُلُوْبِنَا غِلاًّ لِّلَّذِيْنَ ءَامَنُوْا رَبَّنَا إِنَّكَ رَءُوْفٌ رَّحِيْمٌ. رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ. سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ، وَسَلاَمٌ عَلَى الْمُرْسَلِيْنَ، وَاْلحَمْدُ ِللهِ رَبِّ اْلعَالَمِيْن

Oleh : Ustadz HM. Munawir, M.A

Naskah Lengkap bisa di download disini

Silakan gabung Group WhatsApp

Donasi Dakwah
Bank Muamalat : 53200 16730
a.n. Majelis Tabligh PDM Bantul
Konfirmasi : klik disini